إختراع عاوز مخترع0000000؟؟؟

الموضوع ببساطه عباره عن فكره جت لى انا عندى ريموت للسياره من النوع التيواني اللي بيركب ومعاه سنتر لوك ولقيت زرار عباره عن الزر الرابع وأنا مش شايف له لازمه معايا بصراحه لما بدوس عليه العربيه تنور و تدى تلاكسات زى المجنونه00
المهم فكرت أستفيد من الزرار ده بالدوس عليه تفتح الشنطه للسياره وتبقى فكره جديده من نوعها
أنا كونت أكثر من 90% م الفكره
وشرحها إننا ببساطه نجيب ماكينه تمنها 10 جنيه من النوع اللى بيستخدم ف السنتر لوك
ونركبها ف الشنطه وعند توصيل الكهربا ليها تشد ذراعها قفل الشنطه فتفتخ الشنطه بالكهرباء00
فكره بسيطه وسهله التنفيذ والجديد إننا نوصلها بالانذار ونخليها لما ندوس على الزر الرابع اللى بقولكم عليه يرسل كهربا لشنطه فتفتح بالريموت 000
ايه رأيكم محتاج مهندسين القسم يفيدونا ويفيدو الجميع ف الموضوع ده
وشكرا ليكم جميعا

انا متابع لاني سألت عالنموضوع كتير ومحدش فادني

دى برمجة الجهاز
صعبة شوية

انا عملت موضوع الشنطه من زمان
شوف هتلاقى فى كتالوج جهاز الأنذار ليه وصله للشنطه و لا لأ
لو ليه- فرده بنى - يبقى لو دوست على الفتح شوبه هتفتح الشنطه

اقتباس:

---

المشاركة الأصلية كتبت بواسطة tananybasha

انا عملت موضوع الشنطه من زمان
شوف هتلاقى فى كتالوج جهاز الأنذار ليه وصله للشنطه و لا لأ
لو ليه- فرده بنى - يبقى لو دوست على الفتح شوبه هتفتح الشنطه

---

ممكن توضيح للحكاية دى...فردة بنى دى تقصد بيها لون سلك فى توصيلات الريموت ولا ايه بالظبط
لان عمى مصمم ان ريموت عربيته(وولف) المفروض يفتح الشنطة بس الريموت هو اللى بايظ فكنت عايز اعرف ازاى نعرف بيفتح الشنطة ولا لأ

هضرتك هتجيب الكتالوج وتشوف هل ليه سلك بيطلع اشارة لما تضغط على الزرار الرابع ولا لا ((ايا كانت الاشارة الطلعة سواء لكلاكس او لسنتر او او..))
لو ليه توصل السلك ده على جزر السنتر بتاع الشنطة لو اشتغل يبقى تمام لو مشتغلش يبقى عايز ريليه من او 2 جنيه او كتاوت قليلة الوات وتتوصل بتوصيلة معينة وهشتغل انشاء الله

ارجو الرد وانا معاك

انا اعرف كهربائى عفريت فى شارع السبع سواقى فى القصر العينى بيعمل الموضوع دة.

بعد أذنك بسس ،، أنت لو موصل سنتر صح ،، دوس على الزرار بتاع فتح الأبواب أو بتاع الألارم "على حسب اللي مركبلك" المهم دوس عليه لمدة 5 ثواني ،، حتلاقي الشنطة أتفتحت ... و بالمناسبة الزرار ده ليه أهمية ،، و هو أنك لو راكن في حته و فيه أكتر من عربية شبه عربيتك ،، أو حتى راكن في باركينج كبير و ناسي عربيتك فين ،، بتدوس على الزرار ده و العربية بتصرخ عشان أنت تعرف مكانها ،،

عارف ليه ،، عشان متتحطش في نفس الموقف بتاع أحمد حلمي و منى زكي في الأعلان بتاع الأوبتراا :))))))))

فكره حلوه قوي يا باشا استمر بقي في التنفيذذ وربنا معاك

انا الانذار عندي فوما و خلليت الواد اللي ركبللي الانذار يركب الماكينة للشنطة و بفتح الشنطة من نفس زرار الفتح العادي بس بطول الضغطة شوية

ها عملت ايه يا استذنا

اقتباس:

---

المشاركة الأصلية كتبت بواسطة samehafez

انا الانذار عندي فوما و خلليت الواد اللي ركبللي الانذار يركب الماكينة للشنطة و بفتح الشنطة من نفس زرار الفتح العادي بس بطول الضغطة شوية

---

بعد ازنك ممكن تفاصيل اكتر
يعني اصلا الشنطه كانت بتفتح كهرباء بس من التابلوه و الكهربائي عدلها عشان تفتح من الريموت و لا كانت بتفتح بواير شداد من جوه ؟

الاول اجهزه الانذار انوع فيها اللي فيه امكانيه فتح الشنطه من الريوموت ودا بيكون فيه زرار رابع موجود فيه ومرسوم عليه شنطه
وطبعا لازم تكون الشنطه بتفتح كهرباء من زرار في الداخل لانه لو مش كده يبقي لازم تجيب ماكنه شنطه زي بتاعت السنتر وتتوصل علي زرار وكمان توصلها علي جهاز السنتر بتاعك اللي هو مجهز لكده اساسا
خلاصه الموضوع
عايز تعمل موضوع الشنطه دا
1.جهاز انذار موجود فيه امكانيه فتح الشنطه يعني فيه خامس زراير مش اربعه(فتح-قفل-قفل صامت-بانيك-زرار الشنطه) لانه علشان تغير وظيفه زرار البانيك دا يبقي ديه محتاجه مبرمج واعاده برمجه لجهاز الانذار مش كهربائي خالص
2.شنطه تفتح كهرباء سواء اصليه او تتعدل وفي موضوع في المنتدي هنا واحد معدل شنطه الشا هين وعامله كهرباء

http://www.o-digital.com/uploads/217...m_B641_837.jpg
بص علي الريموت دا
هو دا بقي الزرار الزياده وعلي فكره جهاز الانذار دا موجود في مصر وسعره مش غالي زي العادي تماما يعني 140 -160 جنيه بكتيره

يا جماعة حاولوا تبصوا علي الاوبل استرا 2003 - 2006 البراويلي الموضوع ده نازل فيها built in
في الريموت الاصلي بتاعها

و اعتقد موضوع مكنة السنتر دي اقتراح حلو اوي

هى بالنسبة لينا كاوبلاوية الحاجات ديه موجود اساسا زى برضوة موضوع الديلاى ليت بصراحة الاوبل مش مخلينا محتجين لحاجة الحمد لله