السلام عليكم
قدامى نصر 127 2 باب بيضاء موديل 83 والموتور الى فيها 1000استيراد
لاكن الميكانيكى بيقولى الموتور ال 1000 وحش لان قطع غياره غاليه
هل ده صحيح ؟
ومعروضه عليا ب 8000 ج
عرض للطباعة
السلام عليكم
قدامى نصر 127 2 باب بيضاء موديل 83 والموتور الى فيها 1000استيراد
لاكن الميكانيكى بيقولى الموتور ال 1000 وحش لان قطع غياره غاليه
هل ده صحيح ؟
ومعروضه عليا ب 8000 ج
اسمى محمد الشريف اتمنى اكون عضو مفيد معاكم فى امبراطورية مالكى ومشجعى ومحبى وعاشقى 127 وكفاية كدا لانى حاسس انى قربت اشحت عليها
انا معايا 127 موديل 82 من ثلاث شهور بس ودى اول عربية اشتريها بس بجد جميلة المهم عشان مطولش إن شاء الله احاول افيدكم فى الموضوع دة بالنسبة للفوانيس فى شركة اسمها شركة الاهرام للبلستك موجودة عند محطة السبع قبل غمرة بمحطة دول ممكن يصبو اى وش فانوس فى الدنيا واسعارهم رخيصة يعنى مثلا وش الاشارة ب2.5 اتنين جنية ونص وبيركبو كمان اتمنى اكون افدتكم
انا من اشد المعجبين بالعربيه التوب وكان عندى عربيه بموت فيها وعمرها ماقصرت معايا بس للاسف جاتلى سفريه بره مصر واضطريت ابيعها ولما رجعت فضلت ادور على عربيه توب تكون سليمه وحلوة ملقيتش خالص وبعد مافقدت الامل اشتريت اونو والحمد لله كويسه معايا بس برضه مش قادر انسى عربيتى التوب. عايز اكون عضو معاكم هنا فى الرابطه الجميله دى
انا اسمي ابو حازم ... من امبابه ... و موجود دايما في شبرا او الدقي او العجوزه بحكم شغلي ... معايا لوزه 127top موديل 1978 فيها موتور لانشيا 1300cc بابين و لونها كحلي ... ارجو ان اكون عضو مفيد معاكم و استفيد منكم و احاول اساعد على قد امكانياتي المتواضعه .
اهلا بكل الاعضاء الكرام
العربية ال 127 ممتازه وعملية
وانا حقولكم على تجربتى معاها
العربية اللى معايا نصر 127 موديل 82 903 سى سى
اشتريتها من حوالى 3 شهور والعربية تقريبا كانت مرمية فترة
طويلة المهم الراجل رخصها وادانى الرخصة والعربية بتمشى
طبعا العربية مستوية من الركنة
رحت لكهربائى محترم فك الدينامو وعمله وغسله وغير اللى وعمل له
كتاوت وكانت البطارية بايظة جبت واحدة جديدة وراح مشيك عالضفيرة
وكله تمام يا باشا وزى الفل
مشيت بالعربية لقيتها بتنتش وقلت انزل القاهره وعلى فكرة انا بينى
وبين القاهرة 500 كيلو فى الغردقة وعن الرحلة والاصلاح يتبع بعد قليل
متابع بشدة انا لسة جايب واحدة زى عربيتك بالزبط كدة من يومين ومش عارف لية حاسس العربية بتنتش برضو وبتقطع وبتسقط غيار اوقات دة غير انها بتفصل ساعات بمجرد ما ارفع رجلى عن البنزين علشان ادى غيار اعلى ....
دة غير ان العربية مش عايزة تجرى يعنى على الرابع وجايب 60 او 70 بالعافية ياريت لو حد يقدر يفيدنا علشان حاسس انى اضحك عليا :s
مشكلة السحب دي وان العربية مش بتعدي ال70.مشكلة اسطوانة وديسك غالبا.واي حد يشتري عربية مستعملة.يغير سير دينامو.وابلاتين وكوندينسر و4بوجيهات فورا.
مشكور جدا على الرد انا فعلا غيرت دة كلو ولاحظت التغيير العربية بتجرى احسن من الاول بكتيير بس كل يوم باكتشف مشكلة جديدة فيها الشكمان طلع مخروم والرادتير برضو والبطارية ضعيفة كل شوية عايزة تتزق والله يا جماعة خدو بالكم من التجار ومحدش يقول معرفة ولا قريب وربنا يستر علينا وعليكم ....