بفضفض معاكم وعاوز ردود علشان انا دماغى وقفت

**viper911s** · 20-12-2010 11:08 PM

انا حاليا مرتبط ببنت بقالى سنة ونص وكلة تمام ومبسوطين ومرتاحين مع بعض المشكلة بدات من بعد ما عرفتها ب6 شهور انى بلغت اهلى انى عاوز ارتبط رسمى مع البنت دى
المهم كان اول رد نجيب الشقة ومفيش مشاكل طبعا بلغت البنت قرارى وقلتلها الاراء فى البيت المهم بعدها بفترة فى اول شهر واحد السنادى رحت البت عندها زيارة علشان اتعرف على اسرتها وكانو ناس كويسين كمعاملة وانا شايفهم كدة الى ان بثبت العكس مثلا
بأختصار شديد اكتشفت ان بعد حج ومماطلة معايا انا واهلى انهم رافضين البنت علشان (مش هناخد واحدة ماشية معاك )
ورديت انا انى بردو مش هاخد واحدة باسلوب الصالونات مش هرتاح
المهم انى فى شد و جزب معاهم لحد لما تعبت
والدة البنت اتكلمت معاها على التليفون وكان كلامها كالتالى
احنا مشترطناش عليك يكون فى شقة (محدش دلوقتى بيجى بشقتة )واحنا وافقنا عليك من يوم ما جيت علشان واضح عليك كويس وابن ناس ودى بنتنا الوحيدة على ثلاثة اولاد وطالما انك ناوى خير اكيد ربنا هيكون معاك وانتوا مع بعض وربنا يفقكم
وانى واللة معتبراك زى اولادى علشان انا حاسة بظروفك حاليا
بس ياريت تقولى نهاية الموضوع ولو مفيش نصيب مش هزعل دة نصيب وربنا كاتب لكل واحد نصيبة
بس

طولت عليكم بس انا محتار البنت خلال سنة ونص معملتش حاجة وحشة او غلط او زعلتنى فى يوم معتبرانى انى اغلى حاجة فى الدنيا وبتعمل اى حاجة تخلينى مبسوط وانا نفسى اتقدم لها علشان متحسش انى كنت بلعب بيها او بتسلى

(ويا جماعة بلاش الردود الى بتقول ان اساسا موضوعكوا من البداية غلط )لاانى ندمت فعلا انى عرفتها
وشكرا

**salmas** · 20-12-2010 11:17 PM

طالما حضرتك مقتنع بيها وهى انسانة محترمة وعلى خلق حاول مع اهلك مرة تانية وفهمهم انها على خلق
وربنا يسير لك الحال ويوفقك للخير واستخير ربنا

**Ayman-Ahmed** · 20-12-2010 11:22 PM

باذن الله لو ليكوا خير فى بعض.الموضوع هيمشى بسرعة جدا.

وطالما انك بتحبها اوى بالطريقة اللى باينة فى كلامك يبقى ده خير وخلى ثقتك فى الله كبيرة.

توكل على الله وصلى واسال ربنا يوفقك لما يحبه ويرضاه ويهدى سر اهل بيتك.

اتحطيت فى نفس موقفك من 8 سنين تقريبا.بس انا كان ردى صعب شوية وساعتها قلت لو مش هتجوز اللى انا عاوزها مش هتجوز تانى وربنا يسامحكوا.ولو اتجوزت غيرها برده هادور عليها واتجوزها.

متجوزناش فى الاخر لاننى اضطريت اسافر واهلها مرضيوش لانها البنت الوحيدة

**viper911s** · 20-12-2010 11:26 PM

المشاركة الأصلية كتبت بواسطة salmas

طالما حضرتك مقتنع بيها وهى انسانة محترمة وعلى خلق حاول مع اهلك مرة تانية وفهمهم انها على خلق
وربنا يسير لك الحال ويوفقك للخير واستخير ربنا

ححاول تانى رغم انى عارف الى هيحصل
شكرا لرد حضرتك

**viper911s** · 20-12-2010 11:35 PM

المشاركة الأصلية كتبت بواسطة emo_ayman

باذن الله لو ليكوا خير فى بعض.الموضوع هيمشى بسرعة جدا.

وطالما انك بتحبها اوى بالطريقة اللى باينة فى كلامك يبقى ده خير وخلى ثقتك فى الله كبيرة.

توكل على الله وصلى واسال ربنا يوفقك لما يحبه ويرضاه ويهدى سر اهل بيتك.

اتحطيت فى نفس موقفك من 8 سنين تقريبا.بس انا كان ردى صعب شوية وساعتها قلت لو مش هتجوز اللى انا عاوزها مش هتجوز تانى وربنا يسامحكوا.ولو اتجوزت غيرها برده هادور عليها واتجوزها.

متجوزناش فى الاخر لاننى اضطريت اسافر واهلها مرضيوش لانها البنت الوحيدة

شكرا ليك انا خايف اتبع معاهم الاسلوب دة علشان ميعندوش معايا
خصوصا وانى انا الى هتحمل تكاليف الزواج بالكامل
ومعتمد على المرتب وجمعيات وهجيب شقة ايجار قديم علشان هما رافضين فا انا بتكلم على انى لوحدى فى اليلة

**AhMeD EzZ** · 20-12-2010 11:40 PM

حاول تتكلم معاهم بالراحة و تثبت علي موقفك في نفس الوقت
و شوف مثلا لو حد من قرايبك او اصدقاء العيلة كلامة متقبل من ناحيتهم تخليه يتوسط ليك معاهم

**Ayman-Ahmed** · 20-12-2010 11:44 PM

المشاركة الأصلية كتبت بواسطة viper911s

شكرا ليك انا خايف اتبع معاهم الاسلوب دة علشان ميعندوش معايا
خصوصا وانى انا الى هتحمل تكاليف الزواج بالكامل
ومعتمد على المرتب وجمعيات وهجيب شقة ايجار قديم علشان هما رافضين فا انا بتكلم على انى لوحدى فى اليلة

اوصانا الدين وكلمات الله بطاعة الوالدين.ومش شرط تستخدم نفس طريقتى لو شايفها صعبة بس المقصود انك توصلهم انها هى دى اللى عاوزها ولو مخدتهاش النهاردة يبقى هخدها بكرة

**viper911s** · 20-12-2010 11:44 PM

المشكلة انهم مش متقبلين ان حد يدخل فى الموضوع ودة منرفزنى اوى وبعدين كل لما اتكلم معاهم اتعصب جامد وبالتالى بسيب القاعدة وامشى علشان مش هينفع اعلى صوتى عليهم

**Bishoy.Girgis** · 20-12-2010 11:45 PM

انا رأيي ان حضرتك تشوف هل والدك او والدتك من اللي مش متعصب للجوازة اوي و روح اتكلم معاه او اتكلم مع حد قريبك من المؤثرين و يكون ليه رأي في العيلة بس يا رب ميكونش هوه كمان نفس الرأي
و ربنا يكملك الصالح

**salmas** · 20-12-2010 11:46 PM

ممكن تشوف حد قريب منك فى البيت من اخواتك وحاول تقنعه بيها وهو يقف معاك وبالتفاهم والتراضى مع والدك وولدتك وحضرتك اكتر واحد تقدر تحدد افضل الطريقة اللى تتعامل معاهم بيها علشان ميعندوش
وربنا هيسرلك امورك ان شاء الله طالما نيتك خير

الموضوع: بفضفض معاكم وعاوز ردود علشان انا دماغى وقفت

LinkBack

أدوات الموضوع

عرض

-

-

-

-

-

-

المواضيع المتشابهه

i10 مغلبانى وعاوز استفسر عن حجات كتير انا لسه جديد وعاوز استفيد منكم

دماغى وقفت - ممكن مساعدة

محتار يا جماعة وعاوز رأيكو علشان بقيت بكلم نفسى قبل ما انام

ارجو الشرح من الرواد علشان انا وقفت

فى حاجة فى دماغى عاوز اعملها وعاوز رايكم

الكلمات الدلالية لهذا الموضوع

المفضلات

المفضلات

ضوابط المشاركة