هل العرب و المصريين من ضمنهم مش مقتنعين بنفسهم ؟؟ و ليه ؟؟

**fadod** · 21-12-2010 02:55 AM

متهيألي هو معه باسبور أميركي بس مش عايش في أمريكا ، الواحد لو سمع حد في الغربه بيتكلم عربي بيبقي عايز يروح يبوسه ويحضنه .د أنا بنتي لو دخلت البيت واتكلمت كلمه إنجليزي بعلقها في النجفه ..علشان متفقين إن اللغه الأساسية في البيت عربي برة بقي ،ذي ماهي عايزه..الناس ده بتبقي عايزه تحط ضغط على إلي شغال قدمها وفذلكه من غير أي داع

**ahmed_afifi** · 21-12-2010 03:24 AM

السلام عليكم ورحمة الله وبركاته

طبعا اللغة العربية هى لغتنا التى نعتز بها و المفروض ان مفيش حد يتعمد يتجاهلها ولكن اريد توضيح نقطة هامة وهى ان فى فعلا ناس بيكون الموضوع دا تلقائى عندها لو هو عايش بالخارج وكل تعاملاته بلغة اخرى او طبيعة شغله كده مثلا

لكن انا اللى بيغظنى شخصيا انك تقابل واحد خارج مصر وانت متاكد من شكله انه عربى فتقوم تسأله (طبعا بالانجليزى فى الاول) انت منين فتفاجأ انه يقلك امريكا او فرنسا او غيره ولما تقرره تعرف انه عربى اصيل.

د أنا بنتي لو دخلت البيت واتكلمت كلمه إنجليزي بعلقها في النجفه

والله نجرب الموضوع دا كده يمكن يجيب نتيجة . انا ولادى بيعدو يتكلموا يابانى و انا شخصيا مببقاش فهمهم

يلا ربنا يهدى

**احمد ابراهيم** · 21-12-2010 09:21 AM

المشاركة الأصلية كتبت بواسطة cars sniper

للاسف..ايوة
احنا البلد الوحيدة اللى بتقدر الاجنبى عن ابن البلد

للاسف انا بعامل كل الناس زى بعض فمش منتظر ان حد يقولى انا كذا وكذا و ينفخ نفسه عشان اهتم بيه لانى بهتم بكل الناس و الحمد لله حتى لو واحد داخل حافى

المشاركة الأصلية كتبت بواسطة m.osman

simply, because the west dominate almost everything, even the oil that's being extracted from the arabian gulf soil

:)

للاسف دى كارثة و مصيبة (( و يا سيدى الفاضل بنقول العربى و اللغة و البتاع و انت بردو مصر على الانجليزى على اساس اننا مبنفهمش يعنى ) شكرا

المشاركة الأصلية كتبت بواسطة mahmoud_afifi

انا متفق معاك في موضوع لغتنا العربيه والاعتزاز بيها بس برضه اوقات لازم ننشط الانجليزيه بتاعتنا من وقت للتاني عشان ماننسهاش.
انا الاول كان معظم المصطلحات بتاعتي بالانجليزي مع صحابي بعدين لقيت ان الموضوع مش نافع فبقيت اتكلم كله بالعربي .
و اوقات لما ابقى في سيتي ستارز الاقي العيال الفرافير بتوع مامي وبابي مابيتكلموش ولا كلمه عربي زي مايكون عيب !!!!

الي اقصده.. ماينفعش نعمم قاعده على كل المواقف.

يا باشا لازم نتعلم لغة و اتنين و اللى عنده المقدره يزود يكون افضل ... بالعكس ده بيدينا ميزة عليهم ان احنا بنتكلم لغتهم و هما ميعرفوش يتكلموا لغتنا (( حقيقة .. اللغة العربية هى اللغة اللى بيتكلمها اكبر عدد من سكان العالم ))

المشاركة الأصلية كتبت بواسطة fadod

متهيألي هو معه باسبور أميركي بس مش عايش في أمريكا ، الواحد لو سمع حد في الغربه بيتكلم عربي بيبقي عايز يروح يبوسه ويحضنه .د أنا بنتي لو دخلت البيت واتكلمت كلمه إنجليزي بعلقها في النجفه ..علشان متفقين إن اللغه الأساسية في البيت عربي برة بقي ،ذي ماهي عايزه..الناس ده بتبقي عايزه تحط ضغط على إلي شغال قدمها وفذلكه من غير أي داع

و الله المفروض ان الاصول ان لما واحد مثلا عربى يشوف حد تانى عربى فى بلد اجنبية يعينوا بعض على الغربة مش يدبحوا بعض و يعملوا اجانب .. اما بالنسبة لحكاية الضغط دى فبفضل الله لو قعد يتكلم طول النهار هعرف ارد عليه بسهولة و يسر دا بفضل الله

المشاركة الأصلية كتبت بواسطة ahmed_afifi

السلام عليكم ورحمة الله وبركاته

طبعا اللغة العربية هى لغتنا التى نعتز بها و المفروض ان مفيش حد يتعمد يتجاهلها ولكن اريد توضيح نقطة هامة وهى ان فى فعلا ناس بيكون الموضوع دا تلقائى عندها لو هو عايش بالخارج وكل تعاملاته بلغة اخرى او طبيعة شغله كده مثلا

لكن انا اللى بيغظنى شخصيا انك تقابل واحد خارج مصر وانت متاكد من شكله انه عربى فتقوم تسأله (طبعا بالانجليزى فى الاول) انت منين فتفاجأ انه يقلك امريكا او فرنسا او غيره ولما تقرره تعرف انه عربى اصيل.

والله نجرب الموضوع دا كده يمكن يجيب نتيجة . انا ولادى بيعدو يتكلموا يابانى و انا شخصيا مببقاش فهمهم

يلا ربنا يهدى

المفروض نعتز بلغتنا فعلا .. لان ده اصلنا

**Ralliart** · 21-12-2010 10:25 AM

حاجه مستفزه جداً وحتى الدكاتره في الكليه تلاقيهم منزلين الورق انجليزي وبيشرحو انجليزي ويمتحنوك بالعربي والاجابه بالعربي !!
كل ده عشان يعرفني انه بيعرف يتكلم انجليزي ،ويقولك الـbubble بتسموها ايه بالعربي اصل مش فاكرها!!

مع ان جالنا دكتور عايش في امريكا بقاله 20 سنه وورقه كله كان عربي ومنطقش ولا كلمه انجليزي طول السنه
هي عقده غبيه ولما حد بيتكلم معايا بالاسلوب ده بمسكه تريقه لحد ما يتكلم كله عربي

**calipha3** · 21-12-2010 12:35 PM

مش فزلكه ولا حاجه دي هي ثمرات العولمه و الي يعرف يحكي انجليزي كويس يتكلم بس بلاش انجليزي فيومي هههههههههه

**MASERATI** · 21-12-2010 01:32 PM

السلام عليكم و رحمة الله و بركاته

أنا شايف أن الحكاية كلها عبارة عن سعى حثيث ورا الجنسية الأجنبية الأكتر احتراما من جنسيته الأصلية و الكلام ده أنا كنت فاكر أنه فى مصر بس, لكن لما كنت فى السعودية, لقيت أن فيه سعوديين بيحرصوا أن أولادهم يتولدوا فى أميركا عشان ياخدوا الجنسية و هما هناك فى السعودية أكيد سفرهم الى أميركا مش هيبقى بالصعوبة بتاعتنا هنا خالص و ده رغم أن السعودية مانعة ازدواج الجنسيات و أن الأجنبى و ليكن مصرى مثلا اللى بياخد الجنسية السعودية , لاااااااااااااازم يتنازل عن الجنسية المصرية و ده لأن الأميركيين محترمين فى السعودية و ماحدش بيدوس ليهم على طرف أكتر من السعوديين نفسهم , كمان هما عندهم احساس بالنقص الرهيب تجاه الأميركيين و الدول لغربية عموما , يعنى بيبقوا عارفين أن هما مهما عملوا و اجتهدوا و وصلوا , مش هيبقى حاجة جمب الأميركان و بالتالى , يقولك بدل ما أطور بلدى , عشان تبقى أفضل بدل فى الدنيا رغم أن عندهم الامكانيات دى كتير أوى , أسهلى أبقى أميركى و خلاص .

بس نصيحة من معاملتى مع الناس دى , ماتجادلهوش كتير لأنه بيبقى غير مستعد اطلاقا للكلام و اللى زى ده , سيبه فى غيه و ضلاله .

بس , أنا عرفت فعلا قيمة اللغة العربية و أد ايه هى لغة عظيمة و فعلا نعمة من عند ربنا سبحانه و تعالى , لما كنت فى السعودية و كان معانا واحد زميلنا طبيب هندى مسلم و كان مابيعرفش و لا كلمة عربى و كان نفسه يقرأ القرآن و مش عارف و حتى لو قرأه, فبيبقى مش فاهم معنى الكلام .

**تامر.محمد** · 21-12-2010 01:41 PM

الدونية دي اتزرعت في اجيالنا كلها بالعافية و بالمعلقة
و ادينا بنحصد دلوقت

**Dr Zezo** · 21-12-2010 10:07 PM

سبب ذلك فهم خاطئ لمعني التقدم و التحضر ..

لمستعمر الفرنسي حاول محو اللغة العربية من الجزائر وتونس وإستطاع بنسبة معينة
ولكن الإنجليز لم يستطيعوا إضعاف اللغة العربية في مصر بأي حال

مرد ذلك الي وجود الازهر في مصر
فبينما نظام التعليم بمراحله الحالية و المعروفة لم يكن موجودا في الشرق

استطاع المستعمر ان ينشئ مدارس و جامعات اساس التعليم فيها بلغته الاجنبية - في بلاد المغرب -
بينما كان الازهر جامعة تمد الامة بالمتعلمين - العلوم الشرعية و علوم اللغة و العلوم المختلفة - فيخرجوا ليعملوا معلمين و شيوخ و موظفين في دواوين الحكومة و منهم خرجت البعثات الي فرنسا ليعودوا ليترجموا العلوم الغربية الي العربية و ينشئوا مدارس الحقوق و الطب و المهندسخانة و دار العلوم

و هذه الحركة لنقل العلم التي اسست لدور مصري مشرف في المنطقة نعيش علي ظلاله اليوم

رفاعة الطهطاوي

**ahmedsamir5edr** · 21-12-2010 10:38 PM

يا باشا لازم نتعلم لغة و اتنين و اللى عنده المقدره يزود يكون افضل ... بالعكس ده بيدينا ميزة عليهم ان احنا بنتكلم لغتهم و هما ميعرفوش يتكلموا لغتنا (( حقيقة .. اللغة العربية هى اللغة اللى بيتكلمها اكبر عدد من سكان العالم ))

عزيزي نمله ..
هذه حقيقه خاطئه بشده جدا
اللغه الأولي علي العالم هي : الصينيه ثم الهنديه ثم الأنجليزيه

بينما تأتي العربيه في المركز السابع