للاسف المرايا اتكسرت .... بس صلحتها بنفسي

**eng.m7md.ali** · 22-12-2010 07:34 PM

المشاركة الأصلية كتبت بواسطة eng. Rafy samy

فداك يا أ/ فليكس
بس ممكن تقولي هو عمل فيها ايه بالظبط
وكمان هل هي ثابته زي الاول - ولا بقت مهزوزة - وهل بتقفل وتفتح عادي ولا انت مثبتها ..

المشكلة ان الحته اللي اتكسرت في القاعدة عندي رفيعة وانا خايف الزقها وترجع تتكسر تاني
على العموم خلي البديل الاول مرايا جديدة - التاني قاعدة استعمال - التالت لزق وربنا يستر
شكراُ على ردك صديقي العزيز

والله يا بشمهندس رفيق هيا القاعدة اتكسرت وطبعا عمل اللحامات المطلوبة ولحد دلوقتي ثابتة وبتتقفل وتتفتح عادي جدا زي الاول

**م.محمد مختار** · 23-12-2010 11:41 PM

خد ال200 جنيه
وصلح المراية وربنا يعوض..

**spiderloking** · 24-12-2010 12:38 AM

متسبلوش الفلوس خد ال 200 جنيه و من اتلف شيئا عليه اصلاحه ده مش معني كدا انك محتاج منوا فلوس ولا حاجه بس ده اللي المفروض يحصل علشان يحرم يستهبل تاني في الشارع و يأذي الناس و لو مرضاش بقي قول ربنا يسامحواو استعوض ربنا و انا شايف احسن حل انك تشوفها استراد لو ملقتهاش عليك بقي و علي اي واحد بتاع فبر كويس و يظبطهالك زي ما ناس كتير هنا عامله و اعتقد بتبقي كويسه جدا و ترشها نفس اللون

**Eng. Rafy Samy** · 24-12-2010 01:02 AM

مساء الخير على اجدع رجالة في مصر رجالة نايل موتورز كلهم

اصدقائي الغاليين اانهاردة انا مبسوط جداُ لاني عملت حاجة باعتبرها انجاز – صلحت المرايا بنفسي

القصة ابتدت امبارح وانا قاعد بدردش مع والدي وبحكيلة المأساة اللي حصلتلي وان المرايا اتكسرت وانا حزين ......

رد عليا رد موتقعتهوش بصراحة قالي:

" يا ابنى على ايامنا كنا بنعمل عمرة الموتور تحت البيت بنفسنا – وانت عاملي جنازة على حته مرايا.... أما هندسة ايه وبتاع ايه.... " وراح سيبني وماشي... !!!!!!!!!!

بصراحة الدم سخن في عروقي وقلت انا حصلحها ويا إما صابت يا اتنين عور انا مش خصران حاجة...

المهم مسكت القاعدة والمرايا وقعد اقلب فيهم يمين وشمال وجبت المسطرة وقاعد اقيس المسافات وكلي قناعة ان اللزق لوحدة مش حينفع مهما كان قوته لان الحتة المكسورة رفيعة وعليها حمل ومعرضة للخبط كتير............ ثم وجاء الوحي.....

الفكرة بأختصار تركيب مسامير كدعمات مع اللزق ...

جبت الادوات وبدأت التنفيذ : اسبكم مع الصور

الادوات المستخدمة

1- شينيور ببنطة 4 (اصغر وحدة )

2- لزق ايبوكسي الاصلي (هولاندي ) 30 جنية
3- مسامير سن ساج + مسامير 4ملم بصمولة
4- لزق لازاق (شطرتون )
وطبعاُ المرايا المكسورة

دي صورة للكسر اللي كان في المرايا

ودي كمان صورة بتوضح الطريقة اللي المفروض تركب بيها

ابتديت بسنفرة الجزي المكسور من الطرفين وبعدين خرمت بالشينيور اربع اخرام كل خرم نافز للطرف التاني زي ما حيوضح في الصور اللي جاية
وبعدين عجنت كمية من اللزق مع بعض واتبعت التعليمات اللي على الورقة وحطيت ناحية واحدة

هنا حطيت المسامير علشان تقفل على اللزق وتثبتة وكمان تبقى كدعامة لو حصل اي ضغط على القاعدة

طبعاُ كمية اللزق كانت اكتر من اللي محتاجة فقلت فرصة كويسة احط لزق على المسامير وبالذات في الزواية ما بين المسمار والمرايا علشان المسمار ميلفش وكمان يقوي الاطلاع اللي مسكه فيها المسامير

سبت الكلام ده كله لمده 12 ساعة زي التعليمات اللي على ورقة الزلق ولما رجعت علشان ابص عليها كانت النتيجة مذهلة بكل المقاييس بجد

انا حاطيت شطرتون اسود على الاطراف اللي فيها مسامير علشان تغطيها لحد لما اشفلها طريقة اداريها بيها بصورة دائمة

طبعاً مكدبتش خبر ونزلت ركبتها على طول والحمدلله بقتفل وتفتح عادي خالص والحمدلله على كده

اخيراُ احب اشكر كل الاعضاء اخواتي واحبائي اللي شركوني التجربة دي ونصحوني وسعدوني على حلها

واحب اشكر صديقي واخي العزيز ا/ محمد خضر على تليفونة الجميلة والنصايح الهايلة جداُ اللي قلهالي في التليفون ومبدرته بمسعدتي باي طريقة ....... الف الف شكر أ/ محمد

وطبعاً اخويا وحبيبي وحبيبنا كلنا ايمن كلمني واداني نمر تليفونات موردين علشان اسأل عندهم وفعلاُ لقيتها عند أ/ماجد في المنصورة وقالي تمنها 300 جنية علشان خاطر ايمن ونايل موتورز
ولقيت القاعدة بس عند مكة بـ 150 جنية

الف شكر ليكم بجد والف شكر لنايل موتورز وكل القائمين عليه لانهم ادوني الفرصة اني اتعرف بناس فعلاُ ممتازة ومميزة زي حضراتكم كلكم

لكم مني كل تحية وتقدير واحترام

اخوكم رفيق

**Eng. Rafy Samy** · 24-12-2010 12:00 PM

اسف الصور اتمسحت من المشاركة اللي فاتت

المشاركة الأصلية كتبت بواسطة eng. Rafy samy

مساء الخير على اجدع رجالة في مصر رجالة نايل موتورز كلهم

اصدقائي الغاليين اانهاردة انا مبسوط جداُ لاني عملت حاجة باعتبرها انجاز – صلحت المرايا بنفسي

القصة ابتدت امبارح وانا قاعد بدردش مع والدي وبحكيلة المأساة اللي حصلتلي وان المرايا اتكسرت وانا حزين ......

رد عليا رد موتقعتهوش بصراحة قالي:

" يا ابنى على ايامنا كنا بنعمل عمرة الموتور تحت البيت بنفسنا – وانت عاملي جنازة على حته مرايا.... أما هندسة ايه وبتاع ايه.... " وراح سيبني وماشي... !!!!!!!!!!

بصراحة الدم سخن في عروقي وقلت انا حصلحها ويا إما صابت يا اتنين عور انا مش خصران حاجة...

المهم مسكت القاعدة والمرايا وقعد اقلب فيهم يمين وشمال وجبت المسطرة وقاعد اقيس المسافات وكلي قناعة ان اللزق لوحدة مش حينفع مهما كان قوته لان الحتة المكسورة رفيعة وعليها حمل ومعرضة للخبط كتير............ ثم وجاء الوحي.....

الفكرة بأختصار تركيب مسامير كدعمات مع اللزق ...

جبت الادوات وبدأت التنفيذ : اسبكم مع الصور

الادوات المستخدمة

1- شينيور ببنطة 4 (اصغر وحدة )

2- لزق ايبوكسي الاصلي (هولاندي ) 30 جنية
3- مسامير سن ساج + مسامير 4ملم بصمولة
4- لزق لازاق (شطرتون )
وطبعاُ المرايا المكسورة

دي صورة للكسر اللي كان في المرايا

ودي كمان صورة بتوضح الطريقة اللي المفروض تركب بيها

ابتديت بسنفرة الجزي المكسور من الطرفين وبعدين خرمت بالشينيور اربع اخرام كل خرم نافز للطرف التاني زي ما حيوضح في الصور اللي جاية
وبعدين عجنت كمية من اللزق مع بعض واتبعت التعليمات اللي على الورقة وحطيت ناحية واحدة

هنا حطيت المسامير علشان تقفل على اللزق وتثبتة وكمان تبقى كدعامة لو حصل اي ضغط على القاعدة

طبعاُ كمية اللزق كانت اكتر من اللي محتاجة فقلت فرصة كويسة احط لزق على المسامير وبالذات في الزواية ما بين المسمار والمرايا علشان المسمار ميلفش وكمان يقوي الاطلاع اللي مسكه فيها المسامير

سبت الكلام ده كله لمده 12 ساعة زي التعليمات اللي على ورقة الزلق ولما رجعت علشان ابص عليها كانت النتيجة مذهلة بكل المقاييس بجد

انا حاطيت شطرتون اسود على الاطراف اللي فيها مسامير علشان تغطيها لحد لما اشفلها طريقة اداريها بيها بصورة دائمة

طبعاً مكدبتش خبر ونزلت ركبتها على طول والحمدلله بقتفل وتفتح عادي خالص والحمدلله على كده

اخيراُ احب اشكر كل الاعضاء اخواتي واحبائي اللي شركوني التجربة دي ونصحوني وسعدوني على حلها

واحب اشكر صديقي واخي العزيز ا/ محمد خضر على تليفونة الجميلة والنصايح الهايلة جداُ اللي قلهالي في التليفون ومبدرته بمسعدتي باي طريقة ....... الف الف شكر أ/ محمد

وطبعاً اخويا وحبيبي وحبيبنا كلنا ايمن كلمني واداني نمر تليفونات موردين علشان اسأل عندهم وفعلاُ لقيتها عند أ/ماجد في المنصورة وقالي تمنها 300 جنية علشان خاطر ايمن ونايل موتورز
ولقيت القاعدة بس عند مكة بـ 150 جنية

الف شكر ليكم بجد والف شكر لنايل موتورز وكل القائمين عليه لانهم ادوني الفرصة اني اتعرف بناس فعلاُ ممتازة ومميزة زي حضراتكم كلكم

لكم مني كل تحية وتقدير واحترام

اخوكم رفيق

**MEGAREKAB** · 24-12-2010 01:27 PM

إيه الجمال ده يا عم رفيق ....

هو ده الشغل بتاع زمان.... على ايامى انا برضه لانى عجوز شويتين ...

والدك ربنا يديله طوله العمر ويباركلك فيه ... قالك اللى فيه المفيد .... الناس دى كلامهم دهب ... بس للأسف الاجيال الجديدة مش بتقدر الكلام ده ...

أنا كنت وعدتك إنى أجيبلك المرايه دى إستعمال بس إعزرنى لسبب قوى جدا وقهرى أكيد إنت عارفه

http://www.nilemotors.net/Nile/191296-a-4.html

تحياتى

**Eng. Rafy Samy** · 25-12-2010 02:07 AM

أخي العزيز أ/ محمد عبد المجيد
اولاُ الف شكر على ردك واهتمامك ومتبعتك للموضوع
كفاية انك عرض المساعدة الصادقة والخالصة لله ... بجد انا نفسي اقبلك واشكرك جوها لوحه
انت متتخيلش انا مبسوط قد ايه اني قدرت اتغلب على المشكلة واصلحها بنفسي - يمكن تكون حاجة تافهة بس بالنسبالي انجاز مميز وكل اللي يباركلي على المرايا الجديدة اقوله " لا دي القديمة والحمدلله انا صلحتها بنفسي " بحس بالفخر بجد
كان ممكن اجبها من التوكيل او اجيبها من برة التوكيل او من برة مصر خالص - وكان ممكن اصبها او اشتري القاعدة لوحدها
بس مكنش حيبقى له نفس الطعم وانت شغال بايدك والتجربة بتنجح في الاخر...

أخيراُ
ألف ألف مليون مبروك على حل مشكلتك
ويا رب تبقى اخر المشاكل .... ربنا يباركلك في العربية ويكفيك شرها ..
بجد انا فرحت من كل قلبي.. وحسيت انها مشكلتي انا اللي اتحلت ... حضرتك تستاهل كل خير

لك مني كل احترام وتقدير وتحية

**Eng. Rafy Samy** · 27-12-2010 12:47 AM

مساء الخير عليكم جميعاُ
انهارده كان اول اختبار حقيقي لقوة المرايا بعد تصليحها
واحد بموتسيكل عاوز يعدي بالعافية ما بيني وما بين عربية تانية على شمالي ولما وصل لحد المرايا المسافة داقت عليه ..... راح ساند على المرايا كلها لنه كان حيقع .... انا قلبي وقع في رجلية لما شفت ايده على المرايا .... بس الحمد لله استحملته لحد لما وزن نفسة ومشي ... الحمدلله

تقبلوا تحياتي

**A.Saad** · 27-12-2010 02:40 PM

الله ينور على الشغل العالى والتفكير الجميل

-

الموضوع: للاسف المرايا اتكسرت .... بس صلحتها بنفسي

LinkBack

أدوات الموضوع

عرض

-

-

-

الحمدلله - كسبت التحدي -

-

-

-

-

المواضيع المتشابهه

الحمد لله المرايا اتكسرت

المرايا اتكسرت

المرايا اليمين اتكسرت

كفه المرايا اتكسرت يا رجاله :(

المرايا اتكسرت

الكلمات الدلالية لهذا الموضوع

المفضلات

المفضلات

ضوابط المشاركة