للاسف المرايا اتكسرت .... بس صلحتها بنفسي
مساء الخير عليكم جميعاُ
انهاردة كنت في مشوار وانا على البحر ومع ان البحر كان واقف بس لقيت حاجة طايرة من جمبي واخدت المرايا الشمال معاها ....
من الخضة والغييييظ رحت ساحب وراه ومذنق عليه ووقفته وكانت الفاجعة - راجع كبير في السن 45 او 50 سنة لابس بدله وشكلة محترم جداُ ونازل يقولي انت السبب وانت اللي غلطان
طبعاُ الوش الملائكي اختفي وطلع وش تاني مبحبش ابينه إلا للشديد القوي سعتها قالي ادي رقم موبايلي كلمني بكرة وانا تحت امرك...
بصراحة معرفتش اعمل معاه ايه راجل كبير ومحترم مش قادر اتطاول عليه بأي شكل...
المهم سبته يمشي وصورت عربيته واخد النمرة بس لسة مقررتش اعمل معاه ايه ( مستني مشورتكم )
روحت البيت وفكيت المرايا والقاعدة والحمدلله الحمدلله المرايا سليمة والقاعدة هي اللي اتكسرت ....
محتاج قاعدة للمرايا شمال (واجــــا ) لو حد يقدر يدلني يبقى كتر خركم ...؟
حبيبتي بقت عورة
في انتظار الاراء والاقتراحات
اخوكم / رفيق سامي