مشكله مع البنزين والكاربرتير ومحتاج ردودكم

**mazgangy** · 26-03-2008 07:30 PM

العربيه اكسنت 2006 و1300سي سي مع واحد قريبى وهى كاربرتير مش انجكشن المهم ساب البنزين لحد اخره يعنى مشى بالعربيه ولمبه البنزين منوره مده طويله المهم العربيه من بعديها وهى بتنتش جامد وبتقطع ومع العلم بيستخدم بنزين 92 المهم روحنا عند الميكانيكى شاف البوجيهات والاسلاك قال جداد مفيهمش اى حاجه دول جداااد وبعد اسرار مننا خليناه يغير البوجيهات مع العلم العربيه 10 الف كيلو وكشف على سلوك البوجيهات لاقهم تمام مشينا بالعربيه برضوا نفس المشكله موجوده فواحد اشار علينا نجيب حاجه بتضاف للبنزين (منظف كاربرتير) من نوع جانك تقريبا وهو سعره 25 جنيه وبعديها نغير فلتر البنزين بعد البنزين المضاف عليه المنظف ده يخلص فايه رائيكم انتم لانى بصراحه باخد ارائكم ثقه وشكرا تعبتكم معايا وطولت عليكم

**ahmed1981** · 26-03-2008 10:02 PM

روح لميكانيكي يفك الكربيراتير ويغسله غسله محترمة
وبعدها تظبط كهرباء وكربيراتير وتغير فلتر بنزين وفلتر هواء

**Xpert** · 26-03-2008 10:03 PM

يفك الكرباتير ينضفه و يسلك البيكات و يغير فلتر البنزين و ان شاء الله يتعدل حالها ..
يفضل كمان لو فك التنك و غسله بالمره :)
العيب مش عيب بوجيهات .. لامؤاخذه فلتر البنزين و الكربراتير لم لامؤاخذه وساخه و عاوزه لامؤاخذه تتنضف يا بيه ... :d

**mazgangy** · 26-03-2008 10:17 PM

المشاركة الأصلية كتبت بواسطة Xpert

يفك الكرباتير ينضفه و يسلك البيكات و يغير فلتر البنزين و ان شاء الله يتعدل حالها ..
يفضل كمان لو فك التنك و غسله بالمره :)
العيب مش عيب بوجيهات .. لامؤاخذه فلتر البنزين و الكربراتير لم لامؤاخذه وساخه و عاوزه لامؤاخذه تتنضف يا بيه ... :d

سيبك من اى حاجه يا باشا انت برنس وبتعجبنى ردودك اوى ودمك زى العسل ودماغك جامده اوى وخصوصا فى البى ام اللى انا بعشقها اووووووووووووووووووووووى وكنت عايز اعرف منك هو ظبط كهربا دى بيبقى عباره عن ايه

**Xpert** · 26-03-2008 10:27 PM

ثانك يو سير .. اي تيك ذات از ا كومبليمنت ;) :d

**mazgangy** · 26-03-2008 10:36 PM

طيب هو ايه ظبط الكهربا ده وعباره عن ايه ؟؟؟ وكمان هو قريبى ده بيقلق من التعامل مع الميكانكيه والعربيه عمله 10 الف بس ومش عايز اى ميكانيكى يفك الكاربرنير فممكن يغير فلتر بنزين وهوا ويستخدم منظف الكاربرتير اللى بيضاف للبنزين ده والا ملوش لازمه؟؟

**Xpert** · 26-03-2008 10:42 PM

جرب يمكن تسلك .. هوه كل ما في الامر .. ان مياه الفت .. قصي البنزين بتاعتنا .. فيه و لامؤاخذه وساخه يا بيه .. و لامؤاخذه الوساخه دي يا بيه .. بتدخل في دايره البنزين بتسدها .. و لما البنزين ابو لامؤاخذه الوساخه يدخل الكرباتير .. البيكات بتتسد .. و مش هاتعرف تدور تاني يا بيه .. و تيجي هنا نفكهالك نظبطهالك و نخليهالك عشرهعلعشره ..:d
ظبط الكهرباء ده با سيدي بيقدم الاسبراتير سنه و يأخره سنه علشان يقدم الحريق او يأخره ..حسب نوع البنزين المستخدم ..
ماعرفش بقي انت اسبراتيرك بيتظبط ولا لاء .. تصلي مابحبش الكوري و مافتحتش كبوتها قبل كده (باقطرهم و ارميهم للصنايعيه علي طول هعهعهعهع)

**mazgangy** · 26-03-2008 11:07 PM

طيب معلش عارف بتعبك معايا ايه اللى يعرفنى ان العربيه عايزه تظبط كهربا ايه الاعراض يعنى ودى بتكون عند ميكانيكى والا كهربائى؟؟ وكمان كنت عايز اعرف فلتر البنزين بيتغير كل اد ايه؟؟ومشكور جداااااااااا

**mohamed ibiza** · 26-03-2008 11:13 PM

الاعراض دي ان شاء الله مش هتخرج عن التانك و الكرباتير و انا عندي في الابيزا والدي سابها مرة لحد ما البنزين خلص و حصل زي اللي عندك كده الكرباتير يتنضف تنضيفة اصلي و التانك كمان لازم يتنضف من الروتسب لانها اكيد نزلت في مواسير الكربراتير عشان كده بتنتش و تقطع و ان شاء الله خييييييييير

Ibiiiiiiiiiiiiiiiiiiiiiiiiiiiiizzzzzzzzzzzzzzzzzzz zaaaaaaaaaaaaaaaaaaaa For Ever

**Xpert** · 26-03-2008 11:14 PM

لما تسقف مع الطلعه (الموتور يسقف و يعمل زغاريط كده هعهعهع :d ) ..و دي بتكون عند الكهربائي .. بس اشك ان واحده من عربياتك تكون محتاجه ظبط كهرباء لانهم موديلات حديثه .. و الحديث ده انجكشن حديث بيظبط نفسه فاعتقد كده ان عربياتك مابتظبطش .ز بس خد رأي اللي دايسين فيها الاول برضه ..
فلتر البنزين ده باغيره اول ما يغير لون .. كل 5 سنين مثلاُ هعهعهعهع اسال واحد مهتم بالعربيات .. انا باركب عربيات دعك :d