منقول
السلام عليكم
بما ان فى الفترة الاخيرة زاد الطلب على عنوان مركز ابو رواش والناس بتشكر فيه
الموضوع دة باختصار هيشرح ازاى توصل للمركز
وازاى تدخل و الخطوات اللى تعملها جوة من غير ما تسأل و تحس انك تائة
1- ازاى نروح من طريق الصحراوى وقبل ما تعدى البوابات من عند القرية الذكية ادخل يمين ثم على طول لحد ماتلاقة اليافطة بتاعت المركز على اليمين
ولحد ماتلاقى اللافتة دى :
2- بعد كدة هتدخل من البوابة والحارس هيديلك رقم بعد ما يشوف الرخصة بتاعت العربية :
3- هتدخل و تركن العربية على الشمال عمودى على الرصيف زى العربيات دى
بعد كدة هتقفل العربية كويس و تدخل من الباب الزجاجى اللى فى الوش على طول
وبعدييييييييين تروح داخل على طول على المكتب اللى فى اخر الممر يمين وهتلاقى مكتوب علية انة مكتب قطع الغيار بس لا خلاص دة بقى استقبال خاص لعملاء سبيرانزا وهتلاقى غالبا اللى بيستقبلك المهندس محمود
وتروح عامل الجوباية وحاكى اللى عندك لمهندس الاستقبال و هيديك المفتاح وعلية ستيكر صغير علية رقم العربية
وهيقولك سيب المفتاح فى الكونتاكت وشيل منها الحاجات المهمة الخاصة
تروح خارج منفذ يا باشا و راجع على الاستراحة
ولما العربية تخلص هيندهوا عليك فى الخازنة تروح تدفع وتستلم الفاتورة و تصريح الخروج والمفتاح
ولو عندك اى مشاكل الجأ لمكتب خدمة العملاء اللى جنب الخازينة على طول
بس كدة ادى يا جماعة مركز ابو رواش سهل مش كدة
متنسوش تحكولنا على تفاصيل صيانتكم ياجماعة علشان الناس تزداد خبرة ونفيد بعضنا
تنبيه
طبقا لقواعد المنتدي يمنع ذكر اسم منتديات منافسه
تم التعديل بواسطتى
الادارة(1)
