+111111111
عرض للطباعة
بحاول بقدر الامكان ان انزله وهى العربيه عدله ؟؟زى ما انت بتعمل كده ...
بس ده فى حاله انى مش بجرى ..انما بصراحه انا بحب احساس مطب الهوا جداا
مطب الهواء- على قدر علمي- هو هبوط في الأسفلت .... عكس المطب العادي يعني ... ومشكلته انه في الغالب بيكون مفاجئ وغير واضح من بعيد وبالتالي بيتاخد والعربية بتجري بسرعة ....
المشكلة ان العربية بتنزل فيه ووش العربية وبطنها ممكن يحك في الأسفلت حكة جامدة جدا لدرجة ان اللي وراك ممكن يشوف شرارة طالعة مت تحت العربية.... المشكلة الأكبر ان العربية وهي طالعة تاني وشها بيترفع لفوق وبالتالي ممكن بسهولة تفقد التحكم في العربية نتيجة لعدم استقرار العجل الأمامي على الأرض...وبعد كده ترجع العربية تخبط بوشها تاني في الأرض بقوة اكبر كنتيجة لطاقة الوضع المخزنة اثناء ارتفاعها لأعلى.
انا بحاول اهدي العربية على حسب عمق المطب لو انا عارف مكانه... او باخده مستقيم لو على سرعة
الف الف شكر يا دكتور ع شرح تحياتى وربنا يسترها علينا كلنا
انا مطبات الهواء مش بيركز معاها اد كده عشان العربية تقيله و عاليه عن الارض فامش بيفرق معايا اد كده
اهم حاجة يكون العجل عدل يعني مش محود ولو في مسافة تهدي بس متمسكش فرامل مرة واحده و امسك الطارة جامد عشان ممكن العربية ترمي مره واحده
مره وانا بجري رايح الكليه و واخد طريق السويس قبل مدينتي كده, اخدت مطب هواء وانا بعمل الغرزه وكانت غرزه من اقصى اليمين لأقصى الشمال واخدت مطب الهوااء .. لولا اني كنت مكلبش في الدركسيون كانت العربيه عومت مني لأني حسيت انها هتبتدي تعوم بس الحمدلله ربنا ستر.
ياجماعه على مااعتقد ان مش العربيه كلها الى بتترفع الا لو راكب سياره خفيفه لاكن الكاوتش بيفضل زى مهو وجسم السياره الى بيترفع لاكن لو فى عربيه خفيفه كلها بتترفع وعلى فكره فى مره كنت باخد غرزه وخت معاها مطب هواء والحمد لله محصلش اا ان العربيه ظهرها راح سنه ورجعت تانى والمفروض برضه كل واحد عارف قدره عربيته مش الاقى حد بيعمل حاجه اعمل زيه من غير مقدر ايه الى هيحصل