مطب الهواء!!

**LORD.ADeL** · 21-12-2010 11:08 AM

المشاركة الأصلية كتبت بواسطة ahmedsamy

معاش يا شباب، انا معرفش مطبات هواء غير إلي في الطيران، حد ممكن يفهمني يعني إيه مطب هواء على الطريق؟؟؟؟

+111111111

**KHALED AYMAN** · 21-12-2010 11:24 AM

بحاول بقدر الامكان ان انزله وهى العربيه عدله ؟؟زى ما انت بتعمل كده ...
بس ده فى حاله انى مش بجرى ..انما بصراحه انا بحب احساس مطب الهوا جداا

**asbeats** · 21-12-2010 12:47 PM

مطب الهواء- على قدر علمي- هو هبوط في الأسفلت .... عكس المطب العادي يعني ... ومشكلته انه في الغالب بيكون مفاجئ وغير واضح من بعيد وبالتالي بيتاخد والعربية بتجري بسرعة ....
المشكلة ان العربية بتنزل فيه ووش العربية وبطنها ممكن يحك في الأسفلت حكة جامدة جدا لدرجة ان اللي وراك ممكن يشوف شرارة طالعة مت تحت العربية.... المشكلة الأكبر ان العربية وهي طالعة تاني وشها بيترفع لفوق وبالتالي ممكن بسهولة تفقد التحكم في العربية نتيجة لعدم استقرار العجل الأمامي على الأرض...وبعد كده ترجع العربية تخبط بوشها تاني في الأرض بقوة اكبر كنتيجة لطاقة الوضع المخزنة اثناء ارتفاعها لأعلى.

انا بحاول اهدي العربية على حسب عمق المطب لو انا عارف مكانه... او باخده مستقيم لو على سرعة

**LORD.ADeL** · 21-12-2010 02:44 PM

الف الف شكر يا دكتور ع شرح تحياتى وربنا يسترها علينا كلنا

**MBhead** · 21-12-2010 03:15 PM

انا مطبات الهواء مش بيركز معاها اد كده عشان العربية تقيله و عاليه عن الارض فامش بيفرق معايا اد كده
اهم حاجة يكون العجل عدل يعني مش محود ولو في مسافة تهدي بس متمسكش فرامل مرة واحده و امسك الطارة جامد عشان ممكن العربية ترمي مره واحده

**Car's Sniper** · 21-12-2010 03:28 PM

المشاركة الأصلية كتبت بواسطة khaled ayman

..انما بصراحه انا بحب احساس مطب الهوا جداا

يااااه...كفاية الاحساس بانعدام الجاذبية....بحب اجرى عشان احس الاحساس ده بس

**mahmoud_afifi** · 21-12-2010 03:31 PM

مره وانا بجري رايح الكليه و واخد طريق السويس قبل مدينتي كده, اخدت مطب هواء وانا بعمل الغرزه وكانت غرزه من اقصى اليمين لأقصى الشمال واخدت مطب الهوااء .. لولا اني كنت مكلبش في الدركسيون كانت العربيه عومت مني لأني حسيت انها هتبتدي تعوم بس الحمدلله ربنا ستر.

**omar-saad** · 21-12-2010 04:08 PM

المشاركة الأصلية كتبت بواسطة KHALED AYMAN

بحاول بقدر الامكان ان انزله وهى العربيه عدله ؟؟زى ما انت بتعمل كده ...
بس ده فى حاله انى مش بجرى ..انما بصراحه انا بحب احساس مطب الهوا جداا

الحمد لله لاقيت ناس زيى بتحب التنطيط

**mailo** · 21-12-2010 04:19 PM

المشاركة الأصلية كتبت بواسطة mahmos2000

شكلك فاهم يا نصه
ههههههه
دي من قواعد ال-defensive driving
بس في حاجة لو في airbag يبقى المسكة تكون (9:15) عشان لو لا قدر الله حصل حادثة وفتحت متخبطش فالذراعين.

متهيألي أحسن مسكة هي2- 10

المشاركة الأصلية كتبت بواسطة nfs

انا عن نفسى بعمل حاجتين كل لما اعدى على مطب هواء و انا على سرعة, بمسك الطارة جامد و اتاكد ان العجل نازل عدل على الارض, و مش بدوس فرامل علشان ميبقاش العجل قافش فى الهواء و جنب ينزل من العربية قبل التانى و العجل بتاعه قافش.

-الكلام الى انا بعمله ده صح ؟!
-و انت بتعدى مطب الهواء ازاى؟! ,ولا عادى مش بتركز معاه؟!

++++++1

-

الموضوع: مطب الهواء!!

LinkBack

أدوات الموضوع

عرض

-

-

-

-

-

المواضيع المتشابهه

ضغط الهواء

ضغط الهواء 195/65/15

زيت في عمة الهواء

عمة الهواء

ضغط الهواء

الكلمات الدلالية لهذا الموضوع

المفضلات

المفضلات

ضوابط المشاركة