مين اللي قال ان شعب مصر فقير ماديا ؟؟

**hon** · 21-12-2010 07:29 PM

المشاركة الأصلية كتبت بواسطة elakawy

سلام الله عليكم يا شباب

مين اللي قال ان شعب مصر فقير ماديا ؟؟

بالنظر لعدد العربيات المهوووووووووول اللي بنشوفها في الشوارع وعلى احدث الماركات , لازم نعرف ونتأكد ان الشعب بتاعنا مرتاح ماديا جدا .

أنا اللي شوفته امبارح ماحصلش ولا حيحصل تاني على ما اعتقد ...
أمبارح راجع من شغلي في مدينتي وللاسف أخذت طريق الاسماعيلية بدل طريق السويس كالعادة , والله العظيم من بعد الكمين اللي قبل اكوا بارك وانا ماجبتش الغيار التاني للعربية ... زحمة والطريق واقف بطريقة بشعة وعربيات بالهبل اشكال والوان , والمصيبة فضلت كده لغاية ماوصلت لمكان سكني في حلمية الزيتون مع ان لا في حادثة على الطريق ولا يحزنون .... انا راجع والله وحاسس ان رجلي اتشلت .

حضرتك معلش يظهر حضرتك اولمرة تمشى على الطريق دا فى الوقت دا
دى زحمة طبيعية على طريق القاهرة الاسماعلية وهى زحمة خروج موظفين وعمال العاشر من رمضان
وهى فترة ممتدة من الساعة 4 الى الساعة 7 متعرفش فعلا تجيب تجيب الغيار التانى
وبعد الفترة دى حتلاقى الطريق راق تانى زيه زى اى طريق فى مصر
وحتلاقى الزحمة ترلات واتوبيسات ومكروباصات وملاكى بس دا دليل على التخلف مش الرقى
وبعدين زحمة لانوس ولوجان وفيرنا والنترا دا اسمة غنى؟د
امال زحمة الكامرى واللكزيس و الكاديلاك ومواتير 3000 وانت طاع دا اسمه اية؟
ربنا ريحمنا ويطلعنا من البلد دى على خير

**Rerii** · 01-01-2011 01:07 AM

ياجماعة الطبقة المتوسطة اللى المفروض تكون عايشة كويس اختفت دلوقت اختلف التوزيع وبقت طبقة شديدة الفقر مطحونة وطبقة غنية وطبقة فاحشة الثراء

الناس العادية الله يرحمهم

وبعدين خللى بالك فيه ناس بتجيب عربيات قسط عشان تترحم من التاكسيات اللى بيتصرف عليها فلوس مهولة وقرض السيارة ده سهل على ناس كتير انهم يشتروا عربيات وبضمان المرتب

**heshamzaky** · 01-01-2011 01:57 AM

يا جماعة فية ناس و الله مطحونة بس انت بتشوف الناس الى ساكنة فى القاهرة مثلا ما ينفعش تقارن مصر الجديدة و مدينة نصر و الزمالك و المهندسين بناس فى اماكن اخرى و الله مطحونين بجد ربنا يسترها معانا جميعا و يرزقنا

**wlng76** · 01-01-2011 02:12 AM

المشاركة الأصلية كتبت بواسطة meza

هو ده نفس اللى قاله الدكتور نظيف لما كان بيحاول يثبت إن الشعب المصرى مبقاش فقير و مستوى المعيشة فى إزدياد مستمر!!!

لكن الموضوع ان الفلوس مش متوزعة صح

**hossam_elwani** · 01-01-2011 01:08 PM

يا جماعة الحصر والاحصاء بالعين غير عقلانى وغير منطقى

كل الحكاية ان احنا مكبوسين فى مساحة محدوده طيب فكروا معايا كده لو احنا عايشن على مساحة مصر كلها انا متأكد ان اى واحد قاعد فى مدينته حتقبلو عربيه كل فين وفين

وبعد الواحد اذا اتبع الحصر والاحصاء بعينه يروح المستشفيات الجامعية ويدخل العنابر وحيفتكر ان مصر كلها فى المستشفيات

عجبى

**M.Osman** · 01-01-2011 01:37 PM

و اشاد الرئيس بضرورة بناء مجمعات استهلاكية مثل كارفور في جميع انحاء الجمهورية

**MOTORULE** · 01-01-2011 02:09 PM

ياريت صاحب الموضوع يذكر عدد من الشعوب (و ليس الدول) أفقر من الشعب المصري
أنا مش لاقي غير بنجلاديش

**د.محمود صلاح** · 02-01-2011 06:41 AM

هنا تظهر فائدة الزكاة ..

وفي الزحام يظهر فائدة الفتيس الاوتوماتيك ..

**amribrahim** · 02-01-2011 07:36 AM

الواحد يسمع الموضوع ده يفتكر إن لما ينزل مصر هيشوف مجاعة و أول لما تنزل من المطار شوف كمية المرسيدس و الهمر و الجيب و .. طب ازاي ؟؟!!

روح سيتي ستارز شوف العيال ماشية معاها موبايل موديل إيه .. المصيبة دلوقتي تلاقي العيال معاهم بلاكبيري

بلاش شوف كام واحد قاعد فيه سنجريا أو شوف الناس قد إيه في كافيهات الواحة العند المطار Oasis Botiques

شوف البواب بتاعك معظمهم معاه موبايليين و فيه منهم اللي مشغلو فاتورة مش كرت

شوف الناس بتشتري من سبينيس ب الألف و الألفين و أكتر كمان

نفس الموضوع في كارفور

-------