مين اللي قال ان شعب مصر فقير ماديا ؟؟

**abo_lamar** · 21-12-2010 06:03 AM

سلام الله عليكم يا شباب

مين اللي قال ان شعب مصر فقير ماديا ؟؟

بالنظر لعدد العربيات المهوووووووووول اللي بنشوفها في الشوارع وعلى احدث الماركات , لازم نعرف ونتأكد ان الشعب بتاعنا مرتاح ماديا جدا .

أنا اللي شوفته امبارح ماحصلش ولا حيحصل تاني على ما اعتقد ...
أمبارح راجع من شغلي في مدينتي وللاسف أخذت طريق الاسماعيلية بدل طريق السويس كالعادة , والله العظيم من بعد الكمين اللي قبل اكوا بارك وانا ماجبتش الغيار التاني للعربية ... زحمة والطريق واقف بطريقة بشعة وعربيات بالهبل اشكال والوان , والمصيبة فضلت كده لغاية ماوصلت لمكان سكني في حلمية الزيتون مع ان لا في حادثة على الطريق ولا يحزنون .... انا راجع والله وحاسس ان رجلي اتشلت .

**yoko** · 21-12-2010 07:09 AM

هو مش فقير بس الفلوس مش متوزعة صح يعني في منطقتنا بشوف عيله عبارة عن غتنين متجوزين معندهمش عيال وعندهم 4 عربيات أرخص واحده فيهم ب150 الف وفي نفس الوقت الشغالة الي بتجيلنا ساكنة في أبو رجيله والمجاري طفحت عندهم (منطقة عشوائيه عبارة عن عشش خشب) طبعا غرقت وطلعوا في التلفزيون ولا حد عبرهم ودول بانين مخالف ويستهلوا ده رد المسؤولين وعيالهم الكتب طبعا ضاعت من الميه بتاعت المجاري رد المدرسة مش هنصرف كتب غير لليتماء والباقيين يتصرفوا والولاد مش هتخش المدرسة غير بكتب الوزارة!!!
لما يبقى فيه ناس عايشة ولا في بالها الناس التانيه يحصل الي حاصل في مصر ده كله حاسس بالظلم للأسف حتى الي بيظلموا حاسين إنهم مظلميين أو على الأقل إنه ده حقهم

**bassemali** · 21-12-2010 09:16 AM

مش معنى أن عدد العربيات الجديده زاد يبقى الشعب مستريح والحاله الماديه كويسه .... لأنه بحسبه بسيطه مصر فيها حوالي 3مليون سياره وعدد شعبها 80 مليون!!!!!!
لكن ده قد يكون مؤشر أن في تحسن ملحوظ وليس دليل قاطع على كده .

**ahmad--ezzat** · 21-12-2010 09:17 AM

اكيد مش مقياس ياباشا....دة فى ناس بتموت من الجوع وفى ناس بتنام فى الشارع..احنا من افقر الدول اصلا

**Sherlock** · 21-12-2010 09:25 AM

العربيات كتير علشان الناس كتير , ياريت تشوف الناس الي راكبه ميكروباص او باص او اي وسيله مواصلات و إنت هتعرف انك غلطان جدا جدا .

**tamer_a7** · 21-12-2010 11:09 AM

والله انا فعلا متفق مع الراي القائل بانه لا يوجد توزيع عادل للثروات في مصر
اخوتي الكرام اللي احنا فيه دا نتاج سنين من التخبط والضياع التخطيطي ونظريه بص تحت رجليك
انا ببساطه شديده جدا عايز تسال الخدامه بتاعتك هيه من سكان القاهره هتكون الاجابه ببساطه شديده لا احنا جينا من البلد وهو دا مربط الفرس
القاهره اكتطظت بسكان الارياف اللي هربو من قله الخدمات وضعف المقابل المادي علشان يجوو يعيشو في القاهره علي انها النعيم علما بانها جحيم اخر لا يدرون به
لو اي حد منن سافر في دوله اوربيه وراح المدن وبعدين نزل القري الجاوره او الضواحي هيتوهم بالنظافه والروقان اللي فيها الناس بتهرب من المدن وتروح الضواحي علشان هما عملو الصح
بدئو من بره لجوه يعني خلو اوضاع القري الخارجيه زي اوضاع المدينه علشان يوقفو الهجره من الريف للمدينه
علشان ما يحصلش اللي عندنا في القاهره
عشوائيات 90% من ساكنيه تعود اصولهم للمهاجرين من الارياف (مش زنبهم علي فكره دي ناس ضاق بيهم العيش في قراهم فقررو يهجرو دنيتهم واهلهم) ومستوي معيشي اقل من ما يتحمله البشر ولكن عايشين ومستحملين
لو بس كنا خططنا وفكرنا بنظره مستقبليه كان تطوير القري وتوفير الخدمات والتخطيط الصح (يعني شوارع عريضه وفيه خدمات مجاري ومياه وما خلافه ) كان الوضع دلواقتي غي الوضع بل ربما كنا النهارده بنجد اهل القاهره بيهربو للضواحي والقري المجاوره علشان يجدو السكينه
معلش لو طولت عليكم بس لما تشوف قري الدول الاوربيه والشوارع المرصوفه والجمال والخضره
واروح اشوف التعاسه اللي باشوفها في اماكن كتيره نتيجه للسفر الكتير من موقع للتاني بحكم الوظيفه بجد الواحد بيقول مش ذنب الناس لا دا ذنب سنين من التخطيط الخاطيء
احنا بلد غنيه مش فقيره
احنا عندنا بترول وغاز وسياحه وقناه السويس يصرفو علي عشر بلاد زي مصر بس كمان عندنا تخبط يودي عشرين بلد زي مصر لورا
لو بس نخطط صح

**Amrrr** · 21-12-2010 11:15 AM

احنا كتييييييييييييييييير اوي
هتلاقي ناس كتير مبسوطة وعربيات اشكال وألوان بس لو بصيت عالأتوبيسات والميكروباصات والناس اللي واقفة بتدور على حاجة تركبها برضة كتييييييييييييييييييييييي يير اويييي

**N.a.j.d** · 21-12-2010 11:30 AM

في مصر بتلاقى طبقيتين يا فوق فوق يا تحت تحت مفيش طبقه متوسطه اوى
وبعدين حكايه العربيات دى
كله بيكون تقسيط ل 5 6 سنين
او شراء عن طريق البنك

**zaza_lanos** · 21-12-2010 12:15 PM

يا باشا ده قلة عقل
والواحد منهم يقضى عمره اقساط

شعب مختل الاولويات -- استهلاكى اخر 17 حاجة
لا يعنى للعلم اهمية
وهما منساقين لكد مش باديهم خيار

الموضوع: مين اللي قال ان شعب مصر فقير ماديا ؟؟

LinkBack

أدوات الموضوع

عرض

-

-

-

-

-

-

المواضيع المتشابهه

رجل فقير

تبرعوا من اجل الصومال تبرعوا ماديا لا كلاميا

شونغ جو يونغ مؤسس (هيونداي)عامل فقير أضاء شعلة النهضة الكورية

إغلاق مخبز لأن صاحبه صرف 5 أرغفة «مجانية» لكل فقير

الكلمات الدلالية لهذا الموضوع

المفضلات

المفضلات

ضوابط المشاركة