الموضوع: الحبس سنه مع الايقاف لطبيبه اسنان

وانا الي كنت بفكر اعمل braces في مصر !!

المشاركة الأصلية كتبت بواسطة a7med_pharma

هيا أمبولة الميباكايين الخضرا أم جنيه ونص دي..ممكن تموت؟؟؟

ايوه ممكن تموت, و الحمرا منها كمان, و في ادويه و بأسعار ارخص كمان من كده ممكن تموت برضو

المشاركة الأصلية كتبت بواسطة donzi

اعتقد ان بنج الاسنان دا بيبقى بنج موضعي و مش بيأثر على حاجة من اجهزة الجسم يبقى هايموت ازاي ؟؟؟

هو اعتقاد مش صح بالاساس
بمعني كون الدوا مفعوله موضعي لا يعني ابدا انه لا علاقه له علي باقي اجهزه الجسم

المشاركة الأصلية كتبت بواسطة m.nasr

اعتقد الاحتمال يكون ان البنج ده حاجة تانية يعنى مش بنج اصلا وعموما ايا كان السبب فهو راجع للاهمال .

اعتقاد مش صح للاسف برضو
للاسف بنسبه 99.999 % هو نفس بنج الاسنان اللي اطباء العالم كلهم بيستخدموه
و حكمك بالاهمال مبني (اظن) علي اعتقادك ان بنج الاسنان لا يمكن انه يكون بالخطوره دي, لكن زيه زي اي عقار او دوا ليه استخدامات و محاذير و اعراض جانبيه و مضاعفات الخ الخ

المشاركة الأصلية كتبت بواسطة kamalsalem

يا جماعة بنج السنان ممكن يموت عادي يعني ماهو بنج يعني... الفكرة مش بتبقى جرعة زيادة هي يا حساسية يا سيولة دم زيادة يا حاجة كده... الله يرحم الجميع الراجل عمره كان كده... والحكم قضائياً صح في قضية قتل خطأ... فين المشكلة بقى؟

للاسف الربط بين البنج الموضعي و البنج الكلي خاطيء للاسف
و حكمك انه مش مسأله جرعه زائده ده مش صح
و اتجاهك للتفكير ان في خلل معين في احد وظايف جسم المتوفي ( الله يرحمه و يغفر له ) اتجاه سليم في اسلوب التفكير , و اول واحد ياخد باله ان في اختلافات ما بيننا كلنا, لكن (و انا اسف ان غالبا معظم الردود فيها نقاط غلط) مش شرط برضو ان ده يكون السبب
طبعا الاعمار بيد الله, و انا مش بتكلم في الحكم من الناحيه القضائيه
هوضح في الاخر خالص السبب

المشاركة الأصلية كتبت بواسطة a7med_pharma

ماهو طبيعي ان المريض يقةل للدكتور لو عنده سيولة .. أو عنده سكر ..أو عنده مشاكل في ضغط الدم

المشاركة الأصلية كتبت بواسطة a7med_pharma

والمفروض إن دي أ ب طب

الطبيعي و المفروض عكس كده

المفروض ان الطبيب هو اللي درس طب مش المريض

المريض بيحط ثقته في الطبيب المعالج و بيرضخ للاوامر و التعليمات لأن الطبيب ادري منه في الامور الطبيه

هو طبعا لو المريض عنده حاله مرضيه معينه, طبيبه المعالج بينصحه و يأكد عليه انه ينبه ليها اي طبيب اخر يمر عليه
لكن اي طبيب عارف ان علاج اي مريض بيبدء بمراجعه التاريخ المرضي, سواء الطبي او الخاص بالاسنان
و للاسف احنا النظام الطبي و التنظيم مش مديين فرصه تواجد نظام ملف المريض اللي المفروض بيكون عند طبيبه المعالج و القانون بينظم اطلاع و انتقال الملف ده ما بين الاطباء
الموضوع ده لوحده عايز موضوع منفصل تماما

المشاركة الأصلية كتبت بواسطة Peaceman

دكتور امير هي النقطة مش الوفاة اد ما المفروض نعرف الاول سبب الوفاة

المشاركة الأصلية كتبت بواسطة Peaceman

ممكن تكون الوفاة عادية و طبيعية مش بسبب البنج

و انا شوفت حالات كتير في برنامج في قناة ديسكفري و كانت الوفاة لكل الاعمار و برغم ان ساعات بيحصل حوادث نوعا ما الا و في نفس الوقت بتبقي الوفاة حصلت طبيعية بدون تدخل اي حد

فالمفروض نعرف سبب الوفاة الاول بعد التشريح

غالبا كلامك صح, سبب الوفاه هو الفيصل و كان لازم زي ما الخبر اتنشر كان يلحق بيه تقرير الطب الشرعي لاسباب الوفاه

اللي قريته في الجرنال ان الوفاه نتيجه جرعه بنج خاطئه و العهده علي الراوي

المشاركة الأصلية كتبت بواسطة Hussein_Emara

بيتهيألي خبراء الطب الشرعي يقدروا يحددوا مسؤليتها عن الحادث.

المشاركة الأصلية كتبت بواسطة Hussein_Emara

و على اساس كدة المحكمة بتحكم.

لو كان في تفاصيل اكتر شويه كان الوضع بقي اوضح بكتير

التعقيدات و الاثار الجانبيه و (في كلمه اخري تعني بالترجمه الغير حرفيه, مشاكل تنشيء عن اسباب غير معروف سبب ليها و حدوثها نفسه غير مبرر) فعلشان اقدر احدد لازم تفاصيل اللي حصل في اليوم ده في العياده

سواء مقدار جرعه البنج, تقنيه حقن البنج, وجود التهابات او خراج تحت او بجوار الضرس, هل البنج مضاف اليه قابض للاوعيه من عدمه, مكان الضرس و نوعه, هل كان في حاله مرضيه معينه للمريض سواء يعرفها او موجوده و مكنش يعرفها , ايه بالظبط اللي حصل بعد الحقن من رد فعل المريض ممكن يحدد بنسبه كبيره ايه نوع المشكله اللي ادت للوفاه

المشاركة الأصلية كتبت بواسطة masrtamin

ممكن تكون حقنت المخدر فى وريد من غير ما تبقى عارفه وطبعا المخدر ده بيبقى فيه ادرينالين وده ممكن يسبب اضطرابات فى ضربات القلب ممكن توصل لتشنج البطين والوفاه

المشاركة الأصلية كتبت بواسطة masrtamin

او يسببارتفاع مفاجىء فى ضغط الدم واحتمال نزيف فى المخ لو الشخص معرض لكده

احتمال قائم مع اختلافي انك جمعت بين حاجات كتير علشان توصل لسبب الوفاه, و فكره حقن المخدر في الوريد دي احتماليه قايمه طبعا

بس هل تعرف ان ممكن احقنك في الوريد بنفس البنج و كل حاجه لكن تقنيه و اسلوب الحقن يقلل حدوث اي مضاعفات خطيره؟!
طبعا الاحتمالات كتير جدا جدا و الاخذ بالاسباب دي خطوه و الخطوه التاليه توفيق و اراده ربنا سبحانه و تعالي

المشاركة الأصلية كتبت بواسطة Puyol

إنا لله وإنا إليه راجعون

المشاركة الأصلية كتبت بواسطة Puyol

نصيبه

اتجاه في التفكير يحترم طبعا , لكن البلاد اللي حاطه التقدم و الرقي قدام عينيها لما خطأ بيحصل بتدرسه و تدرس الاسباب الي ادت اليه لمحاوله تفاديها مستقبلا

و مثال بسيط

لولا دراسه اسباب حوادث الطيران دراسات مستفيضه, دون الاكتفاء بتوجيه اصبع الاتهام (اللي بيستخدم عندنا بلا اي تفكير) الي الطيار
مكنش درجه الامان في السفر بالطائرات وصل لدرجه الامان الحاليه
(معلومه جانبيه: السفر عن طريق الطيران اكثر امانا من العربيات, و دراسات اثبتت ان معدلات الوفيات في حوادث السيارات اكتر بكتير من حوادث الطيران)

المشاركة الأصلية كتبت بواسطة tamer_a7

كلام سليم جدا

المشاركة الأصلية كتبت بواسطة tamer_a7

انا ايام ماكنت باحضر محاضرات مع اصحابي في طب اسنان كانو بيقولو لو فعلا وصل لمجري الدم بيكون مسبب للوفاه

نفس الرد السابق, مش شرط و يعتمد علي اسلوب و تقنيه الحقن

المشاركة الأصلية كتبت بواسطة [FONT=Tahoma

د[/FONT].أحمد السعيد;3873161041]ادلى بدلوك يا سيادة السهران

المشاركة الأصلية كتبت بواسطة [FONT=Tahoma

[/FONT]


[FONT=Tahoma]

الموضوع لو ثبت بالطب الشرعى ان البنج هو السبب يبقى نشوف الطبيبه قصرت فى ايه

بس مش من الروتينى ان اللى يخلع دضرس يعمل رسم قلب و تحليل سيولة دم و قياس ضغط (لغير مريض الضغط!!!)

بالمناسبه و خروجا عن الموضوع انا مكنتش سهران انا دخلت نمت و لما صحيت كتبت الموضوع,, و بعدين المفروض ان what happens in vegas stays in vegas

نرجع للموضوع

ممكن اسباب كتير
اما بالنسبه للفحصوات فمش بس كده, بترجع للحاله المرضيه للمريض ان وجدت و مدي خطورتها

المشاركة الأصلية كتبت بواسطة MASERATI

السلام عليكم و رحمة الله و بركاته
طبعا , بنج الأسنان ممكن يموت عادى لو كان حصله Systemic effect نظرا لأنه اتعطى بكمية كبيرة أو أن ابره البنج الموضعى دخلت فى blood vessel أو أن المريض كان عنده حساسية منه و دخل فى Anaphylactic shock و ماتلحقش و مات .
و لو كان هو ده السبب , يبقى أكيد هى تستاهل الحبس , 10 سنين كمان , مش موتت بنى آدم و لو كان الراجل ده متجوز , فهى هدمت أسرة كاملة .

السؤال هنا, لو اللى مات ده كان واحد عادى من عامة الشعب, كانت برضه هتتحبس سنة و تاخد ايقاف سنة و الكلام ده و لا كانت العيادة هتمشى زى الفل و يبقى أهل الميت شايفينها طالعة نازلة و ماحدش قادر يقرب لها و الحسرة تاكل قلوبهم هما لحد ماهما يموتوا ؟؟؟؟؟؟؟؟؟؟؟؟؟؟

لو كانت المضاعفات اللي ذكرتها السبب ليه حكمت عليها انها تستاهل الحبس 10 سنين؟

ياتري علشان الاجرائات اللي المفروض تعملها في وقت حرج زي ده؟

طيب محدش جاب سيره هل هي حاولت انقاذه ولا ايه اللي حصل لأنه مهم جدا كلامها هي او المحيطين بيهم وقت الحادثه المؤسفه دي
و علي ذكر الموضوع ده كان في مدرس مساعد في الكليه و كنا بنتناقش بخصوص المشاكل الخاصه بالموضوع ده زمان من 3 او 4 سنين
سألناه عن ال anaphylactic shock
اجابته كانت انه طول فتره عمله و تدريبه مشافش ولا حاله منهم, و والده (استاذ دكتور ) كان مره في العياده و هو معاه و حصل التفاعل ده
و الله الراجل مع انه علميا يوزن مني مئات الاضعاف الا ان اجابته كانت ببساطه انه مكنش قادر يقف علي رجله و الحمد لله ان التفاعل ده تم التعامل معاه عن طريق والده
غدر الموقف صعب و النافذه الزمنيه للتدخل قليله و محتاجه انك تكون مجهز نفسك و مستعد تماما لاتخاذ اللازم
و للاسف الشديد كون الموضوع ده نسبيا شديد الندره, مع حساسيه اسلوب التعامل غير عنصر المفاجئه بيضعف من احتمالات التعامل الامثل
و ده اللي مخليني محتار شخصيا في سبب الوفاه هل فعلا نتيجه البنج او ناتج عن الخلع
و ان كان نتيجه البنج فلأي سبب من الاسباب تحديدا
في اخر الردود هرفق دراسه عن الوفيات الناتجه عن التخدير و العمليات للي يحب يقراها من المتخصصين

المشاركة الأصلية كتبت بواسطة Cars Sniper

اول مرة اعرف ان بنج اسنان ممكن يموت

ناس كتير بتستهين بالاسنان
مع ان تداخل الاسنان و مشاكلها مع اجهزه الجسم المختلفه مثبته علميا و عامله زي افلام الرعب
من كتر ماهي فعلا ممكن تكون السبب لمشاكل كتير

المشاركة الأصلية كتبت بواسطة mahmoud_afifi

وانا الي كنت بفكر اعمل braces في مصر !!

تعرف؟
انا بصفه شخصيه براجع مشاكل الاسنان و مرضي الاسنان في اوروبا و امريكا من خلال النت و بحاول اساهم في حل بعضها
اللي لاحظته علي مدار فتره زمنيه و من خلال المشاكل و الاسئله ذات نفسها ان المستوي العلمي و العملي و ساعات اكتر المستوي الانساني الاخلاقي في التعامل مع المرضي بيكون اقل من المستوي الجيد او الممتاز المتاح هنا في مصر ( طبعا مش بتكلم عن المستويات الغير جيده و الرديئه) فلو الحادثه دي هتخليك تفقد الثقه في اطباء مصر يبقي حاول تشوف كميه المضاعفات و الحيره اللي بيقع فيها المرضي هناك و عارف في انهي افرع بالذات (ناتج عن ملاحظتي الشخصيه) التقويم و الجراحه

هنا في مصر مشكله التقويم نابعه من ممارسه تقويم الاسنان علي يد اطباء اسنان و ليسو اطباء تقويم اسنان

لازم بس تتأكد ان دكتور التقويم اللي هتتعالج عنده انه يكون دكتور تقويم فعلا و معاه ماجستير تقويم
اما سبب ان بعض اطباء الاسنان بيعملو كده فده راجع لاسباب تانيه مجالها مش الموضوع هنا خالص

المشاركة الأصلية كتبت بواسطة omaroof

الله يرحمه بقى بس لو ماكنش ظابط

المشاركة الأصلية كتبت بواسطة omaroof

المفروض انها تاخد 3 سنوات بس عشان ظابط وهما عارفين الظباط كويس عطوها سنه وممكن فى الاستئناف تبقى 3 اشهر

بصراحه مش فاهم ايه المقصود من كلامك و مستغرب بجد لو فهمي لكلامك صح

المشاركة الأصلية كتبت بواسطة LanCeLoT

it's really complicated

المشاركة الأصلية كتبت بواسطة LanCeLoT

البنج ما يموتش .. ومش عارف ايه الوريد اللي ممكن تخش فيه في خلع الضرس

الموضوع كه داخل الفم

بس المشكله ان اختبار حساسية البنج ده ما بيتعملش حتى في العمليات اللي البنج فيها كلي
وبالتالي بتعرف ان المريض عنده حساسيه بعد ما يحصله حساسيه
وساعتها لازم يكون العياده فيها افيل او ما شابه وكامل الاستعدادات لمثل هذه المواقف

البنج بيموت سواء موضعي او كلي و في نسب معينه في الحالات دي لا تخضع لاسباب علميه واضحه

و انا بتكلم عن البنج الموضعي لأن نفس البنج اللي بنستحدمه كأطباء جراحه الفم و الاسنان بيستخدمه اطباء البشري باختلاف تخصصاتهم سواء ممارس عام او جلديه او جراحه عامه الخ الخ

و اختبار الحساسيه ده في مدرستين عندنا في مجالنا كل واحده بتعارض التانيه

و اسباب كل مدرسه في الاعتراض اسباب مقبوله و مقنعه و علميه تماما

و هو الطب كده مش شرط الموضوع يكون زي الحسابات الواضحه القاطعه

و اوقات كتير تلاقي ان اراء و تشخيص الاطباء بيختلف عن بعضه تماما, و ساعات ده بيكون راجع ان كلهم صح و اوقات تانيه طبعا بيكون ناتج ان في تشخيص خاطيء

الرد العام

عايزكم تلاحظو ان الحكم علي شيء دون المام بيه غالبا بيأدي لخطأ

و نصف معلومه بيكون اوقات اخطر من الجهل التام بيها

الانترنت مصدر للثقافه و التثقيف بس محدش يحاول يستقي معلومات طبيه , خصوصا من مصادر غير علميه, و يحاول يقوم بدور طبيب, ثقافه شخصيه ممكن لكن بلاش محاوله تشخيص او تعديل تشخيص طبيب, حتي لو الطبيب ده تشخيصه مش عاجبك مثلا فليك كل الحق انك تشوف طبيب تاني تسمع منه رأيه, لأن كونه طبيب معناه انه علميا مؤهل انه يفتيك , و ده بعد تعليم و تدريب لفتره مش قليله ابدا, فمهما ان كنت قادر تقري و تفهم مظنش ان في حد ممكن يعمل كده لسنوات طويله علي سبيل تثقيف نفسه طبيا

مش تكبر او استئثار بالعلم

لو عايز تتعلم يبقي تاخد المعلومات كلها من الالف الي الياء و ساعتها هيبقي عندك حروف اللغه الطبيه
و بالتدريب و الممارسه و استمرار التعلم بيكون عندك قدره علي تكوين جمله مفيده
و بمرور الوقت و مع الاجتهاد بيتكون عندك خبرات تسمح ليك ان يبقي ليك رأي
و اكتر غلط في مجال الطب عموما لما الطبيب يكون مغرور او متعالي, سواء انه يشرح للمريض حالته او انه يفتكر انه ملم بكل الجوانب و يثق في نفسه ثقه عمياء تعميه انه يحاول يسد اي نقط ضعف يكون عارفها في نفسه
انا شخصيا من الحاجات اللي تطمني للدكتور انه لو مش عارف او شايف ان الحاله محتاجه تدخل اختصاصي او استشاري يقول و بكل صراحه
لأن عمر ما اي حد فينا هيقدر يلم بكل المهن المام تام, فلازم في اوقات هتلاقي نفسك بتدور علي متخصص في مجال ما و تسمع كلامه و تحط ثقتك فيه سواء الطب او اي مهنه اخري, و لو هو مش عارف اسباب و حلول مشكلتك او استفسارك فأنت مش هتبقي عارف كده, و اعظم خدمه ممكن يقدمها ليك وقتها انه يقول
و اكيد الموضوع ده ملموس و ظاهر لينا كلنا و بنشتكي منه مر الشكوي طول الوقت (الفتي و الفهلوه) و الامر منه ان لما حد بيتغلب علي غروره و كبريائه و يقول معرفش, عاده ما بيلاقي هجوم شرس نتيجه انه قال و صرح بالكلام اللي بيكون انفع لينا في الوقت ده من اي حاجه تانيه

و بخصوص الموقف مع الدكتوره دي فالله وحده يعلم حقيقه الوضع و ايه اللي حصل تحديدا, يمكن كلامها هي و اللي كانو معاها وقتها و التاريخ المرضي للمتوفي كان يدلنا علي اقرب الاحتمالات للسبب, لكن الكلام المكتوب و المنشور لا يكفي ابدا
انا قصدت بالموضوع ده اني امنع او اقلل من الذعر اللي بينتج عن حوادث زي دي, و اللي الميديا بتلعب عليها جامد جدا و بعنف قاسي
و ده مش رأيي الشخصي و بس

Anesthetic fatalities, when they
occur in a dental office, are usually
highly publicized in the press. These
reports present a picture completely
out of proportion to the frequency
of such fatalities. On the other hand,
anesthetic deaths occurring in hospitals
are not considered newsworthy
and are seldom, if ever, reported
in the lay press.

ده اول مقطع من الملف الموجود في الرابط , شوفو في الافتتاحيه مكتوب ايه و ادي الترجمه:
الوفيات الناتجه عن التخدير, عندما تحدث في عياده الاسنان, عاده ما تحظي بتسليط الاضواء و الاهتمام في الصحافه.
و هذه التقارير تقدم صوره غير متناسبه مع كثافه حدوث مثل تلك الوفيات.
و علي النقيض, فأن الوفيات الناتجه عن التخدير في المستشفيات لا تعتبر ذات اهميه اعلاميه و نادرا, ان كان علي الاطلاق, يكتب و ينشر عنها.

و لو حابين نلقي اللوم علي كبش فداء علشان نستريح نفسيا و نقدر نكمل حياتنا يبقي نلقي اللوم عليها و نكمل في طريقنا من غير ما نحاول نحمي نفسنا من تكرار حوادث مؤسفه زي دي

و لو انا اللي هوجه اصابع الاتهام يبقي هوجهها الي

1. الاعداد الضخمه اللي بتتقبل في كليات الطب
2. نظام التعليم الجامعي خصوصا في مجال في منتهي الحساسيه زي مجال الطب
3. اسلوب التعليم و جودته (و الكلام عن ما هو متاح لطالب الطب محدود الامكانيات اللي تتيح ليه الحصول علي مستوي جيد من التعليم) لأنه في يوم من الايام هيتخرج و يكون طبيب و عجزه ده هيترجم الي حوادث مؤسفه, و الذنب مش ذنبه لوحده ابدا
4. احوال الطبيب من ناحيه الماديات, لأن دي بتفرق في اتاحه الفرصه ليه انه يستمر في التعليم و الارتقاء بمستواه من ناحيه و من ناحيه اخري بتتيح انه يكون علي المستوي المطلوب اجتماعيا و نفسيا, فيقدر يقدم افضل خدمه طبيه متاحه للمرضي
5. نقابات الاطباء بجميع تخصصاتهم, لعجزها و تواضعها في حل المشاكل الخاصه بالاطباء سواء علميا او ماديا , و عدم اتاحه الفرصه لمن هم اجدر منهم بتولي مسئوليه صحه و سلامه 80 مليون مواطن مصري, و الاطباء اولهم لأنهم بيحتاجو تشخيص و علاج زيهم زي اي حد لما بيتعبو
6. نقابه اطباء الاسنان نفسها لعدم تدخلها في الموضوع, مش مسأله لصالح الطبيبه نفسها, بس لتقصي حقائق الحادثه و الوقوف علي اسبابها و الخروج من حادثه مؤسفه زي دي ببريق امل لباقي الاطباء و المواطنين ان حاجه زي كده مش هتتكرر تاني, علي الاقل مش لنفس الاسباب
7. و اخيرا و بكل اسف للطبيبه نفسها, و ان كنت مقدرش اعمل كده لغايه ما اعرف ايه اللي حصل تحديدا

و ادي الدراسه عن الموضوع ده, و اسف انها مش دراسه حديثه بس سهل و متاح اني انزل مئات المواد الاباحيه من الانترنت في نفس الوقت اللي الحصول علي ابحاث و دراسات شيء صعب و مكلف ( و ده ممكن يبقي مجال لوحده للنقاش ) اسيبكم مع الدراسه و لو في ايه استفسارات او مناقشات بخصوص الموضوع اهلا و سهلا

http://www.ncbi.nlm.nih.gov/pmc/arti...00142-0005.pdf