كاوتش الشادو ليه مش تيوبلس ؟

**tito29** · 21-12-2010 11:17 AM

هو كاوتش الهوندا الشادو ليه مش تيوبلس ؟
طيب لو السبب علشان الجنوط سلك ياتري حد جرب يغطي السلك من داخل الجنط بمادة عازلة زي السيلكون مثلا أو حتي مسدس الشمع أو يتلف عليها شريط لحام المهم أي حاجة تمنع تسريب الهواء
و مش ممكن أنه يتغير الجنط كله بأخر صب زي الموتوسيكلات الصيني و يكون نفس المقاس أعتقد أن الشادو مقاسه 15 في الخلف و 17 في الأمام
أعتقد أن الجنط الصب أفضل و أكثر تحمل من الجنط السلك و لو جبنا الجنوط الصيني مش حاتكون غالية بالرغم من أن السلك شكله أفضل بس الكاوتش التيوبلس أهم بكتير من المنظر
لو حد عنده أي تجربة ياريت يفيدنا

**أحمد كمال** · 21-12-2010 04:36 PM

فيه ناس برة عملت sealing للسلوك فعلا على الجنط من جوة و ركبت تيوبلس على منتدى امريكي

و فيه شركة امريكية بتحط كذا layer من مواد عازلة على الجنط من جوة و تركب تيوبلس

**sno7y** · 22-12-2010 01:59 AM

هو الموديل نازل كده احنا ماينفعش نعدل بمازجنا

**Nour_safwan** · 22-12-2010 07:47 AM

القصه وما فيها هي أخرام السلوك
وبالفعل قمنا بتعديل الجنط الوراني من داخلي لتيوبلس والفكره أسهل ممكا يكون
كل الي هاتعمله إنك هاتجيب جواني محمل "مثلا مقطوره وتلزقه بالكوله "الغراء" في الجنط نفسه كبطانه للسلوك وده طبعا بعد ما نقوم بتقصير السلوك لأخر درجه وتتجلخ بالصاروخ ولازم تجيب كاوتش براني عجله "مثلا" يترشق مابين السلوك والجواني المبطن الجنط عشان السنون ماتقطعش الجواني وبعدين عند الخراط نقوم موسعين خرم البلف علشان البلف التيوبلس أتخن من البلف الجواني
هي وصفه مقرفه شويه في الأول بس ريح بالك بعد كده وبالهنا والشفا وماتنساش تخلي الجواني الجديد مطرف سنه عشان يطبع عالكاوتش البراني ومطرح مايسري يهري
أخ "أسف" يمري

**tito29** · 22-12-2010 09:18 AM

المشاركة الأصلية كتبت بواسطة أحمد كمال

فيه ناس برة عملت sealing للسلوك فعلا على الجنط من جوة و ركبت تيوبلس على منتدى امريكي

و فيه شركة امريكية بتحط كذا layer من مواد عازلة على الجنط من جوة و تركب تيوبلس

هو ده الكلام الصح

طيب هل حدث أي تغيير في أداء الموتوسيكل بعد التعديل بالذات الثبات
هل حرارة الأسفلت مثلا ممكن تأثر علي المادة العازلة و تؤدي الي أي مشاكل؟

أما بالنسبة لموضوع التعديل فأنا من أري أن طول ما التعديل مدروس و معمول صح و متجرب من قبل يبقي ما فيش أي مشكلة
أعتقد أن الجنط الصب أكيد أكثر متانة من السلك و كون أنه صيني أو غيره أعتقد أنه مش حايفرق في شيئ

بالنسبة للتعديل المقترح من الأخ نورصفوان هل حضرتك جربته بنفسك؟ و هل الثبات أو الأداء تأثر بعد التعديل؟ ياريت تدينا تفاصيل أكثر
و شكرا لكل المشاركات المفيدة

**KHALED2010** · 22-12-2010 09:22 AM

خامة الجنط الصينى تفرق عن خامة الجنط اليابانى

**tito29** · 22-12-2010 10:23 AM

أكيد طبعا الجنط الياباني أفضل
بس أنا بأتكلم علي الجنط بتاع المكنة الصيني اللي هي 200 سي سي و ده بيكون صب و مقاسه الخلفي 15 و الأمامي 17 و علي فكرة ده خامته مش وحشة للدرجة دي بل بالعكس خامته محملة و تقيلة و الشفة بتاعته عريضة و بيركب عليه كاوتش عريض
بس عموما الحل التاني بتاع المادة العازلة أفضل لو مالهوش أثار جانبية خطيرة

**mahgary** · 22-12-2010 08:04 PM

متابع

**أحمد كمال** · 22-12-2010 09:12 PM

المشاركة الأصلية كتبت بواسطة tito29

أكيد طبعا الجنط الياباني أفضل
بس أنا بأتكلم علي الجنط بتاع المكنة الصيني اللي هي 200 سي سي و ده بيكون صب و مقاسه الخلفي 15 و الأمامي 17 و علي فكرة ده خامته مش وحشة للدرجة دي بل بالعكس خامته محملة و تقيلة و الشفة بتاعته عريضة و بيركب عليه كاوتش عريض
بس عموما الحل التاني بتاع المادة العازلة أفضل لو مالهوش أثار جانبية خطيرة

بعيدا عن نضافة الخامة ..... الشكل هيبقى زبالة ...... كانك لابس بدلة على قبقاب

-

الموضوع: كاوتش الشادو ليه مش تيوبلس ؟

LinkBack

أدوات الموضوع

عرض

-

-

-

المواضيع المتشابهه

للبيع كاوتش تيوبلس كونتينتال مقاس 195-60-15

مطلوب 2 كاوتش تيوبلس بالاسكدرية مقاس 13!

للبيع 2 فردة كاوتش بريدجستون مقاس 15 185 60 تيوبلس

مطلوب كاوتش 16 تيوبلس

مطلوب كاوتش 14 تيوبلس

الكلمات الدلالية لهذا الموضوع

المفضلات

المفضلات

ضوابط المشاركة