سرقة ''كسّارة تزن 80 طنًا'' في وضح النهار بحلوان - تعليقات ساخرة

**أبو صلاح** · 21-12-2010 12:39 PM

الخبر
ط³ط±ظ‚ط© ''ظƒط³ظ‘ط§ط±ط© طھط²ظ† 80 ط·ظ†ظ‹ط§'' ظپظٹ ظˆط¶ط. ط§ظ„ظ†ظ‡ط§ط± ط¨ط.ظ„ظˆط§ظ†

مش مهم الخبر بيقول ايه

اللي عجبني هو تعليقات الزوار الساخرة وخفة الدم المصري حتى في أسود المواقف

على سبيل المثال

كده نبقى داخلين على الهرم

زمان الونش اتسرق ومابانلوش أثر..

وإذا كانت النهارده الكسارة أم 40 طن اتسرقت في أهم شارع في القاهرة ويمكن في مصر كلها، والمفروض إن الدوريات الأمنية رايحة جاية فيه ليل نهار (علماً بأن سرقة معدة بهذا الحجم وإنزالها من على التريلا وتركيبها على تريلا أخرى لا تستغرق بحال من الأحوال أقل من ساعتين)، فياريت بسرعة نضاعف الحراسة على الهرم..

منقرع وزنه مش أكبر بكتير من الكسارة دي.. ممكن تريليتين يخلصوا موضوعه

الحكايه دي بتفكرني بنكته

بيقولك فامريكا اخترعو جهاز بيمسك الحراميه.. فجربوه فامريكا مسك مليون حرامي.. جربوه فالصين مسك 3 مليون حرامي.. جربوه فاوروبا مسك 5 مليون حرامي.. جم مصر عشان يجربوه.. الجهاز اتسرق.

لص المدفع

هذا الخبر ذكرني بقصة حدثت في العشرينات من القرن العشرين و هي ان قام احد اللصوص بسرقة مدفع حديدي من القلعة فقال فيه أحمد شوقي رحمه الله ساخرا :

يا سارق المدفع من حصنه نعمت بالصحة و العافيه
أخاف ان عدت الى مثلها ان تسرق القلعة و الحامية

والبقية تأتي

**tarekzein** · 21-12-2010 12:50 PM

عاااادى يابو صلاح

خلى بالك أنت بس على كسارتك لا تتسرق

المرحله الجايه كوبرى أمبابه والبرج

وأرجع يابنى لتوقيعك

ده الزعيم كان بيهزر بس

**MaZaGAngeE** · 21-12-2010 01:02 PM

توجد 3 كسارات في المصنع اللي بشتغل فيه من نفس النوع اللي اتسرقت ...
لما نجينا نركب الكسارات دي الواحدة أخدت تقريبا 9 ساعات

و ده لينك لصفحة فيها صور فلاش لشكل و تركيب و مكونات الكسارة

Hazemag: Impactor Anatomy