قطع الغيار المضروبة .. تعب نفسى

**ehab_11_22** · 21-12-2010 01:49 PM

السلام عليكم ورحة الله وبركاتة

معايا ماروتى 2008
من مدة كنت بدأت أسمع صوت طقطقة وأنا بكسر الدركسيون بتاع العربية فى الملفات للأخر
وبما أن عربيتى حاليا عملت ال 80000 كيلو فقلت اما أروح أجيبلها شوية قطع غيار أفوقها واعملها بالمرة الصيانة بتاعتها وأريح دماغى

فضلت أدور فى المنتدى هنا على مكان يكون فى قطع غيار كويسة وبأسعار حنينة لاقيت ناس كتييي بتشكر فى سوزوكى سنتر

روحت نازل علية
أشتريت الأتى

كبالن خارجى (( على كلام أنهم الهندى الأصلى ))
النتيجة ... لسة بسمع صوت طقطقة لما بكسر الدركسيون على الأخر وعشان أعصابى متتعبش بقيت أريح دماغى ولما أخد ملف مكسرش الدركسيون أوى عشان مسمعش الصوت الى بيتعبنى نفسيا ...
فلتر هواء (( هندى الأصلى ))
النتيجة .... الصراحة لسة مشفتش منو حاجة وحشة
أبلتين وكوندنسر وطقم بوجيهات أن جى كى
النتيجة .... العربيية من كام يوم تدور وتبطل تدور وتبطل لحد مالبطاريه نامت ورحت الشغل يومين مواصلات وطبعأ أتأخرت على شغلى وعلى أخر الشهر ربنا يستر وماتروقش فى الخصومات (( للعلم أنا ساكن ف الشخ زايد والمواصلات فاضيييييييييييييييييييييي ييييييييية وكتيييييييييييييرة)) مجازاً وطبعا روحت لميكانيكى عندى غيرهملى وكان بيبص للبوجية بقرف كدا وهو مطلعو معرفش لية ..
سير كاتينة وسير دينامو
شكلهم كويس الصراحة بس ربنا يستر
فلتر بنزين
شكلو مش تمام أوى هاغيرو فى أقرب فرصة أن شاء الله

بجد يا جماعة الى يعرف مكان كويس وبيجيب قطع غيار كويسة ومحترمة أكتر من كدا ياريت يقولنا حتى لو كانت أغلى شوية

ربنا يستر طريقنا جميعاً

**hamaza81** · 21-12-2010 02:10 PM

طيب يا اخوانا ماحدش يعرف منفذ بيع قطع غيار أصلية تبع التوكيل؟ زي هيونداي كدة

**ahmedtoma** · 28-12-2010 11:24 AM

فى واحد فى التوفيقية اسمة الشركة اليابانية

**dr.hazem** · 28-12-2010 03:56 PM

انا هموت والاقي مراية بدل اللي كسرها ال..... اللي خبطها

عايز مراية اصلية ياناس
محدش عايز يبيع مرايته اليمين واشتريها منه ب 80 جنيه؟؟؟

**sab3aawy** · 29-12-2010 01:23 PM

انا الفترة اللى فاتت جبت شوية حاجات من الشركة البولندية فى شارع دمشق، هو متخصص سكودا وماروتى، وعنده فطع غيار نضيفة ، انا لسة مجربتهاش لكن شكلها كويس ومحترم

**amlolo** · 29-12-2010 09:44 PM

انا جربت محل في شارع دمش اسمه العقيد او البطل مش متذكر جبته منه فانوس امامي بعد حادث المهم كان فيه صيني ومركه تانيه تيوني تقريبا كان اغلى من الصيني المهم هو اقنعني انه احسن من الصيني ودفعت اكتر لكن مع الأسف حتى لو كان تيوني فعلا زي ما قال فهو سيء جدا ونوره لفوق مش عايز ينزل لتحت في الأرض وحسبنا الله ونعم الوكيل

**LORD.ADeL** · 30-12-2010 10:10 AM

هههه زوووم ب120 ياغالي هااا شاري ومعها البيتزااا وجولد تفاح
هااا قلت شاري
((:
استغلال بقاااا

لا بجد عايزن نشوف حد نظيف ومستورد حقيقي للعربيه دي.؟

**dr.hazem** · 30-12-2010 02:02 PM

المشاركة الأصلية كتبت بواسطة LORD.ADeL

هههه زوووم ب120 ياغالي هااا شاري ومعها البيتزااا وجولد تفاح
هااا قلت شاري
((:
استغلال بقاااا

لا بجد عايزن نشوف حد نظيف ومستورد حقيقي للعربيه دي.؟

نا مع شعار لا للاستغلال
الحمد لله كان عندي مرايه قديمه ربنا وفقني ونقلت الشاصيه بتاعها للاصليه وبقت تطلع وتنزل زي الفبريكا ولله الحمد
بس تعبتني جدا على ما عملتها لدرجة اني معرفتش اشرحه
هههههههههههههههههههههههه
تحب بقا اعملك انا مرايا فبريكا ب 150 ومن غير بيتزا؟؟؟
ههههههههههههههههههههههههه ههههههههههه

-

-

الموضوع: قطع الغيار المضروبة .. تعب نفسى

LinkBack

أدوات الموضوع

عرض

قطع الغيار المضروبة .. تعب نفسى - انشر الموضوع فى :

-

-

-

-

المواضيع المتشابهه

ممكن نصيحه نفسى بجد اشترى فورد فيستا بس خايف من قطع الغيار او الصنيعيه

بسس قطع الغيار المضروبة غيرت قواعد موتور الميجان مرتين فى 6 شهور !!

احذروا من الكاوتشات المضروبة

لابد من وقفة من قطع الغيار المضروبة

الكلمات الدلالية لهذا الموضوع

المفضلات

المفضلات

ضوابط المشاركة