ياريت ياجماعة تقولولنا ايه انوع العمة البلاستيك بتاعة الردياتير الموجودة في السوق اية
ولو في التوكيل المهندس طارق يقولنا بكام (مشكورا)
علشان انا لسة مغيرها وملاقتشي غير الصيني ب 90 جنية
ولو حد جربها يقولنا ظروفها ايه علشان حاسس انها تعبانه
عرض للطباعة
ياريت ياجماعة تقولولنا ايه انوع العمة البلاستيك بتاعة الردياتير الموجودة في السوق اية
ولو في التوكيل المهندس طارق يقولنا بكام (مشكورا)
علشان انا لسة مغيرها وملاقتشي غير الصيني ب 90 جنية
ولو حد جربها يقولنا ظروفها ايه علشان حاسس انها تعبانه
التوكيل مش بيبيع العمه لوحدها (بيبيع الراديتير على بعضه) والعمه الصيني راكبه عندي بقالها سنه وشغاله كنت جايبها بـ100 جنيه
وربنا يستر ...
البتاعه دي بتتكسر في معظم العربيات فجأه وممكن الواحد مياخدش باله من عداد الحراره
يا ريت لو حد يعرف سبب لكسرها يقولنا ؟
منها لله
كانت هاتضيعلي الموتور
ياريت لو المهندس طارق يقولنا نعمل ايه علشان نحافظ عليها
طبعا انا حد من الناس اللى غيرت العلبه ده و الحمد لله
بس يا جماعه هي مش بتتكسر فجأه و لا حاجه
اللى بيحصل ان حضرتك مثلا وانت بتركن ريحت على الاكصدام الامامى و ده اللى بيخليها تتشرخ
لا مش ترييح العربيه متلمستش من المنطقه دي خالص دا غير ان الموضوع بيحصل في عربيات كتير جداً وانا لما كنت بغيرها كان في الانترا ونوبيرا بيغيرو نفس القطعة دي
حصلت معايا بس انا كنت مالى المياه فى القربه اكتر من علامة full بشويه حلوين و واحد صحبى قالى انه ممكن يكون السبب والله اعلم
هو ممكن يكون سبب في زيادة الضغط بس المفروض ان الجزء ده بالذات يستحمل ضغط بخار الميه
بس ان عندي كانت مظبوطه بالمللي والعمه اتكسرت والمية اتبخرت من غير ما تسحب من القربه
ده حصل معايا في الأوبترا باردو بس انا كنت بجري 160
وبعد ما هديت وداخل عالكارته لقيت عداد الحراره ابتدي يعلا
فا ركنت ونزلت لقيت الاربه فاضيه والفيبرا دي جايبه مياه من حواليها
وروحت غيرتها بالأصلي والتكلفه بالتركيب بتنظيف الدوره و جركن مياه موبيل كانت 280 جنيه
استفسار ياجماعة
بالنسبة للوقت المستغرق لتسخين اللانسر البومة (1600/m)
من الصفر الي الحرارة الطبيعية (منتصف العداد).
وهل 9 دقائق شويه