ايه اخبار البونتو 2008 عايز حد مجربها ؟
عرض للطباعة
ايه اخبار البونتو 2008 عايز حد مجربها ؟
هو محدش جربها بس انا ركبت موديل 2000 للي هو نفسه الموديل 2008 بس الموتور ما اعرفش هو و لا لاء فيه ناس بتقول القديم 8 صباب و الجديد 12 بس انا مش متاكد.
المهم العربيه جميله جدا كثبات و اعتماديه و تقفيل و سحب.
لاءة هو العكس يا أستاذ حازم
القديم 12 صمام أو صباب ........... و 2008 هي اللي 8 صمام أو صباب
الأخ السائل ( بوشي )
العربية البونتو ....... عربية ممتازة و إعتمادية جدا
عربية موفرة في البنزين
و الجديد كمان بيوفر أكتر مع الأحتفاظ بالسحب الجيد للسيارة
السيارة أقصى سرعة لها هي 155 كم / س
أقصى عزم في القديم ( من 2000 إلى سنة 2003 ) تقريبا 75 حصان عند 5500 لفة / دقيقة
موديلات 2008 نازل فيها عدد 2 وسادة هوائية و هي غير موجودة في الموديلات القديمة
تكييف السيارة كويس جدا ......... و لا يؤثر تأثير ملحوظ على السيارة
السيارة تسارعها كويس من صفر لغاية 120 و بعد كدا بيقل قليلا و بتأخذ وقت شوية لغاية ما تطلع لسرعات أعلى و لكن بتطلع في وقت مناسب
خامات الصالون الداخلية جيدة جدا
قطع غيارها معمرة و بتعيش و متوفرة خارج التوكيل و بأسعار معقولة جدا و موجود كل حاجة ألماني ... أيطالي .... تركي ... تايواني .... و لم أتعثر في الصيني
و الأسعار متهاودة جدا
و السيارة ليست عائلية
يعني مينفعش واحد عنده عيال أكبر من 10 سنين و اكتر من أتنين و يعتمد على العربية دي
العربية دي لشاب أو لواحد و مراته و معاهم طفلين صغيرين السن
أو رجل متوسط العمر و بيحب العربيات الصغيرة و عايز يوفر بنزين في مرواح الشغل
و هي من أحسن العربيات في الفئة دي و أكثرها إعتمادية و ممكن تدخل معاها الإبيزا و لكن ثمن الإبيزا في الفضاء الخارجي :mad:
شكرا يا باشا علي الاجابه و علي مساعدتك
مكتوب فى الاهرام ملحق السيارات عدد 28 مارس ان الموتور 1300 سى سى قوته 60 حصان
انا بافكر فيها فعليا بس حكايه العزم ده مقلقانى اوى اوى
ده الكيا عزمها اعلى من كده
لو كدة يبقي السيريون احسن منها...
ياباني ١٠٠٪ وموتور موفر جدا في البنزين مع عزم يقدر ب ٩٢ حصان (علي ما اتذكر)
ثبات وسحب اكثر من ممتازين...
توكيل ممتاز جدا بالمقارنه باوماترا ومراكز الصيانه التابعه لها...
السيريون بكاااااااام؟اقتباس:
لو كدة يبقي السيريون احسن منها...
بتدا من 78 الف ( الفاضية ) .
بس فى نقطه عيب فى الديهاتسوا عموما ان مالهاش سوق وخصوصا ان السيريون والبونتو من العربيات اللى شويه وهتفكر ان تجيب حاجه اكبر على اساس انها لعائله صغيره او شخص بمفرده او زوجين بدون اطفال
او زوجين واطفالهم قصار القامه واقل من 3 اطفال
او زوجين وابنائهم بيركبوا عربيات تانيه
او زوجين واطفال والزوجه معاها عربيه تانيه :)
ماهو دا اللي بتكلم فيهاقتباس:
بتدا من 78 الف ( الفاضية ) .
المقارنه مش متناسبه نهائي.
السريون تتقارن بالجراند بونتو لانها من نفس جيلها انما مقارنتها بالبونتو كلاسيك فيها ظلم للبونتو