الدركسيون أو التارة الجديدة
أما القديمة
رقم العضوية : 63121
تاريخ التسجيل : 23Feb2010
المشاركات : 94
النوع : ذكر
الاقامة : Alexandria
السيارة: شاريد هاتش باك
السيارة[2]: فيات 127
الحالة :
[frame="9 80"]اخوانى الافاضل انا الحمد لله استلمت النهاردة العربية 516 ls
وانا واخدها مروح بيها حسيت ان العربية بتدب و هيا ماشية على الاسفلت من غير مطبات او بمعنى اصح حسيت ان فيها حاجة بتلق
او فيها حاجة عايزة تتثبت او تتربط بصراحة انا قلقان ومش عارف الكلام اللى انا حسيته ده من ايه؟؟
ياترى ممكن يكون الهواء بتاع الكاوتش عايز يقل شوية ؟
او العريية محتاجة انى امشى بيها شوية عشان تتطبع والكاوتشات مثلا يتاعة المقصات تلين شوية ( يمكن تكون ناشفة) بصراحة انا مش عارف السبب
فيه حاجة كمان : انى لما باضرب كلاكس الصوت بيطلع بعد مابضغط على مكان الكلاكس فى التارة بثانية تقريبا او بمعنى اصح الصوت مش بيطلع فى نفس وقت ضغطتى على الكلاكس ( مع العلم ان موديل 2011 نازل بالتارة الجديدة - الشكل الجديد )
أروجججججججججججججججوكم افيدونى لانى قلقااااااااااااااااااااان اوى
العربية عاملة 72 كيلو لحد دلوقت
تقترحوا عليا ايه ؟ اروح التوكيل قبل الـ1000 كيلو
واللا استنى واشوف واجرب بعد ماضبط الهوا بتاع الكاوتش الاول؟
انا مستنى ردكم بالله عليكم
[/frame]
[warning]Moutaz Yasser Elwy[/warning]
رقم العضوية : 42749
تاريخ التسجيل : 19Jun2009
المشاركات : 256
النوع : ذكر
الاقامة : 6 أكتوبر
السيارة: speranza516
السيارة[2]: فيات 131
دراجة بخارية: no
الحالة :
الدركسيون أو التارة الجديدة
أما القديمة
رقم العضوية : 29345
تاريخ التسجيل : 06Jan2009
المشاركات : 135
النوع : ذكر
الاقامة : helwan
السيارة: سبيرانزا 516 ls موديل 2011
السيارة[2]: spark2009
دراجة بخارية: لايوجد
الحالة :
راى تظبط هوا و تشوف الدنيا ايه لحد صيانة ال 1000
رقم العضوية : 63121
تاريخ التسجيل : 23Feb2010
المشاركات : 94
النوع : ذكر
الاقامة : Alexandria
السيارة: شاريد هاتش باك
السيارة[2]: فيات 127
الحالة :
[frame="9 80"]بصراحة العربية عاملة لحد دلوقت معايا 108 كيلو ....لسه مش عارف اديلك عنها تقرير مفصل بس بحد دلوقت مافيش عندى ملاحظات غير التالى :
1 - فيه صوت من ورا يمين زى مايكون فيه حاجة عايزة تتربط او زى كاوتشات ناشفة شوية
2 - الكلاكس ...الاستجابة بتاعته لضغطة الايد مش حلوة خالص(قالولى ان ده العادى فى الاسبيرانزا مش عربيتى بس )
3 - السنتر مش بيقفل عند سرعة 40 زى ماكنت عارف ( احتمال الـ LS ) مافيهاش الاوبشن ده بس سهل جدا انه يتعدل فى التوكيل او حتى عند اى كهربائى نص نص . (انا ناوى اخليهم يعملوهولى يقفل مع اول فرامل ) مش عند سرعة 40
4 - عايزة ظبط زوايا
بصراحة طبعا بما انها عربية زيرو - المفروض مايكونش فيها الحاجات دى و المفروض انها تطلع مافيهاش الهوا
بس برضه انا واقعى : بما انى جايب عربية عاملة 60.000 جنيه وتقفيل مصرى .... يبقى الحاجات دى عادية و سهلة وماتخلنيش اتضايق لان برضه العربيه مافيهاش حاجة تانية تزعل بصراحة
العربية واسعة جدا جدا جدا
وانت سايق من جوا العربية والله ساعات ممكن تنسى انك راكب اسبيرانزا - يعنى ممكن ف لحظة تتخيل انك راكب عربية زى تويوتا - متسيوبيشى - كده يعنى
كماليات العربية ممتازة
الخامات البلاستيك اللى جوا ( مقابض الفتح - زرار السنتر اللى فى المقبض ) جيدة وليست جدية جدا
الكاوتش من نوع جيد جدا - - - - goodyear ( بس حط فيه نيتروجين و خليه منفوخ على 28 او 30 )
لان على القايم مكتوب ان العربية لما يكون فيها 3 افراد تخللى ضغط الهوا للعجلتين اللى قدام 33
والضغط للعجلتين اللى ورا 30
ولما يكون عدد الافراد اربعة او اكتر يكون ضغط اللى قدام 36 واللى ورا 34
الشماسة بتاعة الفرد اللى جنب السواق لما تنزلها تلاقى ليها باب لما تفتحه تلاقى مرايا ليه كشافين شيك اوى على الجنبين
دى موجود مثلا فى الاوكتافيا و طالع ( حاجة جميله بجد )
الباور بتاعها تحـــــــــــــــــــــــ ــــــفة بجد و احسن وانعم و مناورته اعلى بكتيرررررررررر من الفيرنا
الصاج حقيقى تقيل و محمل
الكاسيت تحـــــــــــــــــــــــ ـــــفة و بيشغل اى Extension زى الـ ( AMR - WAV - MP3 ) و الراديو بتاعه حلو جدا
العربية فيها 4 سماعات مش 6 زى الـ 516 التانية بس صوتهم حلو جدا جدا جدا وكفايه اوى بصراحة
العربية عالية عن الارض ودى حاجة حلوة جدا فى بلدنا لان الفيرنا كانت بتحك فى اى مطب حتى وانا ماشى لوحدى ماعيش مراتى وولادى
الـ516 بصراحة حتى لو ركبت 3 ورا ....... ولا الهوا....بجد دى ميزة حلوة اوى عاجبانى اوى لانى كنت بابقى متعكنن اوى لما احك فى مطب وانا ماشى .
الشنطة واسعة جدا جدا جدا بس بصراحة لما باجى اقفلها ساعات لازم اقفلها اكتر من مرة عشان تتقفل معرفش ليه بس حاخليهم يشوفوها برضه فى مركز الصيانة
وانا عن نفسى شارى من وكيل . بصراحة كلمتهم فى الحاجات اللى مضيقانى او عليا ليها تعليق حجزولى فى مركز الصيانة بكرة ان شاء الله الساعة 9 و نص وانا شايف ان دى استجابة جيدة و سريعة ( لما اشتكى الثلاثاء يقولولى تعالى الاربعاء) ومش مشكلة لو كنت رخصت او لسه يبقى دول ناس محترمة ( عموما مش حاستعجل الحكم اللا بعد مايشوفوا التعليقات بتاعتى و يصلحوها )
عموما العربية لحد دلوقت تقييمها بالنسبالى 75%
اعتقد ان ده تقييم كويس لعربية زيرو صينى تقفيل مصرى سعرها 61000 جنيه[/frame]
[warning]Moutaz Yasser Elwy[/warning]
رقم العضوية : 63121
تاريخ التسجيل : 23Feb2010
المشاركات : 94
النوع : ذكر
الاقامة : Alexandria
السيارة: شاريد هاتش باك
السيارة[2]: فيات 127
الحالة :
[frame="4 80"]زى ماوعدتكم انى حانقل لكم تجربتى فى مركز الصيانة النهاردة .... ادينى حاقولكم ايه اللى حصل بكل صراحة
انا وصلت هناك الساعة 9:45ص واول ماوصلت دخلت على مهندس اسمه/محمد عبد العال ( فى منتهى الذوق)
طلع معايا شاف العربية فيها ايه وانا باشتكى من ايه فيها و كتب ملاحظته فى ورقة صفراء ودخل العربية وعطى اوردر انهم يشوفوا فيها ايه و طلع معايا مهندس تانى اسمه/مهندس هشام ( شاب صغير بس ذوق اوى ) وفعلا ساق العربية وانا جنبه وسمع الصوت اللى مضايقنى ( اللى هو تقريبا كما اعتقد انه مساعدمحلول شوية و عايز يتربط ) وجرب الكلاكس وقاللى انه كده طبيعى لانه الكلاكس مش جلد لكنه فيبر و لما استخدمه اكتر شوية حينعم معايا بس وعدنى انه يحاول يخليهولى احسن شوية لحد ماينعم معايا
وسالته عن ان السنتر مش بيقفل على سرعة 40 كيلومتر/الساعة ( قاللى انهم لغوا الاوبشن ده من 2010) لان فيه ناس كتير اشتكت ان اللى بيبقوا راكبين ومش عارفين ان السنتر مقفول كل مايجوا يفتحوا الباب ويلاقوا المقبض معلق معاهم يتعافوا عليه ف يكسروه - وقاللى كمان ان الاوبشن ده بيحمل على الكارتة الكهربائية كتير - المهم انهم لغوه ومطلعش فيه عيب ) وكنت عايز اظبط زوايا لانى كنت حاسس ان العربية بتحدف يمين شوية صغيرين
المهم
أخدوا منى العربية و رحت قعدت على كافيه ساعة و ربع و بعدين رحتلهم لقيت العربية لسه ماتعملش فيها حاجة ( بصراحة كان المركز زحمة جدا اليوم ده بجد) فلما سالت قالولى لسه والله مافيش ونش فاضى والزوايا بعد الساعة 3 العصر
مشيت وقولتلهم لما تخلصوا كلمونى اجى اخدها
كلمونى الساعة 4 الا ربع قالولى العربية خلصت رحتلهم .. وصلت على الساعة 4 و نص تقريبا
طلعت اجرب العربية لقيت التالى :
الصوت اللى فيها من ورا زى ماهو
التارة معوجة يمين اوى
لفيت و رجعتلهم واتكلمت معاه بهدوء بصراحة و الناس بجد كانوا ذوق اوى وبلغونى ان فيه مهندس اسمه مهندس/طارق ) مدير المركز) هو اللى جربها و قال ان خلاص مافيهاش حاجة
المهم بصراحة عدلولى التارة بتاعة الدركسيون و بقت 100 فل و عشرة ( كانت التارة هى اللى معوجة مش الزوايا عايزة تتظبط)
و المهندس/هشام بصراحة كان ذوق اوى وطلع معايا تانى عشان يتأكد ان الصوت لسه موجود ووعدنى انى اجى فى يوم تانى وانه يقف على العربية بنفسه وقاللى : ( انا اسف بجد بس النهاردة كان فيه 6 عربيات تغيير سير تقسيمة و 4 عربيات حل مواتير )
قال لى والله انا بجد اسف ووعد منى انك فى الميعاد الجاى اللى حتيجى فيه انى اقف على العربية ينفسى وحاطلعهالك من هنا مافيهاش الهوا - انا عارف فيها ايه وحاعملهالك بنفسى و اتأسف لى تانى وقاللى انا مش عايزك تزعل بجد بس
رحت للمهندس/محمد عبد العال ( مهندس الاستقبال ) اخد لى ميعاد يوم الاتنين القادم
بس بصراحة وانا راجع بالعربية لقيتها انعم من امبارح بكتير بصراحة والعربية بقت استجابتها اكبر .
ولقيت حاجة صغيرة بس ماكانتش باينة اللا لما سقتها بالليل النهاردة ( الكشافات الامامية نورها حادف شمال اكتر من اليمين )
ودى حاجة بسيطة ممكن اى كهربائى حتى يعملها ( الكشافات عايزة تترجلش و تيجى يمين شوية بس )
بس برضه حاقولهم عليها لما اروح مركز الصيانة تانى ان شاء الله
الملخص
بالرغم من الحاجات اللى انا لقيتها فى العربية ( حاجات بسيطة كلها عيوب تجميع من الشعب المصرى العريق )
العربية بصراحة تحـــــــــــــــــــــــ ــــــفة وكل مدى ما بتبقى انعم على الطريق بصراحة وكل ما الكاوتش بيمشى على الطريق اكتر كل ما بيبقى احلى و انعم و اطرى
العربية عاجبانى لحد دلوقت بس كنت اتمنى انى مالاقيش عيوب التجميع دى فيها ( كانت حتبقى بجد 10 على 10 )
بس البركة فى الشعب المصرى المتفانى فى العمل[/frame]
[warning]Moutaz Yasser Elwy[/warning]
رقم العضوية : 37420
تاريخ التسجيل : 06Apr2009
المشاركات : 2,512
النوع : ذكر
الاقامة : Cairo
السيارة: لايوجد
السيارة[2]: SperanzaA620
دراجة بخارية: No
الحالة :
الف مبروك
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
أنا لسه شايف التوبيك ده النهاردة .. ألف مبروك يا معتز باشا على العربية .. وربنا يكفيك شرها ويديك خيرها يا رب .. وتكون مبسوط منها على طول .
Life's too Short for the Wrong Job
ziabassem سابقا
رقم العضوية : 63121
تاريخ التسجيل : 23Feb2010
المشاركات : 94
النوع : ذكر
الاقامة : Alexandria
السيارة: شاريد هاتش باك
السيارة[2]: فيات 127
الحالة :
ربنا يخليك يا باسم باشا عامل ايه واحشنى .... انا قولت برضه فينك
كنت مستنيكى تباركلى من زمااااااان
عقبالك يا رب كده و نفرح لك ان شاء الله لما تجيب ال bmw
[warning]Moutaz Yasser Elwy[/warning]
رقم العضوية : 63121
تاريخ التسجيل : 23Feb2010
المشاركات : 94
النوع : ذكر
الاقامة : Alexandria
السيارة: شاريد هاتش باك
السيارة[2]: فيات 127
الحالة :
alshahba
ربنا يعوضك خير عن عربيتك و يرزقك احسن منها ان شاء الله
ومتشكر ليك
[warning]Moutaz Yasser Elwy[/warning]
رقم العضوية : 2951
تاريخ التسجيل : 02Nov2007
المشاركات : 3,099
النوع : ذكر
الاقامة : Mansoura
السيارة: A113
السيارة[2]: lanos
دراجة بخارية: لايوجد
الحالة :
موضوع جميل شكرا عالمعلومات المفيده...
والف مبرووك للاستاذ معتز عالعربيه الجديده
سبحان الله وبحمده ... سبحان الله العظيم
المفضلات