-
سبيرانزا 516 مو 2011
السلام عليكم و رحمة الله
اولا اريد ان تقبلونى صديق و عضو جديد معكم لانى منتقل لكم من شيفروليه
ثانيا انا معايا الان سبيرانزا 516 موديل 2011 ls و العربيه ماشاء الله و لا حول و لا قوة الا بالله عربيه زى الفل هى معايا الان بقالها شهر و نص و عامل بيها 3000 كيلو
طبعا انتوا عارفين ان الكاسيت اللى فيها الكاسيت الصغير زى الموجود فى التاكسى مش عارف اثبت فيه المحطات بتاعت الراديو فى محطات ثبتت و محطات لا رايكوا ايه؟؟؟؟؟؟؟؟؟؟؟
-
ارجو الرد سريعا لانى من هواة الراديو
-
معلش يا باشا هو نوع الراديو ايه وموديل ايه
-
10000000مبروك
عربيتك الهاف اوبشن
-
نوع الكاسيت kinwood و عربيتى هاف اوبشن و الله يبارك فيك
-
اما تيجى المحطه اللى انت عاوزها اضغط على رقم المحطه اللى عاوز تسجل عليها لمدة 3 - 4 ثوانى
وبس كده
والله يباركلك فيها ويكفيك شرها
وبالمناسبة انا كمان معايا نفس العربية بالظبط وعامله معايا حوالى 4400 كيلو
-
السلام عليكم و رحمة الله وبركاته
انا رحت عملت test drive للعربية ال 516 من اسبوع و بصراحة زى الفل عجبتنى اوى مع العلم انى معايا فيرنا 2008 و كنت راكب قبلها ابيزا و بصراحة انا عاجبانى اوى ال516 و كنت ناوى ابيع الفيرنا و احيب ال516 ممكن اعرف رايكم بجد وبصراحة عشان لو قولتولى اتوكل على الله حاشتريها ان شاء الله مع العلى انى ناوى اجيب الفول اوبشن
-
-
-
السلام عليكم ورحمة الله وبركاته
الاخوة ملاك السيارة a516
انا اقرر شراء سيارة ولكم احترت فى هذا القرار بالنسبه للاسبرانزا
انا معى سيارة واحد صاحبى موديل 2007 بقالها يومين بجرب السيارة العجيبه دى علشان اقرر هل الاسبرانزا كويسه ولا لا
اولا هى من وجهة نظرى سيارة جميله عفشتها نشفة حبتين ولكن مريحه فى القياده باور اكثر من رائع والجميل ان صاحبى مركب فيها مثبت سرعة وده ممكن يكون كماليات جميله جدا لو نزلت معها فى الموديلات الجديده ومركب فيها كمان سبيكر فون وويرلس وده يديلك رفاهيه فظيعة بصوا من واقع تجربتى ليها اكثر العيوب اللى المفروض تخافوا منها سير الكاتينة اللى لو مش غيرته كل 10000كيلو هيتقطع وبالتالى هتضر تخش فى حوار صبابات وفك مكنه وهلم جر
ولكن نرجع ونقول المثل المشهور كل متحافظ على الحديده طول مالحديده تحافظ عليك
ثانيا الفتيس بيعض فى كل غيار والمارشديه تقيل شويه ولكن دى اشياء بعتبرها خفيفه
انا حاولت اعمل استفتاء فى الشارع المصرى
وجدت 70% بيشكروا فيها وهم طبعا من ملاكها
ونسبه 20%بيكرهوها كره العما لانها صينى ...............(مع ان الصين دوله ياريت نكون فى مثل تقدمها)
ونسبه 10% من ملاكها ايضا بتطلعلهم عيوب غريبه ................(وده من وجه نظرى قرف بكسر القاف)
المهم ان احنا هنا فى المنتدى الجميل ده انا قرات باب الاسبرانزا كاملا
وجدت تهكمات بدون ادله واعجاب ايضا بدون ادله
فارجو من حضراتكم ان ننظم احكامنا على هذه السيارة
بمعنى
السيارة جيدة؟ ونوضح جيدة لماذا
السيارة غير عملية ؟ لماذا؟
السيارة غير جيدة بالمرة ؟ لماذا
وطبعا الناس اللى معاها العربيه هى اللى نقدر ناخد منهم الحكم الجيد والناس اللى متمتلكهاش رايهم على راسنا من فوق
يعنى ناخد الموضوع كانه استفتاء
وارجو من القائمين على المنتدى الاكثر من رائع ان هو بعد اخذ 100تقييم للسيارة يعملنا احصائيا بشكل رسم بيانى
على مدى اعجاب الناس اوكرههم للسيارة والله الموفق ان شاء الله
وابداء باول تقييم لهذه السياره فهى بنسبه 80% جيدة
وياريت المشاركه اللى بعدى يحط تقييمه وهكذا لكى نستطيع ان نحكم على هذه السياره ولكم جزيل الشكر
Content Relevant URLs by
vBSEO 3.6.0 PL2