الحمد لله امبارح عملت صيانة ال20000
فى مركز سموحه الجديد وونقولكم على التفاصيل
بسم الله روحت توهت شويه علشان اوصل المكان مش محدد بوضوح المهم هو بجانب مصنع لورد عند كوبرى التجنيد فى سموحه
المهم وصلت على 9.3 المهم الدنيا رايقه فى حوالى 6 عربيات بس
حلو همشى بدر ى استقبلنى المهندس وكتب العداد وقالى صيانة العشرين بنغير زيت وفلتر زيت و فلتر هوا وبوجيهات وهتتكلف حوالى 800 جنيه
كان معايا جركل زيت 10000 شيل قالى هنخصمه
استلم العربيه هو والمهندسه ودخلت
قالى هتاخد ساعتين تقريبا علشان هنغسلها وهنغسل الموتور بالفوم
عطله يلا مش مهم
طلبت انى اخد الاجزاء المستهلكه بعد تغييرها عاده بقى عندى وبتنفعنى لما بعوز اشترى زيها
دخلت الاستراحه روحت مبرشت على اللاب توب اللى موجود تبع كوستا مش عارف المهم طلبت واحد كابوتشينو نصابين دفعت عشرين جندى فى واحد كابوتشينو ماعلينا
شويه وجيه المهندس لواحد جانبى قاله خبر وحش قاله العربيه اللى حضرتك شاريها عدادها متنزل وملعوب فيه صدم الراجل
وبعد ساعه و45 دقيقه تم الانتهاء من السياره ومغسوله وفله
الحساب كله 500 جنيه من غير الزيت
دفعت واستلمت
الملاحظات واغلبها طبيعى
استجابه احسن للموتور مع دواسة البنزين
الموتور انعم
عفشه متماسكه
تكييف انظف وابرد
والحمد لله عوضونى ال20 جند بواحد معطر شيل هديه ريحته تزك القلب رميته بعد 5 دقايق
لكن فى النهايه مركز خدمه محترم ووكيل عايز يكون عند حسن الظن
سياره احمد الله عليها
واسف للاطاله ويارب يكون فى افاده
ورجاء من الجميع عدم نسيان دعاء الركوب