مياه الريداتير

**TRAvisCOLT** · 21-12-2010 05:16 PM

السلام عليكم , انا معايا برسونا 2010 و كنت عايز اغير مياه الريداتير يعني انزلها كلها من الريداتير مش ازودها , لو حد يعرف يقوللي علشان عايز اعمل الموضوع ده بنفسي و شكرااااااا

**sayed911** · 21-12-2010 08:33 PM

بصراحة انا معرفش اذا كان ممكن حضرتك تعملها بنفسك ولا لا ولكن اعتقد انه في بنزينة وطنية انا عاملها قبل كده وكان تكلفة الغسيل حوالي 20 - 30 جنيه لأنه مش بيفرغوا وكلن هوة بيعملوا عملية دورة مياه لحد ما يطلع اللي القديم وبعد كده بالهواء يطلع الجديد ويبقى الردياتير فاضي ويزودله مياه بكدة واعتقد ده افضل واسلم حل ..

**ehabsharaf** · 21-12-2010 10:11 PM

فى زى خرطوم جاى من الموتور واصل للريداتير من تحت دة بيتفك وبتنزل المية كلها بس نصيحى بلاش انت تعمل كدة خلى حد يكون فاهم فى الموضوع دة وبعدين انت بتقول عربيتك 2010 يعنى ليسة فى الضمان اعمليها عند اول صيانة
واوعى تزود مية عادية يعنى لو عملت انت الموضوع دة فى بنزينة او اى حتة ماتحوطش مية خضرا ومية عادية لو عملت كدة العربية هاتسخن منك حوط مية خضرة بس انا عملت كدة قبل كدة والعربية سخنت منى لانى الباشا السمكرى قاللى المية الخضرا لوحدها حامية على الموتور طبعا طلع كلة كلام فى الكليتش نصيحتى ماتحوطيش غير مية خضرا وبس

**elmadawy** · 21-12-2010 10:50 PM

نصيحة بلاش واعمل الموضوع ده في الصيانه افضل

**aapaap855** · 22-12-2010 09:35 AM

بلااااااش
انا العربية باظط بسبب الموضوع دة
الصيانة هتعملهولك (الموضوع مش موضوع انك مش هتعرف بس سحب الهوا من الدورة رخم ونوع المية الي بيتحط نوع معين لان فيه انواع كتير في السوق بتاكل الرادياتير)

**spiderloking** · 23-12-2010 01:24 AM

حط مياه ريداتير امريكاني خضرا كويسه بس لو مش هتعرف تعملها بنفسك و معملتهاش قبل كدا بلاش علشان متبوظش حاجه و بعدين فعلا زي ما قالك ehabsharaf قي المشاركه فوق انت عربيتك 2010 يعني في الضمان التوكيل اساسا بيعمل تشيك علي الميه بتاعت العربيه كل صيانه