انا متابع معاكم
جوز مساحات بالدراعات الحديد - حسبي الله و نعم الوكيل بقى - من عرب المعادي ب 280 جنيه استيراد
عرض للطباعة
انا متابع معاكم
جوز مساحات بالدراعات الحديد - حسبي الله و نعم الوكيل بقى - من عرب المعادي ب 280 جنيه استيراد
مش عجيبة ولا حاجة انا مكنتش فاكر بالظبط السعر لأنو كان عاوز يديهاني على 400 جنيه و رحت و جيب و فاصلت لحد ما وصلتها ل 300 و منها ال 280 جنيه بعد ما كتبت افتكرت انها تكلفتها كلها كانت 310 جنيه لأني اشتريتلها جلد مساحات جديد بدل اللي كان جاي معاها فعدلتها بس ده تفسير فرق السعرين
اللي حصل بالظبط هو اني نزلت يوم الصبح زي كل يوم دورت العربية و رشيت ميه بشت بشغل المساحات مبتشتغلش ابص مالقيش مساحات من اساسو لاالكوتش ولا الحديد بس القربة و الموتور و الحاجات دي كلها الحمد لله كانت موجودة و صعب جدا جدا انها تتفك في اللوجان و سعرهم كان في التوكيل الدراع الواحد ب 200 جنيه و الكاوتشة الواحدة ب 50 جنيه غير الضريبة يعني معاك 400 جنيه دراعات و 100 جنيه جلد ادي 500 جنيه و 10% ضريبة يبقى 550 جنيه
انا عملت محضر بالفعل يا باشا علشان اشيلها للتأمين و اريح دماغي بس بصراحة التأمين بيتلكك على اي حد يعمل مطالبة مهما كانت صغيرة انو يغليلوا النسبة في التجديد فقلت بعد ما عملت المحضر اجيبهم و اريح نفسي من يومين يضيعوا علشان المساحات و كنا داخلين على شتاء فكنت مقلق
و المساحات مفكوكين قدامي من عربية داشيا زرقاء عاملة حادثة و جاية من برة و شفتها و هي بتتفك
شكرا لكل من شارك فى الموضوع
الحمد لله ع كل شي
انا النهارده نزلت لاقيت الاريال و االلوجو و الكلام الي وري كله مسروق برضوا
الحمد للله ع كل شي
فين عرب المعادي دول ؟ انا عاوز فانوس و لوجو ؟
الحمد لله قدر الله و ما شاء فعل
بالنسبة للفانوس يا باشا هاتو جديد افضل و سعره مش غالي و مش هيفرق عن الاستيراد كثير
الاريال كان د/ احمد عبد الرحمن قال ان فيه اريال بيتباع ب12 جنيه في شارع دمشق لو حابب اكلمهولك و اسئلوا منين بالظبط
اللوجو و الكلام نصيحة اصبر عليه شوية لأنهم هيتعرف انك كل ما بيتسرقوا بتجيبهم و شوفهم عند المهندس طلعت و لو عاوز ابعتلك نمرتو الجديدة على لخاص لأنو مبقاش معلن معانا هنا و هو غير نمرتو
فيه بقى بتوع قطع غيار رينو كثير في صقر قريش في المعادي في اتجاه حلوان هتلاقي الطريق اتقسم نصين برصيف خش في الشارع الضيق اللي هو اقصى اليمين و اسئل على بتوع قطع غيار رينو هتلاقيهم كثير اما عرب المعادي فحضرتك هتدخل اكنك دداخل المعادي على طريق النصر و عند موقف الميكروباصات اللي في العرب هتكمل على طول و ليهم وصفة بالشبه كدة عارفها لأنها منطقة مليانة شوارع ضيقة و تعتبر شعبية شوية