هل ممكن ؟؟؟ نقاش و تجارب

**احمد ابراهيم** · 21-12-2010 09:45 PM

بسم الله

حبيت اعمل الموضوع دهعشان ناخد خبرات من بعض عن طريق تجارب ككل واحد

الفكرة ان احنا عارفين ان عامل مهم جدا من العوامل بتاعهة الشغل هو المرتب و غالبا لما حد بيلاقى فرصة قدامه بمرتب اعلى بيروح

الجديد بقى هل ممكن حد يغير شغله بمرتب النص ؟؟؟؟!!!!!!!!

انا بصراحة دلوقتى تعبان فى شغلى جامد جدا و كل يوم بروح فيه الشغل كان واحد بيقطعلى رقبتى و ضغط نفسى جامد جدا دا غير عدم التقدير من المديرين

حاليا معروض عليا شغل فى مجال بحبه و لكن المرتب نص اللى باخده حاليا و هيبقى فى الحالة دى يا دوب مكفى و لكنى متفائل انى ممكن اعلى فى الشغل ده لانى بحب المجال ده ... النقطة التانية الثبات فى الشغل بردو فى صالح الشغل اللى انا فيه حاليا

بس بفكر جديا انى اغير المهنة

يا ريت تشاركونى بالافكار و الاراء و لو فى تجارب و خبرات حياتيه يا ريت

**wesam_salom** · 21-12-2010 10:01 PM

انا كنت شغال شغل حر وكنت بكسب منه كويس

بس كنت مخنوق جدا بسبب الضغوط النفسيه ومشاكل كتير

اتعرض عليا شغل فى شركه محترمه بمرتب معقول (تقريبا نص اللى كنت بكسبه)

واقنعت نفسى ان كده افضل وانى هكون مرتاح بدون ضغوط واول الشهر مرتب معقول (مع وعود كتير بالترقى وزياده المرتب)

طبعا مع زياده التاسكات اللى عليا بدون اى زياده فى المرتب او اعاده نظر فى الوظيفه وكل الوعود الكدابه ونظام الشركات الفاشله(شركه مالتى ناشيونال)

لدرجه انى وصلت لمرحله انهم يطلبوا منى حاجه اقولهم مش شغلى دوروا على حد تانى مش عاجبكم شوفوا حد تانى

يقولولى هنظبط المرتب ومكلمين الناس بره اقولهم اما يردوا قولولى

ووصلت لمرحله انها مش فارقه معايا الشغل (طبعا ملتزم بشغلى لانى للاسف من النوع اللى مبعرفش اهرب من المسئوليه ولا اشيل حد زميلى شغلى)

وللاسف دلوقتى بفكر اسافر او اغير المجال او ارجع لشغلى القديم بعد سنتين ضاعوا بس برده خايف اكتر من الاول

وكمان مش مضمون فى اى شركه تانيه هقابل ايه والمعامله ازاى ونظام الترقى ايه (اكيد الحال واحد فى اغلب الشركات)

المهم وصلت لقناعه مهمه انى معنديش اى ولاء للشغل بس عندى مسئوليات تجاه نفسى وبيتى

وانى مقبلش بأى وعود لانى اتعرض عليا شغل فى اماكن كتير مع وعود واحلام (ومنها بمرتب اعلى بس مش الفرق اللى يستاهل)

بس بقيت مقتنع ان اللى ميخدش حقه فى الانترفيو الاول مش هياخده طول عمره

وان كل الشركات وخاصه الكبيره بتحاول تستفيد منك اقصى استفاده بأقل مقابل

والحال مش هيتغير

**أحمد كمال** · 21-12-2010 10:04 PM

ممكن بدون رذالة تقول لي المجال اللي حضرتك فيه حاليا و المجال الجديد المقترح و مش لازم اسماء اماكن العمل لو مش عايز حد يعرف

**Bishoy.Girgis** · 21-12-2010 10:21 PM

انا هشرح تجربتي يمكن تكون قريبة كعنصر من عناصر تجربة حضرتك

حضرتك من 7 سنين كنت بشتغل في شركة سياحة و طبعا التعامل في الشركة و الاستايل و اسلوب الكلام و التعامل حاجه اخر موضة و كان مدير الحسابات بتاع الشركة كان خانئني في الاول لكن الحمدلله بمجهودي عملت شوية برامج صغيرة علي الكمبيوتر اي حد ممكن يعملها ووصلت لمدير الشركة شخصيا و بقي التعامل معاه مباشر خصوصا بعد التقارير اللي بقت شهرية له و بقي من السهل ان يعرف الشغل ماشي ازاي بعد فكرة التقارير
لدرجة اني بعد ما سبت الشغل و زروت اصدقائي مرة تانية لاقيت 3 موظفين ماسكين شغلي و برده السبب ان الشركة اتوسعت اكتر.
المهم جالي شغل في الحكومة بعقد مؤقت و مرتب اقل طبعا من اللي كنت باخده في الشركة لغاية ما اصبح من فترة مش كبيرة اوي ان يتسوي العمالة المؤقتة بالعمالة الدائمة ماديا ً
طبعا دي خلت الواحد تفائل بنسبة كبيرة و الدنيا اتظبطت كتير معايا خصوصا ان الموضوع اتظبط قبل جوازي و ده لأن الموقع اللي بشتغل فيه في الحكومة متميز شوية بس طبعا مش زي البترول مثلا .. الحمدلله و بشكر ربنا علي كل حال
طبعا حضرتك برده مرتب الحكومة مش هينفع لوحده فبيكون في مبلغ في البنك بيجيب ريع كل 3 شهور و بيقسم علي الثلاث شهور بحيث اني اخد كل شهر لوحده و اسيب الباقي في الكريديت كارد
تعرف حضرتك ايه المشكلة الاساسية اللي مقبلاني و بصراحة يمكن بتعصبني بنسبة 75% في الشهر هي التعامل بين الموظفين في الحكومة
حضرتك فرق شاسع بين التعامل في شركة سياحة و التعامل داخل الحكومة و طريقة الكلام و المواضيع نفسها اللي بتتفتح "طبعا حضرتك فاهمني"
الحمدلله مش بشترك في المواضيع ديه خالص و هما نفسهم عارفين اني مش بحب بعض المواضيع اللي بيفتحوها
لكن انا كمان نفسي اسافر بره لأن بحس ان في تعامل و ادامية افضل كتير

**shaddadfalcon1** · 21-12-2010 11:04 PM

في الظروف اللي البلد فيها دلوقتي لو اتعرض عليا شغل تاني بمرتي اقل 100 جنيه مش هروحه بصراحه

انا لم ابقارن مابين الشغل في الأسكندريه وفي القاهره بلاقي فرق في المرتب اكتر من 2000 او 3000 جنيه لصالح القاهره بس لم ااحسبها الاقيها هي هي فبقول لنفسي خليني هنا اريح

**abo_anas** · 22-12-2010 02:14 AM

المشاركة الأصلية كتبت بواسطة namla

بسم الله

حبيت اعمل الموضوع دهعشان ناخد خبرات من بعض عن طريق تجارب ككل واحد

الفكرة ان احنا عارفين ان عامل مهم جدا من العوامل بتاعهة الشغل هو المرتب و غالبا لما حد بيلاقى فرصة قدامه بمرتب اعلى بيروح

الجديد بقى هل ممكن حد يغير شغله بمرتب النص ؟؟؟؟!!!!!!!!

انا بصراحة دلوقتى تعبان فى شغلى جامد جدا و كل يوم بروح فيه الشغل كان واحد بيقطعلى رقبتى و ضغط نفسى جامد جدا دا غير عدم التقدير من المديرين

حاليا معروض عليا شغل فى مجال بحبه و لكن المرتب نص اللى باخده حاليا و هيبقى فى الحالة دى يا دوب مكفى و لكنى متفائل انى ممكن اعلى فى الشغل ده لانى بحب المجال ده ... النقطة التانية الثبات فى الشغل بردو فى صالح الشغل اللى انا فيه حاليا

بس بفكر جديا انى اغير المهنة

يا ريت تشاركونى بالافكار و الاراء و لو فى تجارب و خبرات حياتيه يا ريت

شوف طالما الشغلتين حلال . يبقى خليك فى اللى دخلها اعلى , مفيش شغل ياصاحبى من غير تعب او مشاكل, كتر انت بس من الاستغفار وانت ان شاء الله هتلاقى الامور اتغيرت للاحسن.

<من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب> حديث شريف

**abo_anas** · 22-12-2010 02:20 AM

المشاركة الأصلية كتبت بواسطة lonedoctor

هو الشغل اليومين دول فى مصر على حسب التخصص ولا على حسب الحب والكره ؟
معلش انا اسف جدا بس انا عاوز اعرف بجد لانى عايش بره مصر من فترة وباجس النبض عن وضع البلد اليومين دول

دا باين ان حضرتك بقالك كتير قوى بره مصر يادكتور, البقاء لله البلد ماتت ومابقاش فى نبض علشان تجسه.

**احمد ابراهيم** · 22-12-2010 09:40 AM

المشاركة الأصلية كتبت بواسطة أحمد كمال

ممكن بدون رذالة تقول لي المجال اللي حضرتك فيه حاليا و المجال الجديد المقترح و مش لازم اسماء اماكن العمل لو مش عايز حد يعرف

انا حاليا شغال على الشباك فى قسم الخزنة فى بنك و المجال التانى هو الاوراق المالية انا كنت واخد كورسات فى التحليل الفنى للاوراق المالية بس اللى جالى خدمة عملاء مش فى التحليل الفنى بس فى شركة اوراق مالية

المشاركة الأصلية كتبت بواسطة lonedoctor

هو الشغل اليومين دول فى مصر على حسب التخصص ولا على حسب الحب والكره ؟
معلش انا اسف جدا بس انا عاوز اعرف بجد لانى عايش بره مصر من فترة وباجس النبض عن وضع البلد اليومين دول

اصل الاتنين فى مجالى لانى خريج تجارة ... لكن ميمنعش انك تبقى خريج حقوق و اداب و تشتغل فى بنك ((حقيقة لان فى ناس معايا فى الشغل كده )) ... كله عند العرب صابون يا استاذى

المشاركة الأصلية كتبت بواسطة shaddadfalcon1

في الظروف اللي البلد فيها دلوقتي لو اتعرض عليا شغل تاني بمرتب اقل 100 جنيه مش هروحه بصراحه

انا لم ابقارن مابين الشغل في الأسكندريه وفي القاهره بلاقي فرق في المرتب اكتر من 2000 او 3000 جنيه لصالح القاهره بس لم ااحسبها الاقيها هي هي فبقول لنفسي خليني هنا اريح

طب لو مش قادر تستحمل اللى انت فيه هتعمل ايه ؟؟؟؟؟؟؟؟؟؟

المشاركة الأصلية كتبت بواسطة salmay

شوف طالما الشغلتين حلال . يبقى خليك فى اللى دخلها اعلى , مفيش شغل ياصاحبى من غير تعب او مشاكل, كتر انت بس من الاستغفار وانت ان شاء الله هتلاقى الامور اتغيرت للاحسن.

<من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب> حديث شريف

صدق رسول الله (( عليه افضل الصلاة و السلام ))

استغفر الله العظيم

**M.Mosaad** · 22-12-2010 09:50 AM

طبعا الراحه النفسية حاجة مهمه جدااااااااااا في الشغل بس للاسف مش في مصر لانك في كل شغل هتلاقي حاجة تحرق دمك و تضايقك و لو مش من المديرين من الزملاء او من العملاء

علشان تغير الشغل بتاعك في عوامل مهمه جدااااااااا لازم تحطها في اعتبارك اكنك هتغير عربيتك
1- المجال الجديد بتحبه و لا لأ و هتعرف تكبر فيه ولا لأ و هتستفاد منه
2- المرتب
3- طبيعه المكان و نظام الشركه و اسمها في السوق

قيس العوامل دي و اهميتها بالنسبة ليك و صلي استخارة و أتوكل علي الله لان العوامل دي مختلفه من شخص للتاني