فى البداية بس عشان ميحصلش عند اى حد سوء فهم من الاعضاء الجدد
احب بس اذكر انى بشتغل محرر فى التليفزيون وماليش صلة بالتوكيل
انا ذكرت وظيفتى عشان الناس بس تكون عارفة ومش تفهم خطا انا بشتغل فين
بجانب شغلى اللى بعيد عن السيارات نهائى وفى مجال اخر الا وان وقتى كله رايح فى التوكيل لخدمة الناس
وبوظف دراستى فى مجال الاعلام ودراستى للعلاقات العامة فى التعارف بناس فى التوكيل لخدمة الاعضاء
و الحمد لله كل معرفتى بوظفها لخدمة الناس مش بشيلها لنفسى ابدا ,
عشان بس حضرتك مش تفتكر انى شغال فى التوكيل او بندافع عن حد , احنا بنوضح زى ما فى سلبيات فى ايجابيات ,
وحتى الناس اللى ليها مشاكل ببعتلها على الخاص من غير ما هى تطلب وبحاول اقف معاهم
عشان بس فى البداية تكون عارف كمان هل انا بكون نادرا الوجود ولالا فى التوكيل زى ما حضرتك ذكرت؟!
والاجابة تانى , بكون موجود دايما بسبب حبى للاعضاء
وردى بخصوص ان اللى مش قادر بعد الضمان ميروحش التوكيل , وده حقيقى , وحضرتك بتقول الموضوع ده عشان الناس تكون عارفة
يبقا كان فى البداية اولى انك تذكر ده فى اول الموضوع , وانا لما اتكلمت وقولت كدا ووضحت كان مش ليك والله كان للناس
بس كان بصورة مباشرة والكلام كان واضح
وكمان انا معرفش ايه اللى حصل معاك ووارد فعلا اى انسان يخطى , وزى ما بنقول على اخطائهم بنعطى حقهم بردوا
زى ما بنعطى العربية حقها , لان فى ناس بتقول ان العربية بتسحب بنزين , وان كل الصنى بتسحب بنزين , ولازم ندخل وندافع ونقول مش نعمم لان بيكون فى مشاكل فردية احيانا
وكمان بردوا لما وضحت نقطة الضمان لقطع الغيار عشان الناس تكون عارفة نقطة مهمة
وهى ان لو اشتريت قطعة غيار من اى محل بره ولو كانت جديدة حتاخد معاها ضمان قد ايه , مش اقل من اسبوع ولو حصلها حاجة شكرا ولا المحل حيعرفك ومحدش بيعطى شهر دى ابدا
لكن فى التوكيل بتشترى قطعة الغيار وبتاخد معاها ضمان 5000 كيلو او 3 شهور ولو حصل حاجة بترجعلهم لان وارد يكون فيها مشكلة
وانا قبل ما يكون معايا التيدا حاليا كان معايا بولو ولما غيرت بلى عجل من محل بره فضل معايا شهر وشكرا باظ مع انه كان المانى
عشان كدا وضحت نقطة ضمان قطع الغيار وشراه اصلى او غالى من التوكيل بيكون افضل من بره
وبخصوص المهندس اللى قالك روح واعملها بره وعنده حق , ده اتفق معاك فى الكلام ده عشان عربيتك خارج الضمان
فكان لازم حيقولك كدا
وبعدين قطع الغيار غالية فى مراكز الخدمة بسبب التوكيل ودى اسعار ثابتة ميقدروش يكسبوا فيها والاسعار ثابتة فى كل مراكز الخدمة , اللى بيختلف بس اسعار الصيانات وحاجات بسيطة بينهم وبين بعض
ودى اللى بنقول عليها غالية فعلا اسعار المصنعيات والتركيب
وبعدين اسعار قطع الغيار فى اى توكيل لاى سيارة غالى جدا , ودى حاجة معروفة
وكمان لو كنت عرضت المشكلة علينا قبل ما تروح كنا حنقولك الكلام ده بردوا وان السعر غالى وهات المهم من هناك بس
وحقيقى انا معرفش البلى الدبرياج اللى بتقول عليه ده ايه اللى حصل فيه , لان كمان عربيتك خليجى ومعرفش اللى دار معاك او ايه هى وجهة نظرهم وعشان كدا الاسعار مختلفة فى بعض الحاجات وعاوزين يجبوهالك من بره لان الخليجى فى حاجات بتكون كورى
وبخصوص الاجهزة عندهم اجهزة فعلا والاعضاء كشفوا كتير عندهم فى التوكيل وفى السبع , سواء كشف على السيارة , او كشف وتظبيط العربية بالكمبيوتر الحساسات بتعتها
وموضوع تزويد المياه الردياتير بالمياه العادية ده خطا ولما زميل معانا اكتشف الموضوع ده وقالهم عليه الدنيا اتقلبت واعتذروا ليه
وفعلا انا ليه اتصال بناس هناك فى مراكز الخدمة وعشان كدا جبنالكم خدمة عملاء موردن لحد عندكم هنا , ومع ذلك بعض الاعضاء بتطرح المشكلة باسلوب خارج عن النص بطريقة يخلى الناس تكره ترد وتلغى الاتفاقات ليكم
وكلامى ده مش عليك , ده على بعض الاعضاء الاخرين
وفى النهاية لاشكر على واجب انا اهتمامى بموضوعك زى اى موضوع يا فندم لان ده واجبى ناحيتك وناحية كل الاعضاء
وكنت بتمنى انك فى الاول تطرح لنا المشكلة وكنا قدرنا نساعدك فى البداية
وقدر الله ماشاء فعل
والتخفيض اللى جبته جبته بصفة ودية للعضو , وهما التخفيض اللى بيعملوه حوالى 10%
وباذن الله فى صدد اننا نعمل اتفاقات مع السبع ومع مودرن ومع اتو ايجبت لكل ما يخدم الاعضاء بصورة رسمية فى الفترة القادمة
والله المستعان
هى دى الخلاصة
المفضلات