اكتر 5 حاجات مضايقاني من هوندا سيتي
السلام عليكم
بعد موضوع اكتر خمس حاجات بحبها في هوندا سيتي 2009
http://www.nilemotors.net/Nile/190680-5.html
حبيت اعمل موضوع عن اكتر 5 حاجات مضايقاني من العربيه - هوندا سيتي 2009 - ومع اني بحب العربيه جدا بس هتكلم بكل حياديه
أولا: استرخاص الوكيل في ابسط الكماليات:
عربيه تمنها فوق ال120 الف مينفعش الوكيل يسترخص في شويه كماليات ميكملوش 1000 جنيه - الموديل المصري بينزل من غير الاتي:
1- الشماسات مفهاش مرايات
2- مفيش علاقات شماعات فوق الباب من جوه
3- مفيش نور خريطه في السقف - اللي بيكون بين الشماستين
4- مفيش ريموت كونترول
5- مفيش غير سماعتين في البابين الاماميين - والبابين اللي ورا لا
6- مفيش كشافات شبوره - فوجات
http://lh6.ggpht.com/_X9AQyEbLxe8/TR..._5848309_n.jpg
http://lh3.ggpht.com/_X9AQyEbLxe8/TR...-comfort-2.jpg
http://lh4.ggpht.com/_X9AQyEbLxe8/TR...0/images-2.jpg
http://lh4.ggpht.com/_X9AQyEbLxe8/TR...ob-resized.jpg
http://lh6.ggpht.com/_X9AQyEbLxe8/TR...DSC00245-2.jpg
http://lh5.ggpht.com/_X9AQyEbLxe8/TR...%20%282%29.jpg
ثانيا: كاوتشات العربيه:
العربيه بتنزل جنط 15 وعرض الكاوتش 175 - وده بيعتبر عرض قليل جدا بالنسبه لمقاس الجنط وحجم العربيه - لو العربيه اتركب فيها كاوتشات 195 مثلا على نفس الجنط اكيد ده هيحسن من ثباتها مليون مره
http://lh3.ggpht.com/_X9AQyEbLxe8/TR...U/s400/217.jpg
ثالثا: الاريال:
الاريال بتاعها بيتفك وده يخليه عرضه للسرقه - انتو عارفين بقه مصر - بضطر اشيله كل مره وانا نازل من العربيه - كان نفسي يكون ثابت - او حجمه صغير عن كده
http://lh3.ggpht.com/_X9AQyEbLxe8/TR...-details-2.jpg
رابعا: اسعار قطع الغيار
اسعار قطع غيارها تقريبا زي السيفيك 2010 مع انها مفروض فئه اقل منها - مفروض تكون قطع الغيار اقل من السيفيك ولو بحاجه بسيطه
خامسا: الفرش الداخلي
مع ان الكراسي مريحه جدا - بس الفرش الموجود قماش مش جلد ولونه فاتح اوي وبيتوسخ بسهوله جدا - في جزء في الباب برضه من نفس الفرش وده بقه اللي صعب الواحد يعمله جلده ولازم يسيبه وسخ زي ماهو
http://lh3.ggpht.com/_X9AQyEbLxe8/TR...s800/052-2.jpg