نداء إلي أهل الخبره

**saleh311** · 22-12-2010 12:11 PM

السلام عليكم
أنا معايا عربيه ماروتي 2009 عامله 59500 كيلو
من كام يوم رحت أعمل فيها شويت حاجات
غيرت كبالن داخليا وخارجيه يمين وشمال
( تاني مره أغير الخارجي و أول مره أغير الداخلي ) كانوا بيطقطقوا عل الأخر
غيرت سير كاتينه لأول مره
غيرت سير دنمو أول مره
غيرت جوان للشكمان ( كان منفس )
غيرت سلك موبينه ( كان بايش )
ملحوظه لم أغير البوجيهات ولا الأبلتين من يوم ماجبتاه وهي زيرو
غيرت تيل فرامل أمامي لتاني مره
بس بعد الترويقه دي
العربيه فيها حاجه مش مظبوطه
حاسس أن عزم الرعبيه ضعف
كنت بغير من التاني للتالت عند الأربعين كيله بسهوله من غير ما أقرص علي العربيه أوي
الوقت علشان أوصل بالتاني لأربعين صوت العربيه بيعلي
وكذالك التالت كنت بوصله ستين في العادي الوقت العربيه لازم أقرص عليها
مش عارف الموضوع ده من إيه؟
ممكن تركيب سير الكاتينه فيه حاجه غلط ؟
ممكن من التيل يكون زانق علي الطنابير ؟
ممكن يكون في بوجيه فاصل ؟
مش عارف والموضوع ده خانقني جدا
دي كانت الكبالن بتطقطق و الشكمان منفس وكانت أحسن من كدا
يا ريت حد يقولي العيب فين
خايف أروح لصنايعي يلعب في العربيه يبوظها أكتر

**dr.hazem** · 22-12-2010 06:31 PM

يا عزيزي مش معقول كل المده دي على نفس البوجيهات والابلاتين وعايز العربية تسحب معاك؟؟
ومتقوليش فلتر الهوا كمان مغيرتوش
هههههههههههههههههه
متزعلش مني انا داخل اقولك عاللي هتعمله وتسمع الكلام طبعا

لازم تغير البوجيهات ان شالله تغيرهم بايدك انتا
يعني حضرتك سلمتها للميكانيكي لتغيير الكبالن وخايف من تغيير الابلاتين؟؟؟

الابلاتين منصوح تغييره من 20 الى 30 ألف

التيل لو قافش على طنبوره المفروض تسمع صوت احتكاك وكمان تلاقي الجنط سخن جدا
لكن اعتقد ان كل المشكله من البوجيهات والابلاتين والكوندنسر

لازم تغيرهم
ومتنساش فلتر الهوا

تحياتي