-
عايز اجيب ماروتي استعمال
السلام عليكم
انا من اسكندرية ومعايا 30000 وكنت عايز اشتري ماروتي استعمال وعايز اعرف الاسعار علشان محدش يضحك عليا
فيه 4 عربيات لقيتهم علي النت من اسكندرية عارضين ماروتي 2007 للبيع بحالة جيدة والسعر يتراوح بين 26000 ل 28500
ممكن حد يقولي رنج سعر ماروتي 2007 في حدود كام لكام؟
وياتري استعمال 4 سنين هتبقي محتاجة اصرف عليها كتير وهتتعبني خصوصا ان مليش خبره في العربيات ولا مش شرط؟
علشان لو هصرف عليها كتير اصبر شوية واجيبها جديدة ب37 يعني فرق 10000 ولا اية رأيكم؟
أفيدوني
-
الماروتي 2007 تعمل دلوقتي في احسن حالاتها 28000
ومتقلقش العربية لو فبريكه ومش راششه ومش ماشيه كتير هتريحك ومش هتقرفك ان شاء الله
تحياتي
-
شكرا علي اهتمامك
طيب دلوقتي قدامي 4 من علي النت
لازم اشوف الاربعة ولا اشوف واحده ولو عجبتني اخلص فيها ومش لازم اشوف الباقي ؟
الاربعة كاتبين انها فابركية ومفيش حد راشش
وعاملين من 22000 ل 26000 واستعمال سيدة
-
باشا نصيحة اخ
الفرق مش كبير بين المستعمل والزيرو الجديد ب 38 الف توكل على الله وخش فى جديد احسن وريح نفسك
ادفع اللى معاك وقسط الباقى على سنة مع بنك عوده مثلا محترمين فى قسط السيارة
-
وممكن تلاقى موديل2008 او 2009 وتزود حاجه بسيطه وحاتبقى جديده برضه
-
هدور علي حاجة 2009 2010 واشوف الاسعار اية
اصل الزيرو برضة هيتعمل فيه حاجات
تراخيص وفرش كراسي وفرش ارضية وكاسيت وسماعات يعني هتوصل 41 42 وكدة كتير
انما لو جبتها استعمال سنة ولا اتنين غالبا بيبقي هو عامل الحاجات دي وسعرها هيكون حنين شوية كمان
وربنا يوقعني في عربية نضيفه تكون بنت ناس
-
الاختيار في المستعمل يكون بعد صلاة استخاره
وربنا يكتبلك مافيه الخير ان شاء الله
تحياتي
-
ياباشا الزيرو زيرو
ريح دماغك وأشترى زيرو ومش هتندم
ماتبصش لشوية كلام فاضى كاسيت وتماعات وفرش ، المهم العربيى نفسها ودى حاجة مش مضمونة فى المستعمل
أنت وبختك
أرشح لك الزيرو فقط
بالرغم من أنى هبيع عربيتى بعد شهرين بس هبيعها لأخويا
ولكن نصيحة خليك فى الزيرو
وربنا يوفقك
-
شكرا علي تفاعلكم ونصايحكم الغاليه
وربنا يوفقني للي فيه الخير
-
أسلام عليكم
ربنا يوفقك في الشراء إنشاء الله
سواء كان زيرو او مستعمل
شوف يا سيدى كان فى واحد عارض على كوتنكت ماروتى زيرو كاش 33000
وقسط 20000 والف على 20 شهر
وعلى فكره انا رحتله وشفت العربية فعلا التى كان عرضها
وعشان مايكونش إعلان
إذا أردت سوف ارسل لك رقمه على الخاص
Content Relevant URLs by
vBSEO 3.6.0 PL2