بسم الله الرحمن الرحيم
السلام عليكم و رحمة الله و بركاتة
كنت عايز اسئل على سعر تيريوس القديمه و جيلى كوبيه و فيات تمبرا لانى مش بدخل الايام دى على النت كتير و مش عارف حاجة خالص دلوقتى و اكيد الاسعار اتغيرت فطمنونى كدة ايه رايكم فى الاسعار و عندى سؤال انا عارف ان الكل هيستغربه ... هل جيلى كوبيه ليها قطع غيار اساسا بره التوكيل ؟
الصراحة معرفش
بس متهيالى العربية الى قريبة ليهم هيا الاكسيل ب 28 او ب30 الف تقريبا
الاسعار حسب الحاله والموديل طبعا بس ده الرينج
التيمبرا هتلاقيها بتبدأ من 27 الف لحد 40 الف
التيريوس 99 هتبقى من 37 - 44 الف
الجيلى الكوبيه اعتقد هتكون فى حدود 38 الف
ربنا يكرمك يا معلم .. بالنسبه للجيلى الكوبيه بصراحه معنديش عنها اى خلفيه خالص .. عموما ف واحده ب 35 واعلانها اهو وهيه على كونتاكت كارزاقتباس:
mxz911
شكرا يا باشا طول عمرك بتجيب من الأخر بس مقولتليش رأيك فى قطع غيار الجيلى كوبيه موجوده أساسا ولا مش موجوده
1500 سى سى | 10000كم
http://www.contactcars.com/images/icon1.gif http://www.contactcars.com/images/icon2.gif http://www.contactcars.com/images/icon3.gif
السيارة جيلى كوبيه وليس m.k سبور فتحة سقف جنط سبور اللون اسود فابريقة فى الكامل عدا الاكصدامين...جميع الكماليات متواجدة بالسيارة بالاضافى الى ساوند سيستم دى فى دى سينسور بارك عداد السيارة 10000 كم مع فرصة اكمال اقساط بنكية... السيارة موجودة بالاسكندرية
http://www.contactcars.com/Images/Po...13_jcpjdmt.jpg
http://www.contactcars.com/Images/Po...13_hh8yix5.jpg
ولو عاوز رأى انا اعتقد وبتقارن بين ال 3 دول يبقى شوف تمبرا نظيفه وتوكل على الله
طبعا التمبرا احسن حاجة من التلاتة بس واحد صاحبى هوا الى عامله المقارنه دى عشان بيفكر يجيب جيلى كوبيه يا اما تيريوس القديمه و انا قولتله التمبرا احسن بس هوا بيحب الشكل اكتر من الاعتماديه بس ان شاء الله هقنعه بموضوع التمبرا او التيريوس او الجيلى كوبيه و ينصفى فيهم يعنى الاسوء هنركنه على جمب و نبص للاتنين التانيين لحد مانستقراقتباس:
المشاركة الأصلية كتبت بواسطة mxz911
بس حد يقولى يا رجاله عشان نريحه و نخليه يبطل زن عليا
الجيلى كوبيه ليها قطع غيار اساسا ؟
بص اخي الكريم
الجيلي الكوبيه ليها قطع غيار في التوكيل
بس وحط تحتها الف خط يعني ما لاقيناش الهوا ليها بره التوكيل
وكل ما نحب نغير حاجه او نعمل اي حاجه نوفق ليها حاجات زيها
يعني حاجات بتاعت كرولا- اوبل- شاريد
كده يعني
مثلا الفوانيس شيلنا وحطين الديبو بتاعت الاوبل عارف ليه علشان الفانوس الواحد كان عامل 1200 جنيه
بصراحه اجمال هيه عربيه جامده جدا وبتجري بعبط وبتشد والماتور بتعها عفي جدا علي العربيه يعني كان كفايه ماتور 1200 سي
سي
بس في النهايه بردك اقولك فكر كويس اوي هيه قميتها مش فيها نهائيا
اقتباس:
المشاركة الأصلية كتبت بواسطة tamer_a7
تسلم ايدك على الرد يا باشمهندس و انا حاولت اقنعة بصراحه بالتيريوس بشدة جدا و التمبرا و الحمد لله اقتنع و دلوقتى بقينا فى حيره بين الاتنين و ان شاء الله نقدر نوصل لحل معاه
ثبات التيريوس زباله جدا مقارنه بالتمبرا
قطع غيار التيريوس اغلى من تمبرا
الوسع الداخلى للتيريوس اضيق من التمبرا
موتور التمبرا أعلى !
الشكل .. اذواق !
التيريوس احسن فى التمبرا انها عاليه شويه عن الارض ف مش بتحك ف المطبات
ليك الحكم !
اقتباس:
المشاركة الأصلية كتبت بواسطة mxz911
عندك حق و بالنسبه للثبات قبل كدة كتبت موضوع عن ثبات التيريوس الجديدة و كانت زى الزفت لاننا كنا هنتقلب على البحر بطريقة بشعة و حسينا ان العجل من اترفع و عمل صوت عالى جدا و اتهبدت على الكاوتش بس الحمد لله قدرنا نكمل الطريق من غير اضرار بس التيريوس القديمه واحد صاحبى بيقولى ثباتها افضل و بعد ماعرفت موضوع قطع الغيار دة التمبرا افضل فى مقارنتك بصراحه مليون مرة