يا جماعة
هو نموذج تجديد جواز السفر بيتباع فين
أصل فيه حد قاللى إنه مش بيتباع فى البوسطة
عرض للطباعة
يا جماعة
هو نموذج تجديد جواز السفر بيتباع فين
أصل فيه حد قاللى إنه مش بيتباع فى البوسطة
الافضل انك تجيبه من الجوزات نفسها
هو بيتباع فى الجوازات ؟
أنا مش عارف والله
شوف القسم اللي انت تابع له و روح الجوازات اللي فيه
ما بيتباعش ... بتاخده من قسم الجوازات ببلاش ... بيكتفو باللى هاتدفعه و انت بتعمل الجواز
روح ادارة الجوزات وطلعة هناك
موجود في الجوازات مجانا بيتم تفرقته على المواطنين
مشكوريييييييييييييييييييي ييييييييين جميعا
هي ورقة واحدة وش وظهر بتاخدها مجاناً من الجوازات وبتملاها وتسلمها مع 3 صور حديثة بخلفية بيضاء مع صور لمؤهلك وشهادة ميلادك وبطاقتك وموقفك من التجنيد ولازم بجانب الصور تاخد معاك أصل المستندات دي وهتدفع 150 أعتقد أو أقل مش فاكر بالظبط .
و لو الباسبور القديم قديم (مش مميكن) بتصوره من صفحة 2 لصفحة 8
طيب انا طاااااالب و عاوز اطلع جواااااز اعمل ايه
و ايه الورق المطلوب بالنسبه للجيش و الحاجات دى
لو حد عنده تفاصيل ياريت يساعدنى
لو طالب و سنك تحت 18 سنة
هيطلع الجواز صالح فقط لحد تاريخ وصولك لسن 18 سنة
و خلي بالك الجوازات الجديدة مميكنة يعني مفيش تجديد باليد ...... اما تتم 18 سنة لازم تطلع غيره
و الاوراق المطلوبة
بطاقة الرقم القومي + صورة منها
صورتين شخصيتين بخلفية بيضاء
شهادة قيد من الكلية (لو حكومة .... لو خاصة يبقى لازم تتختم من وزارة التعليم العالي)
نسخة طبق الاصل بختم نسر الكلية من تأجيل الجيش - اذا كنت فوق 18 سنة
و طبعا مفيش سفر من غير تصاريح سفر من الجيش طول ما انت فوق ال 18 و لحد ما موقفك من التجنيد يتحدد
انا فى اخر سنه فى الكليه 21 سنه
و تصريح السفر ده سهل و لا لأ و هيوافقو عليه و لا لأ
بص يا سيدى
أنا كمان أخر سنه فى الكليه ومسافر فى نص السنه ان شاء الله
بالنسبه للجواز تقدر تطلعه بكل سهوله بورقه تثبت بيها أنك مقيد فى الكليه ( بيان حاله يعنى )
المشكله فى تصريح السفر فعلاً
أنا كنت فى التجنيد امبارح وسألت قالولى عايزين ورقه تثبت أنى مقيد فى الكليه + ورقه تثبت الأجازه ومدتها من يوم ...الى يوم .... ( اجازة نص السنه الرسميه )
انا بقى فى مشكله اكبر
انا هخلص السنه دى فى شهر 8/2011 و الجيش بتاعى فى شهر 4/2012
ينفع اسافر لاهلى زياره خلال الفتره دى ساعتها و لا هكون فى كليه و لا اى حاجه ينفع و لا لا
طالما اتخرجت يبقى الجامعة بتبلغ وزارة الدفاع بانتهاء التأجيل اللي الجامعة طلبته ليك
و بناءا عليه مش هيطلع لك تصاريح لحد ما يتحدد موقفك من التجنيد
شكرا لحضرتك استاذ احمد كمال