الموضوع: حوار علمي (عند تغير الجنوط)

المشاركة الأصلية كتبت بواسطة ecybrarian

معلش انا يمكن ماوضحتش بالظبط الموضوع..تصميم العربية هو الفيصل في الموضوع offset..في عربيات تصميمها في الاساس offset negative او العكس..يعني عربيتي الميجان offset بتاعها 49..المقصود الفرق مابين offset الاصلي والجنط الجديد يفضل أن يكون زيرو..يعني يكون رقم او قيمة الاوفست واحدة في الجنطين (الاصلي والجديد) ..اما لو الفرق بين الجنطين (الاصلي والجديد) كان positive او negative هايعمل مشكلة

جميل أوي أوي
يعني تقصد أن لو الأوف سيت بتاع القديم 45 يبقى بتاع الجديد لازم يبقى 45 علشان تبقى الأمور تمام...مش كدة
طيب أنا عايز أستفهم عن حاجة
لو فرضا أن مقاس الأوف سيت في الجنط اللي عندي (الأصلي) 45 وهو مقاسه 14 وعرضه 6 بوصة
وأنا عايز أجدد بجنط مقاس 15 وعرضه 7بوصة والأوفسيت بتاعه المفروض يبقى 45 (على كلامك)
طيب ما هي المشكلة أن عرض الجنط زاد يعني من 6 بوصة لـ7بوصة يعني لو الأوفسيت ثابت في الجديد زي القديم
الكاوتش هيبقى داخل لجوه من ناحية الطنابير شوية
أنا قصدي أن إحنا نقلل الأوفسيت في الجديد بحيث أن المسافة اللي داخلة في الطنابير من الجنط تفضل ثابتة الجديد زي القديم

(أنا بعتبر أن الفكرة في الأوف سيت علشان ميأثرش على العفشة أن المسافة من حافة الجنط اللي داخل ناحية الطنابير إلى محور التركيب تفضل ثابتة الجديد زي القديم والمفروض أننا بنلعب في الأوف سيت على أساس الحتة دي)
دة وجهة نظري فقط أنا فاهم كدة لو غلط فهموني ولا هي الحكاية أوف سيت وخلاص حتى لو الجزء من الجنط اللي داخل تجاه الطنابير زاد

معلش أصل أنا عامل الدوشة دي كلها علشان أنا نواي أجنط بس مكنتش أعرف أن الموضوع هيشدني أوي كدة لما هو أبعد
الموضوع ممتع فعلا
بس أنت كدة بتقول كلامي صح
يعني أنا جنطي 13 وهفترض أن أوفسيت بتاعه 45 وهجيب إن شاء الله جنط جديد 15 فبالتأكيد عرض الجديد هيكون أكبر من القديم ال13
فأنا هقلل الأوف سيت للجديد ل35 مثلا بحيث أن المسافة بين حافة الجنط من الداخل ومحور تركيب العجل تفضل ثابتة
خلاص يعني أتوكل على الله وأجنط
ده أنا تقريبا حضرت رسالة ماجستير في موضوع الجنوط والإطارات
والله قاعد إمبارح من الساعة 10 مساءا لـ4 الفجر من شدة الموضوع ما عجبني
وورقة وقلم ورياضيات وقوانين ونمت وأنا بحلم بيها برده

معلومات مهمه جدا