أجبلك منين فكة تعريفة.........الموارد المهدرة >>>>>>>.وجهة نظر

تقعد مع الناس الكبار اليومين دول يقولك

ياااااااااااااااااه فين أيام زمان أيام الخير والعز كان الدنيا حلوة والأسعار منخفضة

والأشية معدن

كان الواحد يروح للبياع بالتعريفة البياع يزعق معاه ويقول

أجبلك منين فكة تعريفة

تعالوا مع بعض نحسب شوية حسابات بسيطة لبعض الموارد المهدرة والتى توجه إلى

أشياء غير مفيده بالمرة وقد تكون مضرة

أولا الكورة أو الرياضة عامة

تعالوا نحسب حسبة بسيطة كدا على فرقة واحد من فرق كرة القدم وما يصرف عليها

وطبعا لا يخفى عليكم أن المجتمع لايجنى من إحتراف الكرة إلا كل خراب من العديد من الأوجه

فريق سين من الدورى

يحتوى على 30 لاعب
أقل لاعب بياخد 500 ألف

أكثر لاعب بياخد 6 مليون

يعنى لما نحسب المتوسط يطلع أكثر من 3 مليون

3*30=90 مليون فى السنة

دا غير المصاريف والمعسكرات والمكافئات

ومرتبات المدربين وغيرة

خلينا نضحك على أنفسنا ونقول 110 مليون فى السنة

دا أكتر نادى

أقل نادى قول بيصرف 40 مليون

المتوسط =75 مليون

75فى 16 نادى =1200 مليون فى السنة

دول يشغلو كام واحد يكون مرتبهم فى الشهر2000 جنيه

هيشغلوا

50000 واحد

خمسين ألف واحد هيعيشوا عيشة إلى حد ما كويسة

طيب نسيب الكورة

ونروح للمسلسلات

السنة دى فى رمضان كان فى أكثر من100 مسلسل جديد

طبعا مفيش حد عاقل يقدر يقولى إن إحنا إستفدنا حاجة من المسلسلات


كلفوا كام دول

قرأت عن تقرير بتقول إنهم كلفوا تقريبا 750 مليون جنيه

نحسب حسبتنا البسيطة

31250 واحد هيتعينوا براتب شهرى 2000


تالت حاجة

برامج الفضائيات


سواء برامج تحليل مباريات الكورة

أو برامج النميمة والكذب

أو برامج الأغانى

أو برامج المسابقات الهايفة

ممكن نقول على الأقل

500 مليون سنويا

نحسب

20833 واحد تقريبا هياخدوا 2000 جنيه شهريا

ولو فكرنا أكتر هنلاقى حجات كتير إحنا محسبنهاش

ممكن تكفى الكثير من الفقراء المعدمين

واحد يقولى ياعم إنت عايز الدنيا تبقى سودة خالص مفيهاش أى ترفيه

أرد عليه وأقول

1- ايه اللى يمنع إننا نلعب كورة كهواية ونستمتع ونستفيد بدنيا

2-بالنسبة للمسلسلات فليس بها أى معنى مفيد
ومتابعتها مرض

3-وهو أهم بند مش معقول ندور على اللى يرفه عنا ونحن نتقاتل
على رغيف العيش وأنبوبة بتوجاز






أعتذر للإطالة ولكن الأمر خطير

جزاكم الله خيرا

فعلا الامر جد خطير جدا جدا جدا

يا سيدى دع الخلق للخالق هو يحكم
احنا نعمل اللى نقدر عليه والباقى ربنا يفرجها
انما لو احنا قعدنا نحسب مش هناخد غير حرق الدم ومش هنستفيد حاجة

بجد كلامك كله مظبوط
ولو احنا عملنا كدة وسيبنا العك والمسلسلات والارف دة وخدنا الفلوس بتاعتها فتحنا بيها مصنع شوف كام واحد هيشتغل ونبنقى قللنا نسبة البطالة بس هنقول لمين الكلام دة كله همه على كرسيه

كلام في الجون (على رأي شباب الايام دي)

على كل الطرح ده عايز يوصل لمستوى تفعيل اعلى عشان يكون له صدى

تحياتي

مع حضرتك حق فى كل كلمه
وللاسف الواقع بيقول ان مصر اصبحت بلد طارده للعلماء والمتفوقين وجاذبه للعيبة الكوره والفنانين أو كما يطلقو عليهم المبدعون:_Alshmokh08[1]:
وعمر ما البلد حاله هيتعدل طول ما الهرم مقلوب بالشكل ده

حقيقى كل كلامك صح وأضيف شوية حاجات
1-بالنسبة للكورة اللاعبين عندنا بيقبضوا كمحترفين ويلعبوا كهواة شوف الواحد من دول يهبد على قلبه أد كده ويزوغ من التدرييب ويطنش المعسكر ويروح يشرب شيشة ويتمنظر على البنات علشان كده الأسعار بتاعت اللعيبة دى بتموت الكورة عندنا مش العكس وبتقتل فكرة الاحتراف، وما حدش من عندنا بيفلح برة، يقولك وانا هوجع دماغى ليه وتدريب صبح وبالليل ومدير الكورة يقولى نام الساعة10 بلاش وجع دماغ وانا هنا مقضيها والنتيجة لا تخفى على أحد.
2- بالنسبة لبرامج الرياضة (اسف ياريت الرياضة دى الكورة) كلها كلام مكرر زى بعضه وياريتهم بيناقشوا فنيات لا كله كلام فاضى واخبار ما حدش عايز يسمعها، واعتقد ان الفرجة عليها كتير ممكن تجيب بلاهة.
3-بالنسبة للمسلسلات مش عارف مين اللى بيصرف على الكم ده كله وليه بينتج أساسا ده كفاية كل شهر مسلسل أو 3-اتنين ويكون مستواه محترم ويجيبوا اعلانات والناس تكسب وكل حاجة، وبالمناسبة ما فيش نجم مسلسل بياخد لو حده اقل من مليون جنيه وبعد كده هتبقى الحلقة بمليون جنيه مش حسد ده أر، هل فى جمهور للدرجة دى!!!

عندك حق فى كلمة

كلامك سليم

ربنا يباركلك

كل كلامك سليم

بس لو اتفتح موضوع الموارد المهدره فى مصر مش هيتقفل بالساهل

مع كلامك كله لان ده الى ان دايما بقوله

ولو فضلنا كده حنفضل نرجع لورا اكتر واكتر

طب حد عارف جوزيه مدرب الأهلي السابق كان مرتبه كام ؟؟؟
.
.
.
.
.
.
.
.
.
.
.
.

80 ألف يورو في الشهر

يعني 960 ألف يورو في السنة

شوفو تساوي كام بالمصري احسن الضغط علي عندي

سبحان الله .... وله في ذلك حكم .. الجنة اكيد احلى

دلوقتى الواحد يدوب يفك ال 100 جنيه تلاقيها اتبخرت!!

الله سبحانه وتعالى يقول

اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ ۖ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا ۖ وَفِي الْآخِرَةِ عَذَابٌ شَدِيدٌ وَمَغْفِرَةٌ مِنَ اللَّهِ وَرِضْوَانٌ ۚ وَمَا الْحَيَاةُ الدُّنْيَا إِلَّا مَتَاعُ الْغُرُورِ (20) سَابِقُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ۚ ذَٰلِكَ فَضْلُ اللَّهِ يُؤْتِيهِ مَنْ يَشَاءُ ۚ وَاللَّهُ ذُو الْفَضْلِ الْعَظِيمِ (21)

سورة الحديد

---------------------------------

أنا معاكوا إن توزيع الثروات في مصر خاطئ الى حد كبير ... ولكن هو كذلك أيضا في جميع بلدان العالم

ياترى أي ممثل أو ممثلة زي جوليا روبرتس أو توم هانكس أو هانا مونتانا أو ... أو ... بياخد كام ...

وأي لاعب كرة قدم زي ديفيد بيكهام أو رونالدو أو ... أو ... بياخد كام

الأمثلة كثيرة جدا وفي مجالات أكتر من كده كمان وفي كل بلدان العالم بلا إستثناء ... ولكن ما يُظهر الأمر في مصر إن معظم الشعب أصلا يادوب حوالين خط الفقر سواء تحته أو فوقه بقليل وده اللى بيخلي اللى مش لاقي بيبص للى في إيد غيره .. حتى لو غيره ده برضه مش لاقي .. وهنا مربط الأمر ... لازم الواحد يفتكر كلمة الله في هذا الشأن وهي "ذلك فضل الله يؤتيه من يشاء"

وهو ده اللى رسولنا الكريم (ص) قاله للفقراء من أصحابه عندما إشتكوا اليه من أن الأغنياء معهم الأموال ويتصدقون منها كيف يشائون وهم لا يستطيعون التصدق مثلهم فقال لهم الرسول الكريم (ص) هذه المقولة ... "ذَٰلِكَ فَضْلُ اللَّهِ يُؤْتِيهِ مَنْ يَشَاءُ ۚ وَاللَّهُ ذُو الْفَضْلِ الْعَظِيمِ" .... وهذا إختصار شديد للقصة الكاملة

ولكن لا يزال فيه حاجات فعلا لا يمكن السكوت عليها في توزيع الثروات في مصر ... ليس المجال للحديث عنها ولكنها غير المذكورة هنا تماما ... ومحتاجة وقفة من الشعب ككل ... لكن إلى أن تأتي تلك الوقفة أدينا قاعدين

اقتباس:

---

المشاركة الأصلية كتبت بواسطة n.y.s.m.a

هو ده اللى رسولنا الكريم (ص) قاله للفقراء من أصحابه عندما إشتكوا اليه من أن الأغنياء معهم الأموال ويتصدقون منها كيف يشائون وهم لا يستطيعون التصدق مثلهم فقال لهم الرسول الكريم (ص) هذه المقولة ... "ذَٰلِكَ فَضْلُ اللَّهِ يُؤْتِيهِ مَنْ يَشَاءُ ۚ وَاللَّهُ ذُو الْفَضْلِ الْعَظِيمِ" .... وهذا إختصار شديد للقصة الكاملة

ولكن لا يزال فيه حاجات فعلا لا يمكن السكوت عليها في توزيع الثروات في مصر ... ليس المجال للحديث عنها ولكنها غير المذكورة هنا تماما ... ومحتاجة وقفة من الشعب ككل ... لكن إلى أن تأتي تلك الوقفة أدينا قاعدين

---

الناس كانت زعلانه علشان محتاجة فلوس تتصدق!!! مش تصرف

و بعدين ذلك فضل الله و تلك اموال الشعب و ميزانيات مهدرة!!

اقتباس:

---

المشاركة الأصلية كتبت بواسطة د.أحمد السعيد

الناس كانت زعلانه علشان محتاجة فلوس تتصدق!!! مش تصرف

و بعدين ذلك فضل الله و تلك اموال الشعب و ميزانيات مهدرة!!

---

أنا معاك إن في ميزانيات مهدرة ... بس مش هية دي

مش الممثلين ولاعيبة الكورة ... لأن الفئة دي الشعب هو اللى عملها

لاعب الكورة الشعب هو اللى عمله كده بإهتمامه بلعبة كرة القدم ... والممثل الشعب برضه هو اللى عمله كده ... بإهتمامه بالسينما والمسرح

لكن الميزانيات المهدرة موجودة فعلا وأنا مقتنع تماما إن في بلاوي مهدرة مش ميزانيات بس في حاجات تانية كتير سياسات الحكومة بقى هي السبب فيها ومش مجال النقاش حواليها

الممثلين ولاعيبة الكورة لو فلوسهم الكتير غايظانا وحاسين إنهم مالهومش حق فيها .. خلاص نبطل ندخل سينما أو نتحمس للفرجة علي الأفلام أو المسلسلات أو ماتشات الكورة ... وده اللى أنا بعمله بصراحة

لا لية لا في السينما ولا المسلسلات ولا ماتشات الكورة .. ويمكن ولا التلفزيون حتى

الموضوع حسب العرض والطلب
يعني عمر ما في لعيب كوره هيقبض مليون غير لما يكون في جمهور بيكسب النادي اكتر من المليون ده
وكذلك المسلسلات
كل دول ما بياخدوش حاجه من جيبك ولا من موارد الدوله

انما الاهدار بيبقى اهدار في ميزانية البلد وفي دي حدث ولا حرج ...........