جاك بى 15 ولا اسبيرانزا مع ذكر السبب
عرض للطباعة
جاك بى 15 ولا اسبيرانزا مع ذكر السبب
طالما حضرتك فكرت في العربيات الصيني وحصرت اختياراتك في الجاك بي 15 أو اسبرانزا ومش فارق مع حضرتك فرق السعر بين الاتنين .. يبقى الجاك بي 15 .. لأن تقفيلها أحسن بكتير وموتور تقنية حديثة .. وتوكيل يقال عنه أنه حلو .. بس يعيبها ارتفاع السعر نسبياً .
بصفة عامة ومن وجهة نظري الشخصية برضه التي لا أقصد منها الاساءة لأي ماركة صيني تانية .. العربيات الصيني الكويسة في مصر تنحصر في الآتي :
1) بريليانس (عربية شكل حلو وتقفيل وخامات حلوة وتوكيل أحلى .. بس يعيبه ارتفاع أسعار قطع الغيار والمصنعيات وعدم توافرها خارج التوكيل بشكل كبير) .
2) بي واي دي (عربية شكل حلو وتقفيل وخامات متوسطة "مقبول جداً على قد تمنها" توكيل بيسعى للتحسن في تقديم خدمات ما بعد البيع "جيد" قطع غيارها متوافرة داخل وخارج التوكيل بسعر رخيص "ممكن استبدال قطع غيارها بمتسوبيشي وكورولا") حيكون ليها مستقبل كبير في مصر .
3) الجاك بي 15 (عربية شكلها حلو وغير تقليدي .. خامات وتقفيل "جيد جداً" .. توكيل يسعى لاثبات نفسه في السوق .. مفيش مشاكل ظاهرية للعربية حتى الآن) .
دول التلات ماركات اللي أثبتوا كفاءة بدون مشاكل مزمنة في السوق المصري .
ملحوظة : الأراء مبنية على وجهة نظر شخصية .. يحتمل صحتها أو خطئها .