إستطلاع السيارات فى كل الفئات : الفئة العائلية الصغيرة من المستوى الأول

هذه الفئة مزدحمة قليلا فى مصر, لذا, سوف نقسمها الى مستويين بحسب الحجم, و أرجو أن أكون وفقت فى تقسيم السيارات.
و بعد انتهاء كل هذه الاستطلاعات, سوف أجمع السيارات الفائزة فى موضوع واحد, مع صورة لكل منها, و معلومات موجزة عنها, لتصبح دليلا للمشترى حول ما يفضله أعضاء نايل موتورز.

السيارات المتبارية فى هذه الفئة :

نصر شاهين 1.4/1.6 : سيارة نصر الأكثر مبيعا, ينقصها الكثير من التجهيزات, و لكن مع محرك من فئة 1.6 لتر يولد 96 حصانا و ووزن هو الأخف فى فئتها, و دفع خلفى, تبقى خيارا مميزا لعاشقى القيادة الخشنة.

فولكس فاجن جولف : سيارة فولكس الشهيرة و التى ما تزال سيارة الشباب المفضلة, الا أنها بدأت تفقد عرشها مؤخرا.

تويوتا كورولا : عادت بشكل جديد مستوحى من الكامرى, و مازالت خيارا عاديا بين الراحة و الأداء بعيدا عن التطرف.

لادا 2107 : سيارة لادا الكلاسيكية المتينة, تباع بسعر مغرى جدا, و مازالت تتحدى التغيير!

بيجو 307 : اشتهرت سيارات بيجو بالاعتمادية و قلة الأعطال, و لكن لكل قاعدة استثناء!!!

شيفروليه أوبترا : لم تنطل حيلة استبدال الاسم على المصريين لفترة كبيرة, و لم تعد علامة شفروليه التى تزين مقدمة السيارة تعنى الكثير بعد أن اكتشف المصريون أنها "نوبيرا" متخفية.

اسبيرانزا ايه 516 : حتى مع سعرها المنخفض, مايزال الكثيرون يتخوفون من هذه السيارة مجهولة الهوية, و هو خوف فى محله.

ميتسوبيشى لانسر : سيارة ميتسوبيشى الشعبية جدا فى مصر, مع تصميم جديد مثير للجدل, و كعادة ميتسوبيشى, سيارة بها طابع رياضى مفتعل.

سوبارو امبريزا : تحتوى على تقنيات لا تستخدم عادة الا فى السيارات السوبر الرياضية, مثل المحرك المنبطح و الدفع الرباعى المستمر, و مازال الجدل مستمرا حول ما اذا كانت هذه التقنيات تصلح لسيارة من هذه الفئة أم لا.

بروتون جين 2 : سيارة بروتون بعد أن بدأت تخرج من عباءة ميتسوبيشى, و تدخل فى عباءة لوتس, و لكن مازالت بصمة ميتسوبيشى تتجلى فى الطابع الرياضى المفتعل.

------------------
تم تعديل العنوان لأنه ليس مسابقة ولا دخل لإدارة نايل موتورز بالموضوع
4

مع حبى الشديد جدا جدا جدا جدا جدا من هنا لجاد بكرة للجين 2 و لكن لو طبعا المقارنة مع الجولف حختار جولف

اقتباس:

---

بروتون جين 2 : سيارة بروتون بعد أن بدأت تخرج من عباءة ميتسوبيشى, و تدخل فى عباءة لوتس, و لكن مازالت بصمة ميتسوبيشى تتجلى فى الطابع الرياضى المفتعل.

---

:( :( ممكن اعرف اية المفتعل فيها ؟

تويوتا كورولا.....طبعا ;)

بصراحه انا بيعجبني مواضيعك اللى بتأكدلي بين الفينة و الاخرى اننا في منتدى سيارات لكن بصراحه انا شايف ان سلسله الاستفتاءات الاخيرة غير عادله في كثير من الاحيان مع كثير من السيارات و في كل مرة (تقريبا) حضرتك بتقول ان الفئه دي مزدحمه في مصر
و الخيار بجد بقا صعب جدا لأني بحس ان في عربيات كتيرة مينفعش تتقارن ببعض اصلا و بيكون في ظلم لعربيات كتير جدا و احساسي بعدم المساواه و العداله بين السيارات لا من حيث الحجم عللى حضرتك بتقيم على اساسه و لا من حيث العربيات ككل و لا السعر و لا الاداء و لا حاجات كتير بصراحه

اقتباس:

---

المشاركة الأصلية كتبت بواسطة fahd_628

:( :( ممكن اعرف اية المفتعل فيها ؟

---

+1 ممكن نعرف ازاي مفتعل مع العلم ان شركة لوتس هي اللي مصممها بكامل
ومالهاش اي علاقة من قريب او بعيد بميتسوبيشى

" ممكن اعرف اية المفتعل فيها ؟"
"ممكن نعرف ازاي مفتعل مع العلم ان شركة لوتس هي اللي مصممها بكامل
ومالهاش اي علاقة من قريب او بعيد بميتسوبيشى"

يعنى هذا ما أشعر به عندما أنظر لسيارات ميتسوبيشى عموما و بروتون جين2, يعنى السبويلر الخلفى(لا أعرف ما المغزى من وضع سبويلر خلفى فى سيارة عائلية), تصميم السيارة ككل كأنه يصرخ فى وجهك "أنا سيارة رياضية بالعافية", هذا رأيى, انظر مثلا الى سيارة مثل الفولكس جولف أو فيات بونتو و سوف تشعر ببعض الطابع الرياضى "الهادىء" لو جاز التعبير, يعنى يشعرك أن السيارة "طلعت كده" من غير قصد.هذا ما كنت أعنيه.

"و الخيار بجد بقا صعب جدا لأني بحس ان في عربيات كتيرة مينفعش تتقارن ببعض اصلا و بيكون في ظلم لعربيات كتير جدا و احساسي بعدم المساواه و العداله بين السيارات لا من حيث الحجم عللى حضرتك بتقيم على اساسه و لا من حيث العربيات ككل و لا السعر و لا الاداء و لا حاجات كتير بصراحه"

شكرا على المجاملة الرقيقة.
مفيش طريقة أخرى أصنف بيها السيارات, يعنى مقدرش أصنف السيارات حسب السعة اللترية لأن ممكن تلاقى عربية متر فى متر و موتورها 2000 سىسى و عربية تانية سبعة متر و موترها 1600 سىسى, و مقدرش أصنفهم حسب السعر لأن فيه تفاوت كبير يعنى هتلاقى مثلا ان سعر اللادا قريب من سعر الماروتى و الألتو ازاى أقارن بين عربية صغيرة جدا زى الماروتى و بين عربية حجمها أكبر بكتير زى اللادا و يعدين ده التصنيف المعترف بيه عالميا يعنى هتلاقى كل شركة بتحاول تغطى كل التصنيفات دى : مينى, مينى كبيرة, عائلية صغيرة, عائلية متوسطة, عائلية كبيرة و مترفة, رياضية, سوبر رياضية, الخ.

اقتباس:

---

يعنى هذا ما أشعر به عندما أنظر لسيارات ميتسوبيشى عموما و بروتون جين2, يعنى السبويلر الخلفى(لا أعرف ما المغزى من وضع سبويلر خلفى فى سيارة عائلية), .

---

الجين 2 ليست بسيارة عائلية بل سيارة شبابية مثلها مثل الجولف والبونتو ومعروف ان فئة الشباب

يفضلون السيارة شكلها وهمي وتكون سريعة

اما تصميم السيارة فيرجع لشركة لوتس الانجليزية وهي التي صممت جين 2 اول
سيارة لبروتون بكامل من تصميم لوتس

وتصميم الماتور والشاشية وعفشة ....والخ..... بكامل من شركة لوتس ولا تدخل من اي شركة اخرى

ومعروف ان شركة لوتس بتصمم سيارت رياضة ولذلك طلعت الجين 2 بهذا الشكل الثوري

وللحق السيارة مع اشخاص كثيرين اعرفهم وكل واحد بيشوفها بينبهر بيها وبسرعتها وبدائها

ولا خلاف على موتور من تصميم شركة عريقة مثل لوتس

http://en.wikipedia.org/wiki/Proton_Gen-2

موضوع رائع ومميز

بس فى الاساس الحاكم الاساسى فى المساله هو السعر يعنى تحديد العربيه هو السعر
فبفضل وجه المقارنه يكون على اساس السعر علشان تكون المقارنه عادله

"الجين 2 ليست بسيارة عائلية بل سيارة شبابية مثلها مثل الجولف والبونتو ومعروف ان فئة الشباب

يفضلون السيارة شكلها وهمي وتكون سريعة

اما تصميم السيارة فيرجع لشركة لوتس الانجليزية وهي التي صممت جين 2 اول
سيارة لبروتون بكامل من تصميم لوتس

وتصميم الماتور والشاشية وعفشة ....والخ..... بكامل من شركة لوتس ولا تدخل من اي شركة اخرى

ومعروف ان شركة لوتس بتصمم سيارت رياضة ولذلك طلعت الجين 2 بهذا الشكل الثوري

وللحق السيارة مع اشخاص كثيرين اعرفهم وكل واحد بيشوفها بينبهر بيها وبسرعتها وبدائها

ولا خلاف على موتور من تصميم شركة عريقة مثل لوتس"

يا عزيزى انا لم أتكلم عن سرعة و أداء الجين2 و لن أتكلم عنه ببساطة لأننى لم أقدها, و أنا لم أعيب فى السيارة و لكننى فقد تحدثت عن شكلها (لأن هذا هو كل ما أعرفه عنها), و على فكرة قاعدة عجلاتها مأخوذة من ميتسوبيشى كما هو مكتوب فى الموقع, و لكن المحرك من لوتس على ما أظن, أما عن التصميم فشركة بروتون بالتأكيد هى التى تختاره و تضع خطوطه العريضة سواء أكان من لوتس أو من ميتسوبيشى أو من بروتون ذاتها, و فى النهاية هى المسئولة عنه, و عموما المسألة اختلاف أذواق, و خصوصا من جهة المظهر, و عموما حتى و ان كان الشكل من لوتس فهذا لا يعنى أنه فوق مستوى النقد.

يا اخ فادى العربية لا تمت بصلة للميتسوبيشى مفيش اى حاجة فيها ميتسوبيشى

اقتباس:

---

المشاركة الأصلية كتبت بواسطة fahd_628

يا اخ فادى العربية لا تمت بصلة للميتسوبيشى مفيش اى حاجة فيها ميتسوبيشى

---

غير كدة العربيه مش عائليه مظنش ان حد بينصح بيها كسيارة عائليه

مش عارف ازاي محطوطه كسيارة عائليه مع الكورولا و الامبريزا و الاسبرانزا و الاوبترا و اللانسر لو قولنا ان دول متقاربين في الاحجام نوعا ما

بصراحه يا استاذ فادي زي ما قولت لحضرتك سلسلة استفتاءاتك الاخيرة غير عادله بالمرة بين السيارات و الخيار بالنسبه للناس كلها هيكون صعب اوي اوي

و بعدين حضرتك شايف اننا هنا في مصر عربيه زي الكورولا مثلا تعتبر عائليه صغيرة؟؟؟!! يعني دي من وجهه نظرك في الاستفتاء ان دول اصغر عربيات عائليه؟؟؟؟؟؟؟؟؟؟؟؟؟؟؟؟ طيب اومال الشاهين دي ايه وضعها؟؟؟؟
اظن حضرتك لازم تعيد حساباتك في التمييز بين احجام السيارات دي و صالونها

انا شايف ان العربيه الوحيدة في العربيات دي اللى ينطبق عليها كلمه عائليه ((( صغيرة))) او اصغر عربيات عائليه في مصر هتكون الشاهين لأني شايفها من جوا ضيقه جدا لا تمت بصله للاسبرانزا مثلا او الامبريزا او الكورولا و لا حتى في حجم السيارات الشبابيه اللى حضرتك حاططها زي الجين تو
عموما خير و ربنا يسهل و الاستفتاء القادم يكون اكثر عدلا

مع احترامى الشديد ليك
انا مخترتش أى حاجه من دول لأنى شايف ان فى لخبطة فى الموديلات الى انت مخترها وفى حجات كتيرة من فئات مختلفة

"غير كدة العربيه مش عائليه مظنش ان حد بينصح بيها كسيارة عائليه

مش عارف ازاي محطوطه كسيارة عائليه مع الكورولا و الامبريزا و الاسبرانزا و الاوبترا و اللانسر لو قولنا ان دول متقاربين في الاحجام نوعا ما

بصراحه يا استاذ فادي زي ما قولت لحضرتك سلسلة استفتاءاتك الاخيرة غير عادله بالمرة بين السيارات و الخيار بالنسبه للناس كلها هيكون صعب اوي اوي

و بعدين حضرتك شايف اننا هنا في مصر عربيه زي الكورولا مثلا تعتبر عائليه صغيرة؟؟؟!! يعني دي من وجهه نظرك في الاستفتاء ان دول اصغر عربيات عائليه؟؟؟؟؟؟؟؟؟؟؟؟؟؟؟؟ طيب اومال الشاهين دي ايه وضعها؟؟؟؟
اظن حضرتك لازم تعيد حساباتك في التمييز بين احجام السيارات دي و صالونها

انا شايف ان العربيه الوحيدة في العربيات دي اللى ينطبق عليها كلمه عائليه ((( صغيرة))) او اصغر عربيات عائليه في مصر هتكون الشاهين لأني شايفها من جوا ضيقه جدا لا تمت بصله للاسبرانزا مثلا او الامبريزا او الكورولا و لا حتى في حجم السيارات الشبابيه اللى حضرتك حاططها زي الجين تو
عموما خير و ربنا يسهل و الاستفتاء القادم يكون اكثر عدل"

بالنسبة للشاهين فهى مبنية على ال131, و هى مصنفة رسميا كسيارة عائلية صغيرة من نفس فئة الكورولا و اللانسر, و لا يمكن تصنيفها على أنها سيارة صغيرة مثلا, أنا أتبعت تصنيف السيارة الرسمى أما موضوع حجمها الداخلى الفعلى, فهو يدخل فى اطار المقارنة و احدى عوامل تحديد السيارة الفائزة.
بالنسبة للجين 2 فتصنيفها الرسمى أيضا سيارة عائلية صغيرة , و ليس هناك فئة اسمها "سيارة شبابية", و لا يمكن وضعها مع السيارات الرياضية لأن السيارة الرياضية يجب أن تحتوى على مواصفات معينة مثل التسارع فى أقل من 6 ثوانى و أن تكون ببابين فقط.

يا استاذ فادي انا معرفش انت جبت منين انها عربية عائلية ده حتى بمجرد النظر لاي صورة هتشوفها عربية هاتش باك

وده لينك بيقول الكلام ده

http://www.whatcar.co.uk/car-review-summary.aspx?NEW_USED=1&MA_TYPE=1&MA=32&RT=688&Sub mit1=GO

جــــــولف

تويوتا كورولا.....طبعا

"يا استاذ فادي انا معرفش انت جبت منين انها عربية عائلية ده حتى بمجرد النظر لاي صورة هتشوفها عربية هاتش باك

وده لينك بيقول الكلام"

يا أستاذ باور هى فعلا هاتشباك لكن ده ميمنعش انها مصنفة عربية عائلية, العربية العائلية ممكن تكون هاتشباك أو سيدان ده تصنيف جسم السيارة, أما الفئة فده على أساس الحجم, و لو فتحت اللينك على الويكيبديا هتلاقى تصنيفها الأمريكي "كومباكت" و دى الى بتقابل "عائلية صغيرة" فى التصنيف الأوروبى.
http://en.wikipedia.org/wiki/Proton_Gen-2

انتو ازاى بتقارنو الجولف مع لادا 2107
حلوة دى والله

هذا الإستطلاع غريب شوية
فيه عربيات مش زي بعضها خالص
يعني التويوتا كورولا سيارة عائليةو معاها الأوبترا و الأسبرانزا و اللانسر القديمة
و لكن الجين 2 و الجولف و و الإمبريز او اللانسر الجديدة اللي هي سمكة القرش سيارات رياضية
و الشاهين و اللادا سيارات عتيقة :D ;) :D
و طبعا الأستطلاع ده فيه ظلم لكل العربيات الموجودة فيه

و طبعا كلامي ده طبقا لكلام السوق و شكل العربيات و ادائها

و شكرا يا أستاذ فادي على الموضوع على أي حال

"هذا الإستطلاع غريب شوية
فيه عربيات مش زي بعضها خالص
يعني التويوتا كورولا سيارة عائليةو معاها الأوبترا و الأسبرانزا و اللانسر القديمة
و لكن الجين 2 و الجولف و و الإمبريز او اللانسر الجديدة اللي هي سمكة القرش سيارات رياضية
و الشاهين و اللادا سيارات عتيقة
و طبعا الأستطلاع ده فيه ظلم لكل العربيات الموجودة فيه

و طبعا كلامي ده طبقا لكلام السوق و شكل العربيات و ادائها

و شكرا يا أستاذ فادي على الموضوع على أي حال "

شكرا يا توت أنا فعلا معاك انو السيارات ديه مش خيارات متشابهة, بس هم من نفس الفئة, و ده التصنيف المعتمد فى معظم الاستطلاعات التى تقيمها مجلات السيارات بيصنفوا السيارات بحسب الحجم مش السعر و لا الشكل و لا الطابع(رياضى, عائلى), انما الحجم الذى يحدد الفئة الرسمية للسيارة.

اقتباس:

---

المشاركة الأصلية كتبت بواسطة فادى

"هذا الإستطلاع غريب شوية
فيه عربيات مش زي بعضها خالص
يعني التويوتا كورولا سيارة عائليةو معاها الأوبترا و الأسبرانزا و اللانسر القديمة
و لكن الجين 2 و الجولف و و الإمبريز او اللانسر الجديدة اللي هي سمكة القرش سيارات رياضية
و الشاهين و اللادا سيارات عتيقة
و طبعا الأستطلاع ده فيه ظلم لكل العربيات الموجودة فيه

و طبعا كلامي ده طبقا لكلام السوق و شكل العربيات و ادائها

و شكرا يا أستاذ فادي على الموضوع على أي حال "

شكرا يا توت أنا فعلا معاك انو السيارات ديه مش خيارات متشابهة, بس هم من نفس الفئة, و ده التصنيف المعتمد فى معظم الاستطلاعات التى تقيمها مجلات السيارات بيصنفوا السيارات بحسب الحجم مش السعر و لا الشكل و لا الطابع(رياضى, عائلى), انما الحجم الذى يحدد الفئة الرسمية للسيارة.

---

يعنى المجلات بتقارن بين الجولف الى 180000 وال اللادا الى ب:rolleyes::rolleyes:40000