الافيو اتخبطت و الحمد لله

**joe_techno** · 22-12-2010 11:39 PM

امبارح كنت نازل من علي الكوبري في صلاح سالم والطريق واقف فبفرمل ( عادي جدا مضربتش فرامل جامد ) و اذا بواحد ........ الله يسامحه بقي راكب كورولا دخل في الشنطة من ورا نزلت لقيت الاضرار كالاتي :
الاكصدام دخل لجوه خالص من ناحية اليمين و اتكسر كسرتين ( انا افتكرتو مينفعش تاني )
الشاسيه الفيبر الي ورا الاكصدام نزل حتت
الشنطه من تحت دخلت لجوة و لما فتحتها مقفلتش تاني
طبعا الحمد لله علي كل حال و نشكر ربنا علي انها جت علي قد كدة
بس ما اثار دهشتي و غضبي في نفس ذات الوقت
اني العربية اللي بهدلتني دي مافيهاش خدش
اني النهاردة لما روحت سألت علي الشاسية الفيبر الورق ده اللي نزل ملح لقيته ب 395 جنية ( امال لو كان ناشف شوية كان بقي بكام ؟؟؟
المهم انا قلت اكتب لحضراتكوا الموضوع ده عشان كل شيفرولاوي يخلي بالو كويس اوي من عربيته و يعرف انها مش حمل خبطة و ربنا يحافظ عليكوا و يكفيكوا شر الحوادث

**ecybrarian** · 23-12-2010 12:44 AM

قدر الله وماشاء فعل..إن شاء الله العربية ترجع زي الأول

**fawzyyyy** · 23-12-2010 01:09 AM

قدر الله و ما شاء فعل

معلش انا بردو من شهرين اتخبط من ورا و كمان و انا واقف في الاشارة و وصلت للشاسيه

الحمد لله علي كل شئ و ان شاء الله ترجع زي الاول

**M.Yahia** · 23-12-2010 01:44 AM

قدر الله و ما شاء فعل الحمد لله انها جت فى الحديد و ان حضرتك بخير و ان شاء الله ترجع احسن من الاول و مين عارف مش يمكن الحادثة دى شالت عنك مصيبة اكبر .......مرة تانية الف سلامة و متزعلش نفسك

**Bassem Raafat** · 23-12-2010 07:49 AM

فداك يا باشا ، والحمد لله إنا جت على قد كده .

**أشرف العدوي** · 23-12-2010 09:04 AM

هو حضرتك سألت على الأسعار فين
أصل كدة كتير قوي
ممكن تسأل عند المنير في أول فيصل
او عند أبو الحسن في بين السرايات
او ممكن ابعتلك رقم حد صاحبي عنده محل قطع غيار على الخاص تسألوا بردو
و ان شاء الله مش هتبقى مكلفة

**aymanmaly** · 23-12-2010 12:55 PM

الحمد لله على سلامتك
و فداك المهم انت كويس
طبعا انت عارف اننا فى مصر بنعانى من الخبطات كل شوية بسبب و بدون سبب حتى و انت راكن العربية
على العموم قدر اللة ما شاء فعل
بس لية انت ما تحولش عند حد بتاع فايبر يلحملك الحجات دى و اكيد التكلفة هاتكون اقل بكثير من شراء جديد ؟
و طبعا فية ناس بتوع فايبر فى الحرفين محترمين
و بالتوفيق فى القرار السليم

**joe_techno** · 23-12-2010 10:02 PM

استاذ اشرف الف شكر علي مساعدتك
استاذ ايمن الله يسلمك هو انا فعلا روحت لواحد بتاع فيبر و هيصلحلي الاكصدام بس هياخد 200 جنيه لانه كان متبهدل اوي وهو كان في اكصدام تايواني ب220 برده بس انا مردتش اجيبه قولت اصلح الاصلي احسن لانه اكيد احسن من التايواني
بس الاسعار اللي انا كتبتها دي للشاسيه الفيبر اللي ورا الاكصدام و هو دا اللي الاصلي منه ب395 جنيه و ده طبعا اتكسر حتت من الخبطه فمينفعش يتصلح

**mhmdalsaadany** · 24-12-2010 05:03 AM

ربنا يعوض عليك وقدر الله وما شاء فعل متزعلش نفسك بس نصيحه لو هتدفع المبلغ دا في تصليح الكصدام يبقى تغيره احسن عشان لما بتكسر ويتلحم اي حد يريح علي العربيه بيتكسر تاني بسهوله جدا جدا حتى لو كانت خبطه كوره عن تجربه حاول تجيب اكصدام استيراد او استثماري هيكون افضلك ان شاء الله

الموضوع: الافيو اتخبطت و الحمد لله

LinkBack

أدوات الموضوع

عرض

-

-

-

-

-

-

المواضيع المتشابهه

الياريس اتخبطت ! الحمد لله

العربيه اتخبطت (بس الحمد لله)

الحمد لله العربيه اتخبطت

عربيتي اتخبطت ..... الحمد لله :((

الحمد لله ....اتخبطت

الكلمات الدلالية لهذا الموضوع

المفضلات

المفضلات

ضوابط المشاركة