وش سلندر لانوس 2 موديل 2001

**bravehorse** · 23-12-2010 12:04 AM

السلام عليكم

من حوالى سنه كده جوان الفرن عندى ضرب ورحت اغيره لقيت بتاع الشكمانات بيقولى ان فى مسمار من بتوع الفرن انكسر فى قلب الماتور وده محتاج خراط ولازم ميكانيكى يحل الماتور

المهم قلتله شفلى حل مؤقت كده

بتاع الشكمان حاول مع مسمار الفرن لكن كل محاولاته فشلت ,,, كان بيحاول يلحم مسمار فى المسمار المكسور بلحام الكهربا لكن المسمار المكسور كان افش

المهم بتاع الشكمانات قالى هركبلك اتنين جوان عشان الصوت لحد ما تحل الماتور

امبارح رحت للميكانيكى وحليت وش السلندر

المفاجاه

ان السخنيه تقريبا اثرت على وش السلندر مكان المسمار الكان مكسور والخراط قال مش هينفع المسمار ده انه يطلع لانه افش ولو طلع مكانه مقفع وده الامونيوم مش هينفع يتعمل فيه حاجه والميكانيكى قالى لازم نجيب وش استيراد ,,, رحت جبت وش سلندر استيراد عمل 350 جنيه وجوان وش سلندر وجوان فرن وجوان منفله وطقم بوجيهات بحوالى 80 جنيه والميكانيكى اخد 200 جنيه مصنعيه

هل الاسعار دى كويسه ولا كتيره ؟ وهل فعلا المسمار الكان مكسور ده يخلى سخنية الفرن تقفع وش السلندر مكانه كده ؟

**mely** · 23-12-2010 06:59 AM

كل الكلام الى قلته يحتمل الصواب بنسبه كبيره ومقبول لان تسريب العادم هيسرب العادم بدرجة حراره عاليه وممكن من محاولات الحام فى الجزء المكسور برضه يقفع وش السلندر
بخصوص الاسعار مناسبه بس 200 مصنعيه عندنا فى طنطا تبقى كتير قوى قوى قوى يعنى الضعف

**Shiref_mohamed** · 23-12-2010 09:08 AM

المشاركة الأصلية كتبت بواسطة bravehorse

السلام عليكم

من حوالى سنه كده جوان الفرن عندى ضرب ورحت اغيره لقيت بتاع الشكمانات بيقولى ان فى مسمار من بتوع الفرن انكسر فى قلب الماتور وده محتاج خراط ولازم ميكانيكى يحل الماتور

المهم قلتله شفلى حل مؤقت كده

بتاع الشكمان حاول مع مسمار الفرن لكن كل محاولاته فشلت ,,, كان بيحاول يلحم مسمار فى المسمار المكسور بلحام الكهربا لكن المسمار المكسور كان افش

المهم بتاع الشكمانات قالى هركبلك اتنين جوان عشان الصوت لحد ما تحل الماتور

امبارح رحت للميكانيكى وحليت وش السلندر

المفاجاه

ان السخنيه تقريبا اثرت على وش السلندر مكان المسمار الكان مكسور والخراط قال مش هينفع المسمار ده انه يطلع لانه افش ولو طلع مكانه مقفع وده الامونيوم مش هينفع يتعمل فيه حاجه والميكانيكى قالى لازم نجيب وش استيراد ,,, رحت جبت وش سلندر استيراد عمل 350 جنيه وجوان وش سلندر وجوان فرن وجوان منفله وطقم بوجيهات بحوالى 80 جنيه والميكانيكى اخد 200 جنيه مصنعيه

هل الاسعار دى كويسه ولا كتيره ؟ وهل فعلا المسمار الكان مكسور ده يخلى سخنية الفرن تقفع وش السلندر مكانه كده ؟

الوش ابو 350 جنيه ده وش لوحده كده من غير مشتملاته ( بيت الكامة وعمود الكامة والكستبانات وغطا التاكيهات والفرن والمانيفولد ) وهل ركبته على طول ولا عملت روديه للصبابات ؟

**bravehorse** · 23-12-2010 09:35 PM

المشاركة الأصلية كتبت بواسطة shiref_mohamed

الوش ابو 350 جنيه ده وش لوحده كده من غير مشتملاته ( بيت الكامة وعمود الكامة والكستبانات وغطا التاكيهات والفرن والمانيفولد ) وهل ركبته على طول ولا عملت روديه للصبابات ؟

الوش لوحده من غير حاجه

وركبه علطول بعد ما غسله بالبنزين والهوا