تقرير بسيط بعد المقاسات الجديدة لكاوتش الصني 36 و 33

**SonaSteel** · 24-12-2010 10:21 PM

المشاركة الأصلية كتبت بواسطة ahmed.tv

حسين باشا وحشنى جدااا
بصراحة انت من الناس المحترمة جداااااااااااااااااااا وانسان اصيل بجد يا حسين ويشرفنى صداقتى ليك جدا

متشكر على اتصالك الدائم بى للاطمئنان عليه وعلى والدتى , بصراحة انا مش عارف اقولك ايه واعمل معاك ايه

ربنا يديم المحبة بينا على طول ,

بصى يا باشا ابعد عن الوسوسة وكلام الناس , انت عارف على رائ جورج وسوف , لابيقدم ولا بياخر ,
كلام الناس والفتى اللى بيفتوه , هو اللى بيولع الدنيا

حط نيتروجين والعربية حتلاقيه معاك افضل فى كل شى

وبخصوص الهواء ياريت لو عاوز تظبط هواء صح يبقا فى بريدج ستون او فى بنزينة محترمة زى الامارات لانهم عندهم كمبيوتر ديجتال

وفى موضوعات كتيرة اوى فى المنتدى اعمل عليها بحث واقراء عن النيتروجين

وان شاء الله اشوفك قريب يا باشا

ربنا يبارك في عمرك يا حبيبي في الله ...... وربنا يعزك وانا والله اللي يشرفني صداقتك واخوتك ليا ... يارب اشوفك بكل خير يارب العالمين
عندك حق ... كلام الناس بغير علم ... أضلوا ويضلوا ... حسبي الله ونعم الوكيل
المهم وانا مروح عديت علي بريدجستون اللي في عمارات العبور وقلت للعامل عايز املي نيتروجين قالي العربية اللي جوة تتطلع وحضرتك تدخل مكانه .... المهم دخلت 3 عمال وقفوا جنب العربية واحد كان ماسك الخرطوم عند الكاوتش والتاني كان تقريبا بيفتح النيتروجين ... والتالت (مش فاكر كان بيعمل ايه مخدش بالي

ههههه )
فقلت للاول عايز اظبط قدام علي (36) والوراء علي (33) ...... قالي مين اللي قالك كده ياباشا ... قلتله مكتوب علي قايم العربية ... وانا بكلمه واحد شافه ... وهو راح يتأكد لقاه فعلا 36,33 ....... قالي ايه اللي يتغير تقلت يعني ولا ايه
قلتله والله معرفش ... بس القايم مكتوب عليه وكان في ورقة تحذير باتباع ضغط الاطارات المكتوب علي القايم
المهم ظبطه وقالي لو حسيت العفشة ناشفة تبقي تعالي اظبط الضغط تاني ... قلتله ان شاء الله
وكان معايا الافيزات البلاستيك ديه علشان اربط بيهم الطاسات ... خليتهم يعمولهالي .... والحمد لله دفعت وادوني فاتورة
الاختلافات اللي حسيت بيها :
1-ماشاء الله الارض مش حاسس بيها خالص زي الاول
2-حاسس ان الباور تقل سنة.
3- العربية لسه فيها حدفة سنه شمال .. وديه شكلها عايز ظبط زوايا.
....... والنهارده اول مرة اركن في الشارع ... ملاقيتش المكان اللي بركن فيه كل يوم .... المكان كنت فاكرة كبير ووقفت الشارع كله ...... هههههه العربية كبيرة ماشاء الله (البولو اللي كانت معايا ديه كانت ميدالية ... هههههه )
في سؤالين كده علي الماشي :
1- حاسس ان صوت العربية علي عن الاول .... معرفش تهيأت ديه ولا ايه؟؟
2-انا عصب عني كنت بفرمل بس مش مرة واحده ... بس يعني هه جامد شويه .... ده في غلط كبير علي الطنابير
بس كده ... تعبتكوا معايا النهارده ............ وانا هاخش انام بقي لحسن كان يوووووووووم طوووووويل اوي

السلام عليكم
وان شاء الله اشوفك يابو حميد عن قريب وربنا يعينك علي المهرجان ده ... وتخلص علي خير

**mohamedbook** · 27-12-2010 06:51 AM

استاذ حسين الف الف مبروك علي السيارة الجديدة
هي حية متاخرة شوية بس والله كنت مشغول جدا ومكنتش بخش علي النت من حوالي شهرين تقريبا
بس الي عرفتوا ان استاذ احمد مصطفي قام بالواجب وزيادة وهو فعلا اهل لية
اخوك محمد فوزي

**SonaSteel** · 27-12-2010 10:04 AM

المشاركة الأصلية كتبت بواسطة mohamedbook

استاذ حسين الف الف مبروك علي السيارة الجديدة
هي حية متاخرة شوية بس والله كنت مشغول جدا ومكنتش بخش علي النت من حوالي شهرين تقريبا
بس الي عرفتوا ان استاذ احمد مصطفي قام بالواجب وزيادة وهو فعلا اهل لية
اخوك محمد فوزي

الله يبارك في عمرك يا ا/محمد ............ بصراحة ربنا يكرمك علي وقوفك جنبي من اول ما فكرت في الصني حضرتك بعتلي نمرتك وكمان كلمتلي مودرن والسبع علشان تجيبلي سعر حلو فيها . .... وكنت معايا علي طول
وترجع بالسلامة ان شاء الله ........... والف حمد لله علي السلامة رجوعك المنتدي تاني
بصراحة انا مهما شكرتكم حضرتك وا/احمد مصطفي ود/ أمير(وباقي الاعضاء المحترمين) ................... والله والله مش هاوفيكم حقكم :b4_007::b4_007:
ربنا مايحرمني منكم ........ وربنا يديم المعروف دايما يارب واشوفكم بكل خير