تقرير بسيط بعد المقاسات الجديدة لكاوتش الصني 36 و 33

**Bishoy.Girgis** · 23-12-2010 12:56 AM

احبائي اعضاء قسم نيسان

انا عربيتي صني موديل 2009 و عاملة 20000 كيلو و EX-salon أوتوماتيك
النهاردة روحت عند بتاع الكاوتش و عملت المقاسات الجديدة اللي نازلة في الصني 2011
و المقاسات هي 36 قدام و 33 خلف

النتائج :-

- الدركسيون اخف بشكل ملحوظ جدا
- العربية ثابتة تماما يعني الدركسيون مش بيلف يمين او شمال
- العفشة اصبحت انعم في المطبات مع اني المفروض اني زودت يعني المفروض تكون اجمد لكن اصبحت انعم

مفيش اي حاجه تانية ملحوظة

**sedyrohy** · 23-12-2010 01:17 AM

خلي بالك يا بيشوي زياده ضغط الاطارات يزيد من عوامل تلف الكاوتش و اعوجاجه
انا كونت نازل اظبت نايتروجين على المقاسات القديمه ياريت بشمهندس احمد او بشمهندس سبعاوي يفيدونا في موضوع زياده ضغط الاطارات

**Bishoy.Girgis** · 23-12-2010 01:25 AM

هو اعتقادي الوحيد في المقاسات الجديدة هو ان ممكن يكون نيسان حب يظبط مع بريدجستون عشان نشوفية العفشة فاتفقوا علي المقاسات الجديدة و ان ده مش هيأثر علي الكاوتش
لأن حضرتك مفيش اي اختلافات بين موديلات 2009 و 2010 و 2011 عشان يكون في تأثير في تغير المقاسات ديه بالنسبة للموديلات السابقة

**sedyrohy** · 23-12-2010 01:27 AM

يعني اظبت عربيتي ال 2007 على المقاسات دي انا حظبتها نيتروجين

**Bishoy.Girgis** · 23-12-2010 01:32 AM

حبيبي المهم انت الكاوتش الاول عامل كام كيلو ؟؟ و هل هو بريدجستون ياباني ؟

**sedyrohy** · 23-12-2010 01:34 AM

المشاركة الأصلية كتبت بواسطة peaceman

حبيبي المهم انت الكاوتش الاول عامل كام كيلو ؟؟ و هل هو بريدجستون ياباني ؟

بريجستون ياباني عامل 11 الف كيلو

**Bishoy.Girgis** · 23-12-2010 01:50 AM

100% يبقي اعمل المقاسات الجديدة و اكتب تقريرك فورا يا باشا

**Ahmed.TV** · 24-12-2010 04:40 PM

طبعا انا حصلى الشرف انى سوقت عرببة حسين زملينا اول ما استملها من المعرض على خير

وزود بالمقاسات الجديدة وفعلا الدريكسيون كان خفيف
بالمقارنة بعربية محمد فوزى اللى سوقتها قبل كدا وكان مظبطها على المقاسات القديمة وكان الدريكسيون تقيل عنده فعلا

بريدج ستون مالهاش دعوة بالقصص دى , هى بتعطى الكاوتش للمصنع والمصنع بيحط المقاسات وهو المسئول على الموضوع ده

وجارى لسه السؤال باحد المهندسين بداخل مصنع نيسان لمعرفة السبب , وهل القديم يظبط زى الجديد ولالا

**SonaSteel** · 24-12-2010 05:11 PM

المشاركة الأصلية كتبت بواسطة ahmed.tv

طبعا انا حصلى الشرف انى سوقت عرببة حسين زملينا اول ما استملها من المعرض على خير

وزود بالمقاسات الجديدة وفعلا الدريكسيون كان خفيف
بالمقارنة بعربية محمد فوزى اللى سوقتها قبل كدا وكان مظبطها على المقاسات القديمة وكان الدريكسيون تقيل عنده فعلا

بريدج ستون مالهاش دعوة بالقصص دى , هى بتعطى الكاوتش للمصنع والمصنع بيحط المقاسات وهو المسئول على الموضوع ده

وجارى لسه السؤال باحد المهندسين بداخل مصنع نيسان لمعرفة السبب , وهل القديم يظبط زى الجديد ولالا

الله يبارك في عمرك يابو حمييد انا يابني اللي زدت شرف والعربية طبعا ... والحمد لله انك اول واحد تحط رجلك فيها
جزاك الله خير ... انا كنت عارف انك مش موجود علشان كده مكنتش عارف اشكرك ..... ربنا يجزيك خير يارب
امبارح في حصي صغير كده دخل في نقشة الكاوتش .... روحت لبتاع الكاوتش يشيلهولي وقلتله يظبط الهوا 36 قدام و33 ورا
المهم لقيته بيهوي من العجل شويه قدام وورا .... بسأله ليه هو كان مظبوط علي كام .... قالي ظابطلك ورا وقدام علي( 50 )

المهم خلص ... بجرب العربية الباور تفريبا زي ماهو ... بس صوت العربية بقي هادي علي الارض عن الاول
بس برده مش مستريح ..... انا النهارده اتصلت ببريدجستون علشان اسأل عن النيتروجين وموضوع انه بيخفف الصمات في المطبات عن الهوا
كان رد المسئول ليا .... "ان النيتروجين غاز خامل وفايدته انه مابيسخنش زي الهوا فالضغط بتاع الهوا جوه الكاوتش مش بيزيد فطبعا العربية بتقي هادية عن الارض وبتاخد المطبات مستريحة"
سألته لو انا محتاجه دلوقتي ولا خليني بالهوا ... "قالي انت مش هاتحس بالفرق اوي في الشتا ... لكن في الصيف بيفرق ... ممكن تمشي بيها بالهوا بس تشيك كل فترة علي ضغط الكاوتش وهي هتريحك وهاتخدم معاك في المطبات وفي المشي"
انا ممكن بس اروح اعملها نيتروجين بس علشان اطمن علي ضغط الكاوتش...!!!
سؤال قريته علي المنتدي بس للاسف لسه محدش رد............
احد الاعضاء سئل ان الكاوتش النيتروجين لو فرقع بيولع _لاقدر الله _ لكن الكاوتش عادي ....... ده صحيح ؟؟

**Ahmed.TV** · 24-12-2010 09:29 PM

حسين باشا وحشنى جدااا
بصراحة انت من الناس المحترمة جداااااااااااااااااااا وانسان اصيل بجد يا حسين ويشرفنى صداقتى ليك جدا

متشكر على اتصالك الدائم بى للاطمئنان عليه وعلى والدتى , بصراحة انا مش عارف اقولك ايه واعمل معاك ايه

ربنا يديم المحبة بينا على طول ,

بصى يا باشا ابعد عن الوسوسة وكلام الناس , انت عارف على رائ جورج وسوف , لابيقدم ولا بياخر ,
كلام الناس والفتى اللى بيفتوه , هو اللى بيولع الدنيا

حط نيتروجين والعربية حتلاقيه معاك افضل فى كل شى

وبخصوص الهواء ياريت لو عاوز تظبط هواء صح يبقا فى بريدج ستون او فى بنزينة محترمة زى الامارات لانهم عندهم كمبيوتر ديجتال

وفى موضوعات كتيرة اوى فى المنتدى اعمل عليها بحث واقراء عن النيتروجين

وان شاء الله اشوفك قريب يا باشا

الموضوع: تقرير بسيط بعد المقاسات الجديدة لكاوتش الصني 36 و 33

LinkBack

أدوات الموضوع

عرض

تقرير بسيط بعد المقاسات الجديدة لكاوتش الصني 36 و 33 - انشر الموضوع فى :

-

-

-

-

-

-

-

-

-

المواضيع المتشابهه

الصني الجديدة والاكسنت رب

بعض الإستفسارات في الصني الجديدة

كاوتش الصني الجديدة

تقرير بسيط عن الصني وعن مركز خدمة السبع اوتوسرفس !!

سؤال بسيط جدا أي حد من مالكي الصني يستطيع الرد عليه

الكلمات الدلالية لهذا الموضوع

المفضلات

المفضلات

ضوابط المشاركة