العربيه بتنتش و بتطفي بعد تغير البوجيهات

**volk** · 23-12-2010 01:44 AM

مساء الخير يا جماعه

انهارده حصلتي مشكله غريبه

كنت واقف عند الميكانيكي مع واحد صاحبي لعربيه المهم قلت اغير البوجيهات نظافه

جبت نوع اسمه njk تقريبا ياباني ب 30 جنيه

المهم شلت القديمه لقيناها مرطبه المهم

بعد التركيب و مشي 5 كيلو بالظبط من الميكانيكي للبيت و انا ماشي لقيت العربيه طفت و مرضتش تشتغل المهم معرفش حصل ايه سبتها شويه لقيت العربيه اشتغلت

بعديها و انا ماشي لقيت العربيه بتنتش جامد

انا متئكد ان المشكله في البوجيهات الان المشكله حصلت من بعد اما غيرتها ياتري ايه المشكله يا جماعه الاني اتخنقت من التفكير

ملحوظه العربيه 128 موديل 90

شكرا جزيلا

**mohamed_e36** · 23-12-2010 02:49 AM

انا بيتهيأالي البوجيهات ملهاش دعوه تمم على السلوك اللي راكبه في البوجيهات والاسبراتير والبوبينه تمم على السلوك دي انها راكبه كويس في مكانها لانها ممكن تكون بتفصل مع المشي بالعربيه والاهتزاز

**camalino** · 23-12-2010 05:29 PM

غير الكوندنسر واتاكد من الوصلات غالبا هو الكوندنسر وتمنه مش غالي ب 8 جنيه

بنسبه 80 في الميه الكوندنسر ويستحسن تجيب الفرنساوي

**kantoosh** · 26-12-2010 12:33 AM

المشاركة الأصلية كتبت بواسطة smaalos

انا بيتهيأالي البوجيهات ملهاش دعوه تمم على السلوك اللي راكبه في البوجيهات والاسبراتير والبوبينه تمم على السلوك دي انها راكبه كويس في مكانها لانها ممكن تكون بتفصل مع المشي بالعربيه والاهتزاز

انا مع الراى ده لانه حصل معايا كده بالظبط واكتشفت بعد دوخه انى ما ركبتش السلك كويس وكمان لقيت بوجيه مش مربوط كويس وبيهرب

**ahmed2y** · 26-12-2010 12:49 PM

العربية قبل التركيب ماشىة كويس هل غيرت حاجة تانية ؟ على كلام لا بوجيهات بس يعنى معامل واحد الى اتغير يبقى خاليك وارة زى ما قال الشباب شيك على السلوك وشوف الدنيا ازاى لكن متغيرش حاجة تانى والبوجيهات النت جبتها دى نوعها كويس ngk كويسة وبعد ما تشيك على السلوك والحاجات دى لو مفيش فايدة ركب القديمة تانى لو مشيت كويس يبقى عيب بوجيهات