السلام عليكم و رحمه الله
انا يا جماعه محتار بين العربيات الاتلاته دول ( مش فارقه هاتش او سيدان) لكن انا بدور علي good value for Money
و مش عايز بعد شويه ينزل موديل جديد تروح بيه حلاوه العربيه يا تري تنصحوني بمين فيهم
عرض للطباعة
السلام عليكم و رحمه الله
انا يا جماعه محتار بين العربيات الاتلاته دول ( مش فارقه هاتش او سيدان) لكن انا بدور علي good value for Money
و مش عايز بعد شويه ينزل موديل جديد تروح بيه حلاوه العربيه يا تري تنصحوني بمين فيهم
ارخصهم قطع غيار el c4 والليون جامدة برضوا والسيفيك مبالغ فيها واغلاهم قطع غبار
أهلان بيك
أولا أستبعد ال c4 لان شكلها أتغير والشكل الجديد هينزل مصر 2012 أن شاء الله (أعتقد)
نيجى بقى للسيات والهوندا
الهوندا : موتور أقوى وسعر أعادة بيع أفضل
السيات : تكنولوجيا وأمكانيات أفضل وموتور جيد
للرد على سؤالك: قيمة جيدة مقابل المال
سيات ليون أفضل لان فيها أمكانيات وتكنولوجيا كتير قوى مش موجوده فى السيفيك الفئة دى
بالتوفيق ومبروك مقدمأ
السيفيك احسن بس سعرها مبالغ فيه كتير..
يعني عربية ب155,000 وطاسات وسماعات امامية فقط وسي دي اوديو دي رخمة اوي..
بس في المقابل موتور ممتاز 125 حصان وثبات خرافي..
لو بتحب الجري ومش فارق كماليات يبقى سيفيك (انا من عشاق السيفيك)
لو مش فارق معاك الموتور يبقى ليون:
موتور معقول جدا 102حصان فتيس اكثر من رائع dsg اوبشن حكاية شكل من احلى العربيات في مصر وطبع ثبات فولكس...
بصراحة السيتروين شكل ومكانيات تحفة
بس فيها عيوب..
التوكيل مش قد كده غير الانتشار وقطع الغيار..
اعادة البيع صفر(ممكن تجيبها مستعمل)
الحتة بتعت الكلاكس مش بتلف مع الدريكسيون ودي بالنسبالي رخمة اوييييي..
جيب ليون موتور جامد جدا وامكانيات جامدة
وبلاش سيفيك والموتور مش وحش والله انا معايا c4 مانيوال بعلم علي اي سيفيك جديدة في كل النقلات
وال c4 و الليون نفس الثبات و الهوندا اقل منهم بحاجة بسيطة وال c4 خليك في المستعمل