اتخنقت وارجو المساعده من اهل الخبره

**batestota_62** · 23-12-2010 02:32 AM

انا معايا فيكترا 95 2000سى سى المهم عندى شويه مشاكل وارجو المساعده

1 - فى حاجه غريبه بتحصل وانا ماشى انى بدوس على دوسة البنزين والعربية بتكون تقيله ومش عايزه تمشى ومره واحده القى العربية تروح نطه وخده اندفع جامدا جدا

2 - ساعات كتير اجى ادوس فرامل جامد احس ان العربية عايزه تبطل مش عارف ليه

3 - العربية ساعات كتير بحس انه بتتاخر فى الغيار والعربية

4 - عندى بردو حاجه غريبه جدا انى اشترى فى خلال سنتين بطاريتان علشان لما العربية مابخرجش بيها فى خلال يومين البطاريه تنام وبردو لسه نفس العيب موجود البطاريه بتنام
5 - اشترت 5 فراد كاوتش من شهر 3 وعندى فردتين عملوا عرق ومش عارف ايه السبب هل هو عيب صناعه ولا العيب عندى انا

اسف على الاطال واسف على كتر المشاكل وارجو الاهتمام والرد واسف على الازعاج

**lancerevolution** · 23-12-2010 06:05 AM

بالنسبة للبطارية فا شوف الكهربا كلها غالبا فى عوازل باظت و بتسرب كهربا أو نوع البطارية مش كويس
الكاوتش فا ممكن مش من مصدر موثوق أو أصلا جاى بايظ
اما باقى مشاكل الأوتوماتيك فا ما أفتكش فيها عشان انا ما ليش فيه

**bedo13** · 23-12-2010 07:34 PM

1-‏ بوجيهات , فلتر وطرمبة بنزين وبردو ممكن زيت الفتيس..
2-‏ ‏tps ‎او ايدل كونترول
3-‏ شوف زيت الفتيس..
4-‏ شوف العوازل زي ما lancerevolution ‎قال و غير كابلات البطارية وتقوية للارضي

**meika** · 23-12-2010 09:02 PM

استنا طنانى ملك ال 95

**tananybasha** · 23-12-2010 11:19 PM

يا باشا
مشاكل الفتيس دى كلها منحصره فى الزيت عشان تستريح
موضوع انك تيجى تدوس فرامل و العربية توطى و كأنها هتبطل
ماف
خرطوم هوا من بتوع السيرفو مش راكب مكانه
و ممكن الماف يعمل الخنقة الأولانية دى بس انت بتقول بتطلق بعد كده بس بتغير متأخر
يبقى شغل نضافة ماف بس

موضوع البطارية تنام ده معناه ان عندك حاجة بتسحب كهربا بالبلدى كده قفله فى العربية بتسرق كهربتها
و الشحن اخبارة ايه
لو الشحن تمام
يبقى لازم كهربائى يعيد على الضفيره و يشوف
انت مركب جهاز انذار او كاسيت خرج عالى
نوع البطارية ايه
حاجات كتير قوى

يعنى ايه عملوا عرق
شرخوا قصدك
يبقى عيب صناعه او ناشفين اوى على العربية زى الماكسيس
الفرده دى متمشيش معانا خالص
نوع الكاوتش ايه و مقاسه بعد اذنك

اخر صيانه فلاتر - زيوت - بوجيهات كانت امتى
و ايه العيوب اللى ظهرت بعدها

و لو ينفع بكرة تتصل بيا فى اى وقت ادردش معاك شوبه تحت امرك

**batestota_62** · 26-12-2010 03:43 AM

المشاركة الأصلية كتبت بواسطة batestota_62

الف الف شكرا يامحمد باشا العربية لسه اصلان مشدده سمكره ودوكو وكهرباء لو تفتكر انا اللى كلمتك اقبل العيد الصغير علشان تجبلى الكهرباء بتعك فاكر ولا لا
المهم انا فعلان كان عندى مشاكله فى زيت الفتيس وغيرت الزيت بزيت امارات مصر
موضوع الماف ده انا عايز اجيلك فى لانى على ادى شويه فى الفنيات دى ولانى كمان معرفش الخراطيم اللى حضرتك بتقول عليها حضرتك شوف اى يوم ينسبك واجيلك تفهمنى الدنيا ماشى ازاى
وكمان اوريك الكاوتش

معلش انا اسف على الازعاج
بس محتاج اهل الخبره واكون شاكر