الموضوع: تيدا يبانى ولا التيدا المكسيكى

المشاركة الأصلية كتبت بواسطة ahmed.tv

احنا قولنالك من البداية مجرد التفكير والمقارنة بين الصنى والتيدا فى السوق المصرى تفكير خاطى

من الناحية العملية والفلوس والبيع فى اقرب وقت الصنى تكسب

لكن من ناحية الركوبة , والراحة فى الصالون والقعدة فيه والخامات , وماتور قوى جدا , وعربية محترمة تقفليها ولو كان فى الصين حتى , فرق السماء والارض بينه وبين التقفيل المصرى ويستاهل ال15 الف الفرق

وتعالى فى مقابلة من مقابلات نيسان ونحط العربيتين جنب بعض وانا واريك فروقات كتيرة اوى واركب الاتنين وسوقهم , وحفرجك فرق ال15 الف دول يستاهلوا ولالا من ناحية اللى عاوز يركب للعمر ويغير بعد 15 سنة على الاقل

واللى فرجنى على الفرق ال15 الف واحد من ملاك الصنى كمان

وعلى فكرة قطع غيار التيدا العادية موجودة عند اى حد بردوا زى الصنى

وقطع الغيار التقيلة جدااا اللى بتتغير بعد سنين هى والتيدا مش حتلاقيها اللى فى التوكيل على فكرة

وعلى فكرة انا روحت كل المعارض والموزعين المعتمدين لنيسان ,وعديت على يونايتد وعلى السبع وعلى تو ايجبت , وخصوصا اتو ايجبت , بلاقى الناس هناك بتبيع العربية ومش بتقعد فى المخزن عندهم

وبصراحة افضل فريق تسويقى وموزع معتمد هما اتو ايجيبت , ومش انا اللى بقول دى نيسان , والدليل

اولا بيعطوا لاتو ايجيبت اكبر نسبة للسيارات نيسان عن السوق وباقى الموزعين , بحوالى 40% عشان اتو ايجبت عندهم اكبر نسبة مبيعات عموما لسيارات نيسان , وبالتالى بيتوافر عندهم خدمة بيع ممتازة وتسوقيه وبتلاقى العربية بسهولة اكتر عن اى موزع اخر

ثانيا نيسان بتختار فريق اتواجيبت دايما اللى بينزل فى المعارض الكبيرة زى فورميلا واتوماك

وعشان كدا انا بثق فى اتو ايجبت وبشوفهم بعينى وهما بيسوقوا سيارات نيسان بحرفية واقناع للعميل فى كل معارضهم

ولما حد بيجى بيسال على التيدا بيقنعوه , وخالى بالك اغلب المعارض الاخرى لما بتنصح بتنصح من الناحية العملية

وعلى فكرة انا واثق لو روحت مع اتو اجيبت حيعرفوا يقنعوك بالعربية مظبوط

فهى حرفة وفن تسويق مش اكتر

وفى النهاية , الصنى عربية ممتازة بردوا وسعر مقابل اداء

وربنا يوفقك للخير واختيار موفق

ولو احتجت التيدا عربيتى فى اى وقت موجودة يا باشا وتحت امرك ,

ويبقا عندك صنى وتيدا كمان

تحياتى واسف على الاطالة

[mark=#faf6ad]
موافق تماما تماما على هذا الكلام.. كلام مظبوط وفي السليم 100%
أنا اشتريت عربيتي تيدا 2009 في يناير 2010 من أوتو إيجيبت وأخدت عليها خصم محترم حوالي 10 آلاف.. وبرغم إن كنت متابع التيدا وعاوز أجيبها من 2007 يعني كنت مقتنع بيها تماما.. إلا إن هما فعلاً شاطرين جدا ومقنعين ومعاملتهم ممتازة.. وفعلا لو كنت رحتلهم كنت هاتخرج بالتيدا في جيبك.. قصدي في إيدك!
وفعلا فرق ال 15 ألف موجودين وقليلين كمان على الفروق.. في الراحة وسلاسة القيادة والفخامة والإمكانات الرفاهية (في حدود هذه الفئة)
لكن ده قرارك خصوصاً إن بعض الناس بتقول أحط 15 ألف كمان واجيب مثلاً لانوس أو سكودا موديل تسعينيات.. يعني انت وفرت نصف ثمن عربية تانية..
على كل حال ألف مبروك.. والصني طبعا مش محتاجة كلام ولا تعليق بعد ما بقت عربية الشعب.. يعني في شريحة المائة ألف أصبحت هي البريمو..
ربنا يعطيك خيرها ويكفيك شرها ويجعل مشاويرها دايما في الخير[/mark]