الموضوع: خنزيرة \ شمامة \ تمساحة

المشاركة الأصلية كتبت بواسطة vedodido

التمساحة هيا فعلا ال w126 والعربية دى صاحبة اطول فترة انتاج فى الاس كلاس فضلت تنتج 12 سنة من اول 1979 لحد 1991 وفى سنة واحد وتسعين نزلت الشبح اللى هيا w140 والتمساحة دى على ما سمعت وقرات لانى مركبتهاش فى الحقيقة انها مفخرة شركة مرسيدس وانها كانت متسمية من الشركة الام الاسفينة الالمانية وبصراحة فى كل قراتى عنها الكل بشيد بقوة موتورها وثباتها الرهيب وفيها شاسهين الاستندارد ودا بيبقى ال se والطويل بيبقى sel وحرف الــ ال بيبقى اختصار لــ لونج ويل بيس ودى صورتها


uploaded with imageshack.us

الله ينور علياك يا باشا انا اللي كنت اعرفه ان دي التمساحة و اكتشفت ان في ناس بتقول علي الw123 التمساحة بردو .......كلها اسماء
هيا طبعا العربية دي تحفة بجد كان مع والدي زمان 500sel و انا اتعلمت سواقة علي العربية دي طبعا دي موتور 8 سلندر و ثبات وراحة و كل حاجة دي... عربية تحفة بمعني الكلمة و صدقني كل اللي بيتقال عليها صح
انا دلوقتي معايا الموديل اللي قبل دي الw116 350se و انشاء الله اجيب ال450sel 6.9

المشاركة الأصلية كتبت بواسطة MBhead

الله ينور علياك يا باشا انا اللي كنت اعرفه ان دي التمساحة و اكتشفت ان في ناس بتقول علي الw123 التمساحة بردو .......كلها اسماء
هيا طبعا العربية دي تحفة بجد كان مع والدي زمان 500sel و انا اتعلمت سواقة علي العربية دي طبعا دي موتور 8 سلندر و ثبات وراحة و كل حاجة دي... عربية تحفة بمعني الكلمة و صدقني كل اللي بيتقال عليها صح
انا دلوقتي معايا الموديل اللي قبل دي الw116 350se و ان شاء الله اجيب ال450sel 6.9

وعليك يا باشا بس ال w123 مش تمساحة خالص الw123 معدلة دا اسم الشهرهة بتاعها هنا فى مصر المعدلة
والw116 اللى مع حضرتك دى بقها اسمها التمساح ابو شنب بس دى اخبرها ايه مع حضرتك اصلا قديمة اوى بس بامانة الواحد عنده دايما ثقة فى المرسيدس حتى لو كان قديم
اوى

المشاركة الأصلية كتبت بواسطة keko

كدا العملية ظهرت شوية انا قصدى على w123

معدلة يا باشا

المشاركة الأصلية كتبت بواسطة keko

ماهى دى اللى بسال لو قطع غيارها زى الخنزيرة ولا لا ال 123 مع 115

يا سيدى الفاضل دى عربية ودى عربية دى ليها حاجتها وقطع غيارها ودى ليها حاجتها بردو بس المعدلة احدث نسبيا فقطع غيارها متوفرة و مش غالية

المشاركة الأصلية كتبت بواسطة vedodido

وعليك يا باشا بس ال w123 مش تمساحة خالص الw123 معدلة دا اسم الشهرهة بتاعها هنا فى مصر المعدلة
والw116 اللى مع حضرتك دى بقها اسمها التمساح ابو شنب بس دى اخبرها ايه مع حضرتك اصلا قديمة اوى بس بامانة الواحد عنده دايما ثقة فى المرسيدس حتى لو كان قديم
اوى

مش كل W123 معدلة.. المعدلة دي من 81 ل 85 اما انتاج الW123 اصل من 76 ل 85 و سموها معدلة عشان التعديل في الفانوس القدام و الموتور الاسود ....و في ناس بتقول علي W123 اللي من 76 ل 81 عرجة
بس انا عارف ان الW126 اسمها التمساحة طول عمري بس في ناس بتقول عليها بودرة .....انا مش فاهم الاسماء دي علي اي اساس ما رقم الشاسيه و بلاش و جع دماغ
اما الW116 مش قديمة اوووي دي من 72 ل 80 دا انا كان معايا قبلها w114 280 موديل 1968و لما فكرت اغيرها قلت اجيب الw123 بس والدي قالي شوف بردو الw116 و قالي انها كانت في السنعينات وهم زي الW221 دلوقتي كده
المهم بعد مادورت لقيت w123 280E نفس موتور الW114 اللي كانت معايا اسمه M110 لقيت مافيش فرق كبير اد كده طبعا الصالون مختلف خالص اما الميكانيكا مش اوي الW123 انعم و اريح بس ماحسيتش باختلاف و في حاجة كمان ان موتور الw114 كان 185 حصان اما الW123 كان 177 حصان عشان في فرق الCR بس تقريبا نفس الاداء عشان وزن الW123 اقل من الW114 و قلت اشوف الW116 مش حخسر حاجة خصوصا ان انا كنت عارف ان ال450SEL 6.9 اسطورة السبيعنات ...المهم جربت ال450sel كانت من عندكو من المنصورة كانت نضيفة اوووي لونها اسود بتاعت دكتور جامعة تقريبا ...ركبتها لقتها عربية جميلة و غير الw114 و الw123 دخلت دماغي اوووي فاشتريت 350SE 79 واسعة و فخمة و مريحة و موتور قوي 8 سلندر و صاجها غبي شوية و في كماليات (اوتوماتك.سنتر.ازاز كهربا.مثبت سرعة.فتحة سقف كهربا.مرايه يمين كهربا.دافية كراسي قدام.فجائي بنزين)و الحمد لله كل حاجة شغالة و بكفاءة انا جبت العربية دي تاني يد(اصلا كانت هيئة سياسة) كانت مركونة 12 سنة شدتها بس صرفت كتير عليها و الحمد لله العربية زي الساعة بس هيا متتوصاش في البنزين حووووووت بس الموضوع دا انا عارفه و مش فارق معايا و الاهم ان انا بستمتع جدا و انا ركبها. كمان مش منتشرة اد كده
انا هاوي العربيات الكلاسيك و خصوصا المرسيدس الكلاسيك و ان شاء الله لو لقيت 6.9 حجبها ياما اضطر اشوف عربية امريكاني كده و لا جاجوار سبيعنات و اجبها
و اسف علي الاطالة

المشاركة الأصلية كتبت بواسطة MBhead

مش كل W123 معدلة.. المعدلة دي من 81 ل 85 اما انتاج الW123 اصل من 76 ل 85 و سموها معدلة عشان التعديل في الفانوس القدام و الموتور الاسود ....و في ناس بتقول علي W123 اللي من 76 ل 81 عرجة
كلام حضرتك مظبوط بس دا كان ايمها انما دلوقتى العاطل دخل فى الباطل وبأت كلها معدلة
بس انا عارف ان الW126 اسمها التمساحة طول عمري بس في ناس بتقول عليها بودرة
وهيا اسعارها ايه فى الفترة دى ؟؟
.....انا مش فاهم الاسماء دي علي اي اساس ما رقم الشاسيه و بلاش و جع دماغ
مش كل الناس فى مستوى ثقافى واحد ولا كل اللى بيركبوا العربيات بيهتموا يعرفوا تفاصيلها

اما الW116 مش قديمة اوووي دي من 72 ل 80 دا انا كان معايا قبلها w114 280 موديل 1968و لما فكرت اغيرها قلت اجيب الw123 بس والدي قالي شوف بردو الw116 و قالي انها كانت في السنعينات وهم زي الW221 دلوقتي كده
المهم بعد مادورت لقيت w123 280E نفس موتور الW114 اللي كانت معايا اسمه M110 لقيت مافيش فرق كبير اد كده طبعا الصالون مختلف خالص اما الميكانيكا مش اوي الW123 انعم و اريح بس ماحسيتش باختلاف و في حاجة كمان ان موتور الw114 كان 185 حصان اما الW123 كان 177 حصان عشان في فرق الCR بس تقريبا نفس الاداء عشان وزن الW123 اقل من الW114 و قلت اشوف الW116 مش حخسر حاجة خصوصا ان انا كنت عارف ان ال450SEL 6.9 اسطورة السبيعنات
استفسار بسيط بقى عن الحتة دى ايه ال 6.9 دى مش مش هيا 450 المفروض انها تبقى 4500سى سى ولا ال6.9 دى مالهاش دعوة بالمكنة خالص
...المهم جربت ال450sel كانت من عندكو من المنصورة كانت نضيفة اوووي لونها اسود بتاعت دكتور جامعة تقريبا ...ركبتها لقتها عربية جميلة و غير الw114 و الw123 دخلت دماغي اوووي فاشتريت 350SE 79 واسعة و فخمة و مريحة و موتور قوي 8 سلندر و صاجها غبي شوية و في كماليات (اوتوماتك.سنتر.ازاز كهربا.مثبت سرعة.فتحة سقف كهربا.مرايه يمين كهربا.دافية كراسي قدام.فجائي بنزين)و الحمد لله كل حاجة شغالة و بكفاءة انا جبت العربية دي تاني يد(اصلا كانت هيئة سياسة) كانت مركونة 12 سنة شدتها بس صرفت كتير عليها و الحمد لله العربية زي الساعة بس هيا متتوصاش في البنزين حووووووت بس الموضوع دا انا عارفه و مش فارق معايا و الاهم ان انا بستمتع جدا و انا ركبها. كمان مش منتشرة اد كده
انا هاوي العربيات الكلاسيك و خصوصا المرسيدس الكلاسيك و ان شاء الله لو لقيت 6.9 حجبها ياما اضطر اشوف عربية امريكاني كده و لا جاجوار سبيعنات و اجبها
و اسف علي الاطالة
ولا اسف ولا حاجة دا الواحد بيتشرف انه بيتكلم مع ناس فاهمه زى حضرتك
وتقبل تحياتى