الموضوع: خنزيرة \ شمامة \ تمساحة

المشاركة الأصلية كتبت بواسطة keko

'يب يا جماعة اسف على الاطالة بس ممكن امثلة كتييييير فى اسعار قطع الغيار جديد واستعمال للمرسيدس w115 و w123
ولكم خالص الشكر

بس يا افندم هيا قطع الغيار رخيصة لووووي بس مقدرش احدد بكام
بما ان حضرتك من اسكدرية في واحد في رشدي ابو قير عند بنزينة الغاز كده اسمه عبد المنعم سلطان الراجل دا شغال في المرسيدس من زمان اسال عندو كده او روح الفارهدة حتلاقي قطع غيار استراد بتاعت مرسيدس ممكن تجمع عربية و انت ماشي اسال كده و خد فكرة

السلام عليكم و رحمة الله و بركاته

و الله يا MBhead , سيادتك ذوقك عالى فعلا , اللى بيدور على الجاجوار موديل السبعينات, أكيد انسان راقى و بيفهم , أنا برضه بحب شكل الجاجوار أوى , بس الشكل اللى هو من 1995 -2003 ,رغم أن نزل منه بعد كده شكلين للXj8 الا أن الشكل ده معلق معايا أوى و كمان سعره مغرى بشكل غريب يعنى بالنسبة لعربية جاجوار.

اللى هى الشكل ده :

Cars for Sale: 2002 Jaguar XJ8 in MAPLE VALLEY, WA 98038: Sedan Details - 276427194 - AutoTrader.com

ربنا ييسرلك الأمور و تجيب اللى أنت عاوزه و أحسن كمان .

المشاركة الأصلية كتبت بواسطة MASERATI

السلام عليكم و رحمة الله و بركاته

و الله يا MBhead , سيادتك ذوقك عالى فعلا , اللى بيدور على الجاجوار موديل السبعينات, أكيد انسان راقى و بيفهم , أنا برضه بحب شكل الجاجوار أوى , بس الشكل اللى هو من 1995 -2003 ,رغم أن نزل منه بعد كده شكلين للXj8 الا أن الشكل ده معلق معايا أوى و كمان سعره مغرى بشكل غريب يعنى بالنسبة لعربية جاجوار.

اللى هى الشكل ده :

Cars for Sale: 2002 Jaguar XJ8 in MAPLE VALLEY, WA 98038: Sedan Details - 276427194 - AutoTrader.com

ربنا ييسرلك الأمور و تجيب اللى أنت عاوزه و أحسن كمان .

و الله حضرتك اللي ذوقك راقي و بتقدر التحف دي ....طبعا الجاجوار عربية اكتر من الممتازة
انا شخصيا و عن تجربة انحني احتراما للسيارة الانجليزية الفارهة
الxj8 دي جميلة تصميم بسيط و منتهي الاناقة و صالون فخم و شيك جدا انا اللي نفسي فيها هيا دي الXJ6

او ال كلاسيكjaguar Mark II زي دي كده

دي انتاجها من 59 ل 67 و مع انها من الخمسينات بس شوف سيادتك صالونها الرائع

انا هاوي جدا العربيات الكلاسيك و بالذات قترة الستينات و السبيعنات و بحاول علي اقد مقدر اركب العربيات دي و اتكلم مع الملاك حتي لو معرفهمش لدرجة انا ان مرة وقفت واحد في الشارع و قلتلو ان انا بسمع عن العربية دي انها اسطورة و عايز اجرب اركبها و الراجل اتبسطت جدا بيا و قالي اتفضل اركب و كمان خلاني اسوقها
و انشاء الله سيادتك تجيب الجاجوار دي و علي فكرة سعرها مش غالي اوووي يعني لو موديل 2000 بتعلم في حدود 170-190 و دي طبعا بالنسبة للجاجوار و لا حاجة لانها زيرو ممكن تعدي المليون
اما الXJ6 اللي انا عايز اجبها ...مش عايز اقول لحضرتك ان تمنها لو حالة ممتازة جدا 60 الف و لو حالة عادة 40 و المتبهدلة شوية 25 او 30 اما الMKII دي كلام تاني لان اللي بيبع عارف قيمتها و اللي بيشتري عارف قيمتها فبيبقي كلام تاني ممكن تعمل 200 الف مثلا
عاما سوق العربيات الكلاسيك دي علي حسب الحالة و المالك يعني انا شوفت بورش ب 7 الاف كان موتورها خفيف و كنت حشتريها بس محصلش نصيب و حاجات من دي كتير كتير ماركات عريقة و اسعار في التراب

السلام عليكم و رحمة الله و بركاته

أنا من ضمن الأسباب اللى شجعتنى أنى أهاجر كندا , كانت العربية الجاجوار ال Xj series دى و كنت الأول موهوم بال Xj6 لأنى لقيت سعرها بتاع 7000 دولار موديلات من 1996-2000 .

لكن لما دعبست عالنت و بصيت عالتابلوه بتاع الXj6 و التابلوه بتاع الXj8 , بصراحة لقيت بتاع الXj8 أشيك بكتير و كمان لما سألت ناس معاها العربيات دى بره , لقيت أنهم دايما بيفضلوا موديلات فوق ال2000 عشان موتورها أحسن , طبعا الكلام ده أخد وقت و الأسعار بره بترخص زى مابيحصل فى مصر بالظبط!!! , المهم فى النهاية لقيت الXj8 موديلات من 2000-2003 دى بقت ب 6000-6500 دولار و عاملة أقل من 100000 ميل و كل سنة و أنت طيب , شوفت العز , طبعا , الشهر اللى قعدته فى كندا , لما كنت بشوف العربية دى , كنت بنبهر بيها جدا و كان بيبقى هاين عليا أوقف اللى سايقها و أقوله , و الله يا شيخ أنت راجل محترم .

أول مرة , كنت ألاحظ العربية الجاجوار الXj series دى , كنت فى زيورخ , أيام ماكنت طبيب امتياز و كان بيبقى فيه عروض على تذاكر الطيران لدرجة أنى سافرت على Swissair فى 1-2002 القاهرة - زيورخ - القاهرة ب 1750 جنيه بس , آى و الله العظيم , المهم , مرة كنت واقف على الرصيف مستنى الأتوبيس و كان ورا منى محل كوافير رجالى , الفاترينة بتاعته ازاز و كان اللى شغالين فيه 2 بنات و كانت فيه ست بتاع 40 سنة و شعرها أصفر كاريه و كانت قاعده على مكتب , أنا بصيت للعربية الجاجوار الXj السوده اللى كانت راكنة جنب المحل و قلت فى سرى, أهو لو الواحد يعيش فى زيورخ دى و يبقى عنده العربية الجاجوار السودة دى , مايبقاش محتاج حاجة من الدنيا , المهم , بعد شوية , لقيت الست أم 40 سنة أم شعر أصفر كاريه دى, قامت من عالمكتب و أخدت الجاكت بتاعها و طلعت من المحل و قامت راكبة العربية الجاجوار الXj السودة دى و مشيت, قلت , عمار و الله , فى سويسرا , الحلاقين راكبين جاجوار!!!! , و الله عمار يا جدعان .