فين الموضوع ؟
عرض للطباعة
فين الموضوع ؟
مش عارف
الموضوع مش ظاهر
هو في ايه,, الموضوع مش ظاهر ليه,, انا شفته بعد ما نشرته,,
انا طقت في دماغي اعمل جولة سريعة على المواقع الاكترونية للعربيات المنتشرة داخل ارجاء المحروسة ,,, المهم دخلت جوجل و دورت على Hayundai egypt & Toyota Egypt & Kia Rgypt و لقيت فيه صفحات ليهم و بيتكلموا فيها عن التوكيل بتاع مصر و العربيات الى فيها و specs بتاعتة العربيات و جادول الصيانة و مراكز الصيانة المعتدمة وكل ما تحتاج لمعرفته بدون متوه نفسك وتسال,, :verygood:
قلت بقى اعمل سيرش على فيات قمت كاتب Fiat Egypt تخيلوا اول حاجة تطلعلي اي في نتيجة البحث
Want To Buy A New Fiat 128? Head To Egypt! :36_7_4[1]:
وياسلام على النتيجة التانية
NEVER BUY Fiat in EGYPT ! - The FIAT Forum :_Alshmokh08[1]:
بقى ده معقول,,,عربية المفروض انها نازلة تنافس في السوق و تجدب انتباه الناس ليها,, و لنفرض انا واحد مش عارف حاجة عن فيات و عايز اخد فكرة عن موديلاتها في مصر اول حاجة اعملها اني ادخل على النت واعمل سيرش على fiat egypt وطبعا اكيد هتعرفوا انا هيبقى انطباعي ايه لما الاقي نتيجية البحث بالمنظر ده,,,ابسط حاجة اقولها انهم مش عاملين ويب سايت,, فكك منهم. :T_thum1[1]:
حتى السايت بتاع اوماترا قايلين انهم توكيل فيات و لمزيد من المعلومات ,,تيجي تضغط تلاقي نفسك في ايطاليا..
انا اسف على الاطالة بس انا متضايق و قلت افضفض
المفروض ان ده هوا الموضوع انا مش عارف راح فين
والله عندك حق وكلمناهم فيه وقالولي فيات عملتلهم موقع وعندهم السيرفر بس مش عاجبهم فمحطوهوش لحد ما يعملوا واحد تاني الكلام ده من حوالي 10 شهور
وعلى رأي المثل
غطيني وصوتي ........
ههههههههههه هو هنا برضو الموضوع أختفى هههههههههههه أكيد فية حاجة غلط و بتتظبط كام موضوع برضو المشاركة الرئيسية بتلبس طاقية الاخفاء
انا اخر حاجه شوفتها ان موقع اوماترا الرئيسي تم قرصنته و اللي عمل كده تقريبا شتمهم في رساله على الموقع مش عارف ليه الصراحه " كان سعودي "
فعلا ..انا من شهور لما بدأت افكر اشتري عربية صغيرة و دورت علي موقع فيات مصر اول نتيجه طلعتلي
NEVER BUY Fiat in EGYPT ! - The FIAT Forum
و الحكاية دي قفلتني من فيات فترة طويلة لحد ما الايفو نزلت و بصراحة العربية مغرية جدا و خلتني اتشجع و اجيبها رغم اللي سمعته عن توكيل فيات
واضح ان في واحد جاب فيات و حصلتله مشكلة مع التوكيل و معرفش ياخد معاهم حق ولا باطل و راح كتب في Fiat Forum بس واضح ان الموضوع اتعمل عليه مشاركات كتير و كمان Fiat Forum ترتيبه عالي في جوجل و بالتالي اول نتيجه بتظهر علي النت لما تحط كلمة مصر جنب فيات هي
NEVER BUY Fiat in EGYPT ! - The FIAT Forum
حاجة تكسف
لو اتعمل موقع اسمه Fiat Egypt هيكون اول نتيجه تظهر لان محركات البحث بتدور في العنوان الاول و بعدين تدور في محتوي الموقع
انا قرأت الموضوع و طلع مش مستاهل الشهرة دي...ده ماكملش صفحتين ردود( ماشافوش مواضيع نايل موتورز الي مش بتنتهي غير بخناقه او المشرفيين يقفلوا الموضوع) :Oc_sun1[1]:
NEVER BUY Fiat in EGYPT ! - The FIAT Forum
المشكلة كلها من واحد معاه بونتو كلاسيك و من اسكندرية و كان عنده مشاكل في العربية و طبعا في اسكندرية عندهم مركز معتمد من اوماترا مش التوكيل نفسه يعني و ماعرفوش يصلحوه عربيته و هو دخل اشتكي و ماتابعش ايه اللي حصل بعد كده يعني ماقلش العربية اتصلحت في الاخر ولا لأ
غير كده ردود من ناس مصريين و اجانب عن مشكلته (مش شكاوي تانيه)
و في الاخر في بنت قالت كلام كويس في حق مركز صيانة جسر السويس
the fiat dealership in egypt (gesr el sewes) are so great,,they are helpfull and know how to fix a car..i got my punto evo a month ago but it had some factory problems,,a squeezing sound when pressing the brakes hard,and a chain-like sound because the sand protector under the car wasn't fixed in it's place..i went to them,,they fixed these problems,,but then another problem appeared in the second time driving after going to the dealership,,( a hard shocking sound) at the right rear wheel,,i went there again,,two engineers drived it with me to see what exactly the problem was,,after two hours it was fixed and the car is very good now..although of these factory problems,,i still love my car and recommend a punto evo for everyone,,it's a great car in all aspects..and wish u a better luck at having it free of these little problems!
fiatforum رهيب جدا و أنا مشترك فيه من قبل ما أشترى عربيتى من 3 سنين
تحسوا انهم بيحاولوا يقلدوا nilemotors :colsmil:
شوفتوا مستغربين ازاى هناك من الفرانكوأراب "I don't even think that's a language... just looks like a combination of letters and numbers to me!! " هاهاهاها
شئ عجيب فعلا !!!!!!!!!!!!!!!!!!