ماهو اصلى بصراحة معنديش استعداد اغير العربية قبل كدة
انا عايز حاجة تقعد معايا فترة لحد ما اقرر اغيرها والفترة دى تفضل كويسة
وشكرا جزيلا على رأيك
عرض للطباعة
سلام عليكم
لو عاوز رأيى يبقى الأسبرنزا
وده رأى ولى أصدقاء كتير معاهم السبرنزا وآخرون باعو الدوجان وإشترو مكانها
لأنها خشنة زى ال 31 وبعد اللادا فى الترتيب
دى سيارة أجرة أكتر منها ملاكى
والأسبرنزا مع صديق لى مافيهاش مشاكل وبيسافر بيها كتير وهوة بيشتغل معايا فى البحر ومقيم فى القاهرة
وأنا معايا إف ثرى وعلى فكرة أنا تخصصى الميكانيكا
ولك حرية الإختيار
لوجان او m11
دول ارخص احسن حاجه وتقعد 10 سنين بس بالمحافظه
يعنى لو bmw محفظتش عليها مش هتكمل السنتين
فيه مثل واحد ركيب عربيات خبره قالهولى وانا بشترى عربيتى
قالى مفيش حاجه اسمها عربيه حلوة وعربيه وحشه بس فيه حاجه اسمها عربيه بتحافظ عليها او لا
وعليكم السلام ورحمة الله وبركاتة
انا عارف ان الاسبيرانزا ككماليات افضل طبعا وكشكل كمان
وموتور سحبة اشد
لكن انا اختيارى هيبقى على اساس الاعتمادية والامان
يعنى زى ما قلت فى اول الموضوع هل الاسبيرانزا ممكن تكمل معايا 10 سنين من غير مشاكل ؟؟
ولا هشتريها وافرح بكمالياتها ونعومتها وسحبها وتكمل معايا 5 سنين بالعافية والاقى نفسى متضطر ابيعها ؟؟
دة غير توكيل رينو اللى الكل بيشكر فية بعكس ابو الفتوح اللى سمعت عنة شكاوى كتير قوى
واتشرفت بيك يا باشمهندس انا كمان ميكانيكا على فكرة
وانا متفق جدا مع الجملة دى
بس كمان فى حاجة حلوة وبتستحمل وفى حاجة مع المعاملة الكويسة عمرها الافتراضى قليل فبتبوظ
يعنى تفرق لما تكون العربية اصلا كويسة فلو حافظت عليها هتقعد 10 سنين
ولو مرمطتها هتقعد 5 بس
او العربية اصلا جودتها مش كويسة فبالمحافظة هتكمل 5 سنين بالعافية
ولو مرمطتها مش هتكمل سنتين
وشكرا جزيلا على ردك
وتاسع صوت للوجان مقابل صوت واحد للاسبيرانزا
بص ياسيدى
انا ليل واحد صاحبى معاه لوجان بقالها حوالى 5 شهور وبيشكر فيها جدا
وواحد صاحبى تانى معاه 113 اسبرانزا بقالها 3 سنين العربيه عاملة حوالى 60 الف من غير مشاكل غير انو محتاج يربط العافشه لانو ولا بيروح توكبل ولا متابع مع ميكانيكى كويس وانا ركبت ال m11 فى معرض المصريه وعجبتنى بصراحه وكمان اعرف ان منها كتير من 516 التاكسى وبصراحه انا بركبها تاكسى وصباح مساحة الصالون وكل سواقين التاكسى للى راكبنها بيشكرو فبها
انا راى جرب اللى اتنين وبعدين صلى استخاره واختار اللى قلبك يرتحلها وحط فى اعتبارك ان مفيش عربيه كامله
ملحوظه: انا ليا واحد زميلى فى الشغل ثقالى ان واحد قريبه جاب اللوجان وعمل بيها حادثه ومشلقلها قطع غيار
واعتقد ان m11 ثابته اكتر من اللوجان على السرعات العاليه عشان الجنوط 16 وكمان عشام اوطى شويه عن اللوجان
ومعلش انا لشوف هيونداى اكسيل ماشيه لحد دلوقتى اللى هيا تعتبر فقيره جدا بالنسبه للاثنين فى الخامات والموتور
مش هقولك الصينى وحش و لا الاوروبى حلو .. كل حاجه بالمحافظه وعمل الصيانه ف الوقت المحدد تبقى تمام
اول نقطه المقارنه دى بتاعتى مش على اساس ان دى صينى ودى اوروبى دى على اساس خبرتى فى الاتنين
اللوجان .. وسع داخلى رهيب جدا ما شاء الله . تشيل 5 مستريحين جدا
ال a113 ضيقه جدا بالنسبه للوجان تشيل 4 مستريحين
نظرا لتصميم وابعاد السياريتين اللوجان اكتر ثباتا على الطريق من ال a113
الشكل .. اذواق .
الكماليات .. احنا بنتكلم ف عربيه موتور 1600 سى سى مقارنه مع 1300 سى سى
تكيف اللوجان انا اشهدله بكفائه فظيعه جدا والله . الاسبرينزا 113 ركبتها مع ناس اعرفها كانت العربيه اتلينت خلاص وعدت اول الف كيلو يعنى والتكيف شغال وانا قاعد ورا مش حاسس بيه
اللوجان لو انت قاعد ف شنطه العربيه هتحس بالتكيف ( بهرج ) بس اصدى من قوته .. وطبعا انا بتكلم على نفس درجه التكيف يعنى مثلا على 2 او 3 ف العربتين عشان محدش يقولى تلاقيك مشغله على 1 ف الاسبرانزا و 4 ف اللوجان
قطع الغيار والصيانه .. حضرتك ممكن تتطلع عليها ف اقسام العربيات دى
بالنسبه للوجان من وجهه نظرى زى ما كان ف عضو دايما يقول المقوله دى ف المنتدى ما هيه الا شاهين 2050 ...
وربنا يوفقك ف الاختيار .. وانت أولى بفرق الفلوس بس فكر كذا مره قبل ما تاخد القرار وصلى استخاره
انت ممكن تجيب اللوجان هاف اوبشن ب 63500 وبكده يبفى الفرق 13500 بس
لكن انا بصراحه متعقد من اى حاجه صينى