قراء المنتدي ... رحله جمال البنا مع الدين والسياسه

كنت معدي من جمب ابويا لقيته بيقرا المقال ده
واستفزني العنوان

اي محاوله لاقامه دوله اسلاميه في العصر الحديث سيكون مصيرها الفشل

جبت الجزء الاول
مكتوب

جمال البنا: رفضت الانضمام لـ«الإخوان المسلمين» لأننى كنت أرى نفسى علمانياً



قلت هوا ماله ده
بيقول كده ليه
يعني ايه
وهيا مالها الدوله الاسلاميه
دوله كانت مليانه عدل ورحمه ونور عالبشريه كلها

واما سابوها بدعوي التحضر
الحال مال
وانتكسنا
وبقينا عار علي جبين امه الاسلام

وقررت اقرا المقال كله
ولسه مكملتوش

بس حكمله
وحجيب الجزء الاول واقراه

انا قريت مقال للراجل ده قبل كده واستفزني
وكان بردو عن الفوايد في البنوك
او عن حاجه كده بردو

ومش عارف
هوا واللي بيقولوا عليهم مفكرين
يعني ايه مفكر

سيد القمني - نوال السعداوي - وغيرهم كتير كتير

هوا اللي يتطاول علي الدين يبقي اسمه الجديد مفكر

اشمعني الدين
متتكلموا في اي حاجه تانيه

نداء الي مثقفي المنتدي
انا مش غاوي قراءه
ولا غاوي اقرا غير القصص والروايات وبعض الكتب التاريخيه

هيا الناس دي كويسه وقيم فعلا في العصر الحديث تستحق الاحترام ؟؟؟ واحنا كمجتمع مش مقدرين قيمتهم ؟؟

ولا دول حثاله من المجتمع دأبت علي التطاول علي كل ما هو يمس اي شئ بغرض الشهره والتواجد الاعلامي علي حساب اشياء اخري مهما بلغت قيمتها

منتظر التفاعل مع الموضوع

لمن لم يقرا مقال جمال البنا

الجزء الاول
http://www.almasry-alyoum.com/article2.aspx?ArticleID=281717&IssueID=1990
الجزء الثاني
http://www.almasry-alyoum.com/article2.aspx?ArticleID=281803


نصيحه اخيره
متتغرش بالعناوين
انا كنت كده وقررت اهاجم علي طول
بس وقفت وقلت اشوف الراجل كاتب جوه ايه واشوف وجهه نظره

جمال البنا مرة شوفته فدريم
كل الى بيقولو قمة التخاريف
ومش عارف بيقولو عليه مفكر اسلامى ازاى!!!!!!!!!!!!
هو فعلا نفس عينة سيد القمنى

بس الى مستغربه انه اخو العالم الاسلامى الجليل حسن البنا
فعلا صدقت ان فكل اسرة فيه الحلو والوحش
يعنى حسن وجمال
انا لما بشوفه فالتليفزيون بيجيلى حموضة من كلامه

امثال هؤلاء بضاعتهم ظاهرها جيد و باطنها يحمل كل الشرور

و لا ندري من اين هبط علينا هؤلاء فجأة و من الذي فتح لهم الابواب " يكتب الرجل في عدة صحف يومية ذات صيت و مخصص له برامج علي بعض القنوات و كان له عمود يومي في المصري اليوم طوال رمضان!!

و علي ما يظهر فإن سلعة الرجل رائجة و توافق هوي البعض خاصة فيما يتعلق برؤيته في علمانية الدولة ..

و كان للجهاز الامني في بلدنا السبق في جعل الجماعات المتشددة تتوب و تعلن مراجعاتها الشهيرة في سبق لم يحدث في اي مكان في العالم ..

مما يجعل هذه التجربة قابلة للتكرار - بإستخدام الرجل و اشباهه - مع اصحاب فكرة الدولة الدينية او الدولة المستندة علي اسس شرعية و اصحاب رؤية " الاسلام هو الحل "

و يجعلها قابلة للنقل و التنفيذ في بلاد اخري كاليمن مثلا " عمرو خالد طار من اوربا الي الاسكندرية ليلقي محاضرته الشهيرة قبل الانتخابات و منها ليطير الي اليمن حيث المشروع الجديد للدعوة الي ما يسمي " الاسلام المعتدل " الممول سعوديا- بسخاء- المخطط مصريا - بشريا - المدعوم -تكنولوجيا-امريكيا

لذا مع اشباه هؤلاء الإعراض افضل ..

بصراحة انا باعتبره حثالة، لا يفقه في الدين شئ، وللأسف الإعلام هو اللي عمله مفكر لأنه بيهاجم ناس بعينهم

غريبة !!
لا اري هذا الموضوع في قائمة مشاركاتي

اعنقد كل اللي بيشتم جمال البنا لم يقرا له أى شئ يادوب سمع حاجة فى الجرايد من هنا وهناك من غير ما يسمع راى الراجل نفسه، حتى لو مختلف معاه قولنا سيادتك مختلف فى ايه وردك ايه.
للاسف ما حدش عايز يسمع نغمة تانية غير اللى متعود عليها، خلينا نختلف مع بعض من غير ما نشتم بعض

كلمنا عنه انتا ياابو كمال
انا كاتب في الموضوع اني غير قارئ لمواضيعه
بس الموضوع فعلا استفزني
وطبعا ده فرقعه عشان الناس تقرا الموضوع

جوه الكلام عادي
بس انا بتكلم عن اراءه الدينيه عموما
وان فيه ناس بتهاجمه كتير اوي

ايه اسباب الهجوم ده
ولما واحد مفكر اسلامي تصدر منه جمله
ان الدوله الاسلاميه لا تصلح الان
ومبرره في ذلك كما فهمت من المقال

ان الاسلام ده دين
واما حتدخل جواه السياسه حتشوه اغراضه الاساسيه اللي بيدافع عنها
واخد مثال علي ذلك سياسه الترابي في السودان

وان سبب اتخاذه للشريعه الاسلاميه كقانون ادي الي تقسيم السودان

طب وده كلام يتقال
بقي الاسلام اللي فتح اسبانيا وغيرها من الفتوحات الاسلاميه
اما دوله تتحكم بيه
تدمر ويحصل فيها حروب اهليه ويسبب فساد

امال ايه اللي حلو

العلمانيه
طب لما هوا علماني
بيقول ليه مفكر اسلامي

هوا علماني دي مش يعني فصل الدين عن الدوله بردو ؟؟؟؟

يعني ارجو المناقشه بدون حده وتبدال الاراء بشكل يرقي الي مستوي الموضوع

بص يا باشا انا هجبلك حتة من كلامه فى الحوار اللى سيادتك حاطط الرابط بتاعه " وأوضحنا أنه إذا كان الغرض من إقامة الدولة تطبيق الشريعة، فإن الصورة المثلى لذلك هى إيمان الشعب بها، وعندما يؤمن الشعب فإن ذلك يُعد مطلبًا جماهيريًا توجه الجماهير الدولة لتطبيقه وتساهم وتراقب التطبيق، أما أن يأتى من الدولة فيؤدى هذا إلى فساد الشريعة."

الراجل لم يهاجم الدولة الاسلامية، ولكن يقول ان االأمر تحول لملك عضوض، لو حد مختلف يا ريت يفهمنى

ايوه هيا الدوله الاسلاميه اما كانت اقيمت في الاول
اقيمت علي ناس كفار ولا مسلمين

يأتي قائد ليعرف الناس تعاليم الدين الاسلامي
فيتبعه الناس

نفس الحكايه في الفتوحات
انتا بتروح بلد تانيه
توريهم ثقافتك فيؤمنوا بيك
ويتبعوك

ايش حال في بلد اصلا المفروض انه اسلامي
بس مش عاوز يطبق الشريعه الاسلاميه؟؟

تفتكر كم الظلم الواقع حاليا بسبب اتباع شرائع اخري وقوانيين اخري بعيدا عن الدين
يقوم اما ييجي واحد ويتبع الدين ويطبق قوانينه علي الدوله

نقوله لا
متنفعناش
لازم الناس تؤمن بيك الاول
ويبقي من جواها دافع قوي لاتباعك

مش اما يبقوا يشوفوا انا حقول ايه الاول

ماهو مجيش استهبل واقول اطبق الشريعه
واعيش زي السعوديه
مطبق فيها قال ايه الشريعه الاسلاميه

وهما لا عندهم شريعه ولا يحزنون
والناس كلها عارفه السعوديه بيحصل فيها ايه

لازم الشريعه تطبق اول حاجه فيها العدل
واما الناس تحس ان فيه عدل
حيمشوا ورا اي حد بيطبق قانون عالكل

انا معاك يا صبحى باشا مش مختلفين، بس عايز اضيف نقطة ما ينفعش حد يقول انا حكم بالشريعة لانه لو قال كده يبقى ما تقدرش تخالفه ولو خالفته هيقولك انت بتخالف الشريعة (يعنى من الآخر حيلة لتوطيد الحكم) ولكن ممكن تكون مبادئك هى الشريعة الاسلامية وتوضح للناس ما تقصده فى برنامج انتخابى والناس تختار ده ، متهيالى البداية ممكن تكون حاجة زى تركيا والراجل الطيب اردوغان. طبعا أرجوكوا اللى مختلف معايا يشرحلى وجهة نظره واستفيد من غير ما ننفعل ونغلط

اقتباس:

---

المشاركة الأصلية كتبت بواسطة funnymickey

كنت معدي من جمب ابويا لقيته بيقرا المقال ده
واستفزني العنوان

اي محاوله لاقامه دوله اسلاميه في العصر الحديث سيكون مصيرها الفشل

جبت الجزء الاول
مكتوب

جمال البنا: رفضت الانضمام لـ«الإخوان المسلمين» لأننى كنت أرى نفسى علمانياً



قلت هوا ماله ده
بيقول كده ليه
يعني ايه
وهيا مالها الدوله الاسلاميه
دوله كانت مليانه عدل ورحمه ونور عالبشريه كلها

واما سابوها بدعوي التحضر
الحال مال
وانتكسنا
وبقينا عار علي جبين امه الاسلام

وقررت اقرا المقال كله
ولسه مكملتوش

بس حكمله
وحجيب الجزء الاول واقراه

انا قريت مقال للراجل ده قبل كده واستفزني
وكان بردو عن الفوايد في البنوك
او عن حاجه كده بردو

ومش عارف
هوا واللي بيقولوا عليهم مفكرين
يعني ايه مفكر

سيد القمني - نوال السعداوي - وغيرهم كتير كتير

هوا اللي يتطاول علي الدين يبقي اسمه الجديد مفكر

اشمعني الدين
متتكلموا في اي حاجه تانيه

نداء الي مثقفي المنتدي
انا مش غاوي قراءه
ولا غاوي اقرا غير القصص والروايات وبعض الكتب التاريخيه

هيا الناس دي كويسه وقيم فعلا في العصر الحديث تستحق الاحترام ؟؟؟ واحنا كمجتمع مش مقدرين قيمتهم ؟؟

ولا دول حثاله من المجتمع دأبت علي التطاول علي كل ما هو يمس اي شئ بغرض الشهره والتواجد الاعلامي علي حساب اشياء اخري مهما بلغت قيمتها

منتظر التفاعل مع الموضوع

لمن لم يقرا مقال جمال البنا

الجزء الاول
http://www.almasry-alyoum.com/article2.aspx?articleid=281717&issueid=1990
الجزء الثاني
http://www.almasry-alyoum.com/article2.aspx?articleid=281803


نصيحه اخيره
متتغرش بالعناوين
انا كنت كده وقررت اهاجم علي طول
بس وقفت وقلت اشوف الراجل كاتب جوه ايه واشوف وجهه نظره

---

بعد اذن صاحب الموضوع
سوف اقوم الان بتجربة عملية اري من وجهة نظري البسيطة انها يمكن ان اعبر بها عن فكري (( ممكن و احد دلوقتي يكتب الاتي ))
(( امجد الرب كما اعتقد في ديانتي
و اني اري ان فكر البنا فكر مستنير و هو المخلص و هو الحق لانه في عصور كثيرة كانت تمر بالدولة الاسلامية اتسمت بالفتن و المؤامرات حتي ان هناك فئة ايام الخلفاء قتلت عثمان بن عفان و اخري قتلت الحسن و الحسين و هذا ان دل فيدل علي ان كيان الدولة يجب ان ينفصل فيه الحكم عن الدين ثم ان المؤامرات التي حدثت في صدر الدولة الاسلامية و الفتن زي علي بن ابي طالب و معاوية و هكذا كل ده بصراحة يخلينا لا نتمني و جود الحكم الاسلامي في مصر التي نعيش علي ارضها و هذا رأيي بدون تجريح في احد ))
المهم بعد ان شاهدنا هذه الكلمات و جدنا التوقيع مذيل مثلا بأسم جورج او مينا او اي اسم مسيحي
بالله عليكم يا موحدين بالله يا كل من كتب في الموضوع المغلق ماذا سيكون رد اخواتنا في المنتدي ممن تسببوا في اغلاق موضوع السابق و الله شاهد علينا و علي ما في قلوبنا قبل اي رد سيتم

م.حاتم السباعي

هيا الناس بتكتب بالحبر السري ولا ايه
المشاركات بتتكتب وانا مش شايف حاجه
ولا انا اللي اتعميت ولا ايه

جمال البنا ذكي فهو يقيم الحجه بحيث لا يترك لمعارضيه مجال للتفوق عليه ولا يكون امامهم الا الشتائم
اتفق معه احيانا واختلف معه احيانا اخرى لكن في الحالتين اكن له كل الاحترام

ولايقارن البنا بالسعداوي والقمني فهؤلاء غير جديرين بالاحترام اصلا

سمعت كتير عن أفكاره الفذه لكن اللي شوفته وسمعته شخصيا منه في أحد البرامج التلفزيونيه هو تشكيكه في صحة كل ما ورد في السنه ومنها صحيح البخاري !! والمناظر الأخر يحاول يقنع فيه بلا جدوي يقول الكلمتين اللي عنده ويهز راسه يمين شمال وخلاص علي كده ! واحد مش معترف أصلا بصحيح السنه اللي هي المصدر الثاني للتشريع مستني منه ايه !

بصراحه كان حوار مثير للغثيان

مش عارف ليه جمال البنا بيفكرنى بالاقتراحات العبقرية لايناس الدغيدى!!!!!

ايناس ونوال السعداوى وسيد اقمنى وغيرهم

مكانهم معروف










مزبلة التاريخ

قصدكم جمال أم السعد؟؟

اقتباس:

---

المشاركة الأصلية كتبت بواسطة moody1

مش عارف ليه جمال البنا بيفكرنى بالاقتراحات العبقرية لايناس الدغيدى!!!!!

ايناس ونوال السعداوى وسيد اقمنى وغيرهم

مكانهم معروف









مزبلة التاريخ

---

هههههه ده خليط غير متجانس بالمرة
بالنسبة لصحيح البخارى فهو بيقول انه رضى الله عنه قام بمجهود وجمع الأحاديث ممكن ناس تانية تحققها، والامام ابو حنيفة ثبت عنده 60 حديث فقط فيما أعلم ، ولكن التدقيق يكون على أسس مش أى حد يطلع يقول الحديث ده مش عاجبنى والا ده فتى على الفاضى، ولكن المجال مفنتوح للاجتهاد وما فيش كتاب له قداسة القرآن
هو ده اللى الراجل بيقوله، يمكن اسلوبه صادم ، لكن فكر فيه
وعموما الاستاذ جمال البنا ممكن تختلف وتتفق معاه ، لكن ما ينفعش تشتمه لأن الناس اللى بتدور على الحقيقة والعلم الصحيح بتتوه فى الزيطة دى، وكمان ليس المسلم بلعان

يبدو انه يوجد بعض التأييد للرجل

و الحقيقة احب ان اري ما يدعو الي هذا التأييد
فبعد متابعة يومية لعموده في المصري اليوم طوال شهر رمضان
و مقالاته الاسبوعية كل يوم اربعاء لنفس الجريدة
و لقاءاته المتعددة في قنوات مختلفة
و ظهوره المستمر في دريم مع د عمار علي حسن
و فتاويه عن جواز القبلات بين الشباب و كذا عن جواز التدخين في نهار رمضان " من العربية "

لا اجد ما يجعلني اتحمس له ..
=====
م. حاتم السباعي ما تذكره حضرتك عن الموضوع المغلق فيه رأيان

http://www.islamonline.net/servlet/S...=1122528615036

ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ط.ظƒظ… طھظ‡ظ†ط¦ط© ط؛ظٹط± ط§ظ„ظ…ط³ظ„ظ…ظٹظ† ظپظٹ ظ…ظ†ط§ط³ط¨ط§طھ ط؛ظٹط± ط¯ظٹظ†ظٹط©

اقتباس:

---

المشاركة الأصلية كتبت بواسطة Dr Zezo

يبدو انه يوجد بعض التأييد للرجل

و الحقيقة احب ان اري ما يدعو الي هذا التأييد
فبعد متابعة يومية لعموده في المصري اليوم طوال شهر رمضان
و مقالاته الاسبوعية كل يوم اربعاء لنفس الجريدة
و لقاءاته المتعددة في قنوات مختلفة
و ظهوره المستمر في دريم مع د عمار علي حسن
و فتاويه عن جواز القبلات بين الشباب و كذا عن جواز التدخين في نهار رمضان " من العربية "

لا اجد ما يجعلني اتحمس له ..
=====
م. حاتم السباعي ما تذكره حضرتك عن الموضوع المغلق فيه رأيان

إسلام أون لاين.نت - اسألوا أهل الذكر - تهنئة النصارى بأعيادهم.. حكمها وضوابطها

ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ط.ظƒظ… طھظ‡ظ†ط¦ط© ط؛ظٹط± ط§ظ„ظ…ط³ظ„ظ…ظٹظ† ظپظٹ ظ…ظ†ط§ط³ط¨ط§طھ ط؛ظٹط± ط¯ظٹظ†ظٹط©

---

بص يا فندم فى آراء للاستاذ جمال انا مش مقتنع بيها بس هو مش بيقول جواز القبلات يعنى هى حلال، لا هو بيقول انها حرام لكنها من المم (يعنى صغائر الذنوب)، وحكاية جواز التدخين دى هو بيقول ان اللى محرم هو الكل والشرب والنكاح ما ينفعش نزود حاجات من عندنا واسيجارة مش أكل ولا شرب ولكنها دخان بينزل للرئة.:O_stupid[1]:
بيني وبينك انا مش مقتنع بالرأيين دول لأن القبلات دى مقدمات الزنا والتدخين ده فى تعمد إدخال شئ للجوف.
لكن الأفضل أن حد يرد على الرأ بالرأى.
وما تحكمش على الشخص ولكن أحكم على الرأى مش كل اللي بيقولوه العلماء فهو علم، ومش ترفض كلام من حد ممكن يكون صح لانك رافض الشخص نفسه.
انا مش بدافع عنه فى المطلق، ولكن بدافع عن أى حد بيقول رأى حتى لو ضعيف ونرد عليه بالرأى، لكن لو هاجمنا حتى من غير ما نقرا كلامه هتظهر حجته أقوى:11:

اقتباس:

---

حثاله من المجتمع دأبت علي التطاول علي كل ما هو يمس اي شئ بغرض الشهره والتواجد الاعلامي علي حساب اشياء اخري مهما بلغت قيمتها

---

و بيستغلهم و بيلمعهم جهات معينة من مصلحتها كده

اقتباس:

---

المشاركة الأصلية كتبت بواسطة tlrsiap

و بيستغلهم و بيلمعهم جهات معينة من مصلحتها كده

---

فعلا جمال البنا بيروح يحضر مؤتمرات فى امريكا

بينظمها اليهود

وطبعا اكيد بيقبض جامد مقابل التخاريف الى بيقولها

اقتباس:

---

المشاركة الأصلية كتبت بواسطة fepsceasar

هههههه ده خليط غير متجانس بالمرة
بالنسبة لصحيح البخارى فهو بيقول انه رضى الله عنه قام بمجهود وجمع الأحاديث ممكن ناس تانية تحققها، والامام ابو حنيفة ثبت عنده 60 حديث فقط فيما أعلم ، ولكن التدقيق يكون على أسس مش أى حد يطلع يقول الحديث ده مش عاجبنى والا ده فتى على الفاضى، ولكن المجال مفنتوح للاجتهاد وما فيش كتاب له قداسة القرآن
هو ده اللى الراجل بيقوله، يمكن اسلوبه صادم ، لكن فكر فيه
وعموما الاستاذ جمال البنا ممكن تختلف وتتفق معاه ، لكن ما ينفعش تشتمه لأن الناس اللى بتدور على الحقيقة والعلم الصحيح بتتوه فى الزيطة دى، وكمان ليس المسلم بلعان

---

جمال البنا زى القمنى بالظبط امريكا قبضتهم وعملتلهم غسيل مخ

وهما عندهم من الاول ميول للعلمانية والالحاد

الاتنين...........