لما كلة بيشتكى وزهقان مين بقى الغلطان
وانا بتفرج على otv كان فى برنامج فكرنى بمقولة توفيق الدقن لما البلد كلها فتوات امال مين اللى حيضرب !!!! كان البرنامج بيصور مع سائقى الملاكى والاجرة والميكروباص والاتوبيسات وكلة اجمع على كلمة واحدة دة كلة ماشى بالدراع وكلة بيحدف على كلة ومحدش بيراعى حد وكلهم متضررين الصراحة انا بقيت مذهول واحترت قولت لما كل الناس دة بتشتكى امال مين اللى غلطان او هو اللى ملتزم انا شايف تناقض غريب جدااا وبكدة اللى بيشتكى اكيد هو كمان غلطان مفيش حد معفى من الغلط او بيمشى بالتزام على الاقل من جواة دة لاكن بيترجمة فى الشارع بطريقتة او هو فاهم ان سواقتة كدة الصح زى سواق التاكسى اللى فاهم نفسىة دايما صح وبيشتكى من شىء هو بنفسة بيعملة واحنا راكبين معاة بيبقى الواحد عاوز يقولة طب متقول لنفسك واظن هو دة اساس المشكلة الموضوع سلوك فى الاول والاخر واسلوب تفكير