اولا كل عام و جميع المصريين بكل خير و صحه و عافيه
احييك علي الموضوع المتميز ده, و تميزه نابع انه طالع من قلب صادق مع نفسه و الغير
اوقات كتير بيتم استغلال الاديان لنيل مكاسب دنيويه, مع ان الدين و الايمان يعتبر ما وقر في القلب و صادقه الفعل
و بالنسبه لينا احنا كبني ادمين في الدنيا اكتر حاجه بتفرق هي المعامله ما بينا, و اسوء ما يتم استغلاله للتفريق هو الاختلافات الموجوده بين الاديان عن طريق المتشددين و اصحاب المصالح و الاهواء
مع ان في مساحه مشتركه متداخله من القيم و التعاليم اللي بتحث علي احترام الاخر و حسن معاملته و للاسف كتير ما بيتم حجب الاضواء عن المساحه دي و التركيز علي الفروقات
و النتيجه مهما ان تجادلنا ان كل واحد فينا ليه معتقداته الدينيه, اللي ايمانه بيها عمره ما هيتزحزح, و نتيجه للتركيز علي الفروقات بينتج عن التركيز علي الفروقات دي مشاكل و خلافات و ضغائن
مع ان في مجال كبير مشترك من القيم و المباديء, و كون الانسان عدو ما يجهل, مع عدم التركيز علي العوامل المشتركه, بيؤدي الي حدوث خلافات و كراهيه للاخر
يا تري مين المستفيد من اي انقسام ما بين المسلمين و المسيحين في مصر او اي مكان اخر زي علي سبيل المثال السودان؟!
هل لو قام في اي وقت من الاوقات اعتداء او حرب حتي بين اتباع الديانات السماويه هيكون في مكاسب تعود علي احد الطائفتين؟!
العاقل اللي بيتعلم من تجارب الماضي و التاريخ علي طول الخط اثبت ان الانسان مهما ان حصل بيدين بالدين اللي هو مقتنع بيه
و احنا لو هنختلف و نتقاتل يبقي الماضي متعلمناش منه اي شيء ابدا
التركيز علي الاختلافات بيولد كراهيه و احقاد و دمار
لو هنبص كمسلمين و مسيحيين ( علي سبيل المثال و كنقطه مشتركه اساسيه) الي الهندوس او الصينيين هنلاقي ان بيجمعنا الايمان بالله و ده بيفرقنا عنهم
احييك مره تانيه علي موضوعك و اللي فعلا وضح ليا بعض المفاهيم الخاطئه و خلاني انتبه ان المتشددين و المتطرفين موجودين و هدفهم واحد علي اختلاف دياناتهم
تدمير الوحده ما بينا و التفرقه و الخراب
و كل سنه و كل مصر بخير و صحه و سلام
المفضلات