هانتينج خفيف في عداد ال r p m

**amink** · 24-12-2010 01:09 AM

السيارة لانوس 2
عند الدوران صوت المحرك سليم ثم يعطي نتشة خفيفة ثم صوت طبيعي مرة اخري ثم نتشة اخري وهكذا طبعا العربية علي المور وتسمعها اكثر من عند الشكمان صوت طبيعي ثم النتشة او العطسة هذه
من الملاحظة وجدت فعلا ان عداد السرعة rpm يتاثر بها هل هي مشكلة بوجيهات

**samirayad** · 24-12-2010 03:53 PM

لازم يتم أولا الأطمئنان على حريق البوجيهات

فممكن دى

تكون مشكلة بوبينا أو كابلات بوجيهات أو بوجيهات

وممكن يكون فيه دور للرشاشات

بهذه الظاهره ( بتسمى بظاهرة التنتيش أو hunting فى حريق المحرك )

**Angel_wolf** · 24-12-2010 05:45 PM

بشمهندس سمير استاذنا الكبير واول واحد اتعلمت من مواضيعة كان حضرتك
سؤال فنى صغير محدش هيجاوبنى علية غير حضرتك

انا الحمد لله جبت عربية فرنا موديل 2006 عاملة 12 الف كيلو بس وهى 1500 سى سى
هى تمام اوى وكويسة بس فية مشكلة واحدة انى لما بكبس بنزين مرة واحدة بسمع صريخ جاى من عند الماتور بس الموضوع دة مبيبقاش موجود فى حالة انى بدوس بنزين سنة بسنة لما بكبس بس وكمان ملوش دعوى بالقرص على الغيار لانى فصلت العربية على كذا غيار بس بدوس سنة بسنة محصلش حاجة ومسمعتش الصوت وهو للعلم العربية دى كانت مركونة من 3 لاربع شهور يادوب كانت ببتسخن بس فاية راى حضرتك فى الحكاية دى وهى بردوا مش ماثرة على السحب او الجرى نهائياً

وسؤال تانى العربية الى معايا دى هاف اوبشن وعايز اركبلها ار بى ام فهل فية نوع معين حضرتك تنصحنى او اى حاجة اخد بالى منها عند التركيب

**samirayad** · 24-12-2010 05:55 PM

بشمهندس سمير استاذنا الكبير واول واحد اتعلمت من مواضيعة كان حضرتك
سؤال فنى صغير محدش هيجاوبنى علية غير حضرتك

متشكر لزوقك

انا الحمد لله جبت عربية فرنا موديل 2006 عاملة 12 الف كيلو بس وهى 1500 سى سى

مبروك عليك

بس فية مشكلة واحدة انى لما بكبس بنزين مرة واحدة بسمع صريخ جاى من عند الماتور بس الموضوع دة مبيبقاش موجود فى حالة انى بدوس بنزين سنة بسنة لما بكبس بس وكمان ملوش دعوى بالقرص على الغيار لانى فصلت العربية على كذا غيار بس بدوس سنة بسنة محصلش حاجة ومسمعتش الصوت وهو للعلم العربية دى كانت مركونة من 3 لاربع شهور يادوب كانت ببتسخن بس فاية راى حضرتك فى الحكاية دى وهى بردوا مش ماثرة على السحب او الجرى نهائياً

غالبا الصرخه دى من سير الدينامو

عاوز يتشد سنه بسيطه

حاول تحط على سير الدينامو شوية ميه بساط

وجرب التزويد الفجائى لسرعة المكنه لأختبار قوة شد السير

راح صوت الصرخه

يبقى فعلا سير الدينامو بحاجه لضبط قوة شده على الطنابير

وسؤال تانى العربية الى معايا دى هاف اوبشن وعايز اركبلها ار بى ام فهل فية نوع معين حضرتك تنصحنى او اى حاجة اخد بالى منها عند التركيب

حقيقة

لازم الأول تشوف نظام تطبيق عداد ال rpm

فى فيرنا كامله

لأن دى قصه مكلفه شويه

حتحتاج فيها لشغل توصيلات كهربيه ( زى اللى فى الكامله بالضبط )

وحتحتاج تغير التابلوه كمان

والمفروض فعلا

متعملش الأمور دى

إلا فى التوكيل أو عند كهربائى ممتاز

**amink** · 24-12-2010 11:41 PM

شكرا طلع العيب في بوجية مشروخ من عند الخزف

**Angel_wolf** · 27-12-2010 08:43 AM

متشكر لزوقك

حضرتك دى الحقيقة انت فعلا اهل الخبرة

مبروك عليك

الله يبارك فى حضرتك

غالبا الصرخه دى من سير الدينامو

عاوز يتشد سنه بسيطه

حاول تحط على سير الدينامو شوية ميه بساط

وجرب التزويد الفجائى لسرعة المكنه لأختبار قوة شد السير

راح صوت الصرخه

يبقى فعلا سير الدينامو بحاجه لضبط قوة شده على الطنابير

هجرب ان شاء الله وهقول لحضرتك على النتيجة

حقيقة

لازم الأول تشوف نظام تطبيق عداد ال rpm

فى فيرنا كامله

لأن دى قصه مكلفه شويه

حتحتاج فيها لشغل توصيلات كهربيه ( زى اللى فى الكامله بالضبط )

وحتحتاج تغير التابلوه كمان

والمفروض فعلا

متعملش الأمور دى

إلا فى التوكيل أو عند كهربائى ممتاز

طيب لو هركب الـ rpm الخارجى الكبير دة هل هيبقى فية مشكلة

وانا متاسف انى اتخرت فى الرد على حضرتك انت عارف المنتدى كل شوية كان بيقع وكمان عندى امتحانات ومتشكر جدا لحضرتك

**samirayad** · 03-01-2011 06:54 PM

طيب لو هركب الـ rpm الخارجى الكبير دة هل هيبقى فية مشكلة

لاتوجد مشكله فنيه أطلاقا

غير الشكل الجمالى للعداد المنفصل عن التابلوه

**Angel_wolf** · 03-01-2011 10:17 PM

لاتوجد مشكله فنيه أطلاقا

غير الشكل الجمالى للعداد المنفصل عن التابلوه

متشكر جدا جدا لحضرتك وانت برودوا مهندسنا الكبير والله انت الى بتخلينى افكر احول من قسم اتصالات الى ميكانيكا سيارات

واالصوت الى كنت بقول لحضرتك علية لما الميكانيكى شافه قالى الصوت جى من الشكمان لان صوت الصريخ مش زى صوت صريخ السيور لما تبقى عايزة تتشد لا دة عامل وى مايكون حتت صفيحة بتحك بس بسرعة سريعة اوى بس غير مؤثر نهائى على الاداء بل مدى صوت غريب بيخلى كل الناس الى على الطريق تتجن منة وان شاء الله هحط فديو فية الصوت بتاع العربية وبكرر شكرى لحضرتك

**samirayad** · 03-01-2011 11:28 PM

متشكر جدا جدا لحضرتك وانت برودوا مهندسنا الكبير والله انت الى بتخلينى افكر احول من قسم اتصالات الى ميكانيكا سيارات

الله يخليك ياهندسه

فكل مجال فى علم الهندسه ومفيد برضه وشيق جدا

وما أجملها هندسة الأتصالات

( بلا ميكانيكا ...........بلا وجع قلب )..........شغل الميكانيكا متعب فعلا ( بدنيا لمهندس ميكانيكا )

وطبعا لازم تعرض العربيه على متخصص شكمانات لمراجعة تثبيتات

الشكمان من أسفل

وفى نفس الوقت الأطمئنان على وسطنة علب الشكمان فى بيوتها أسفل

السياره

وفى نفس الوقت للأطمئنان على وجود خلوص بين العلب وعواكسها

الحراريه داخل البيوت

فممكن جدا تكون علبه محتكه بالعاكس الحرارى من أعلاها

وعاوزه قرصه صغيره لتحت لأيجاد خلوص يمنع الأحتكاك مع تزويد

السرعه وحركة العادم السريعه بخط الشكمان